Baş pediator bir yaşlı uşaq ölümləri ilə bağlı məsələni aydınlaşdırdı...

Tarix: 12.07.2016 / 00:32
Bölmə: Sosial

Nəsib Quliyev: "Azərbaycanda 1 yaşa qədər olan uşaqlar arasında ölüm göstəricisi 2.5 dəfə azalıb"

"Anaların uşaqlarına qarşı diqqətsizliyi də ölüm hallarının artmasına səbəb olur"

Azərbaycanda 1 yaşa qədər ölən uşaqların sayı artıb. 2010-cu ildə 1843, 2011-ci ildə 1903, 2012-ci ildə 1884, 2013-cü ildə 1862, 2014-cü ildə 1655, 2015-ci ildə isə 2033 nəfər 1 yaşa qədər uşaq dünyasını dəyişib.

Statistik məlumatlara görə, ölən körpələrin çoxu oğlan uşaqlarıdır. 2014-cü ildə ölən 1 yaşadək oğlan uşaqlarının sayı azalaraq 976-ya (həmin ildə ölən 1 yaşadək uşaqların ümumi sayı 1655 olub) ensə də, 2015-ci ildə ölən oğlan uşaqlarının sayı (1220) yenidən artıb. Ötən il 1 yaşa qədər ölən uşaqların sayı 12,2 faizə yüksəlib.

Mövzu ilə bağlı "Bakı-Xəbər"ə açıqlama verən Elmi-Tədqiqat Pediatriya İnstitutunun direktoru, Səhiyyə Nazirliyinin baş pediatrı Nəsib Quliyev bildirdi ki, dünya ölkələri ilə müqayisədə Azərbaycanda azyaşlı uşaqların ölümü azalıb: "Azərbaycanda 1 yaşa qədər olan uşaqlar arasında ölüm göstəricisi 2.5 dəfə azalıb. Onu da nəzərə almaq lazımdır ki, əhalinin sayı artdıqca ölənlərin sayına müvafiq olaraq artır".

Baş pediatrın sözlərinə görə, 2015-ci il yanvarın 1-dən etibarən Azərbaycan diri doğulmanın yeni meyarına keçib.

Bu o deməkdir ki, hamiləlik müddəti 22 həftədən yuxarı və bədən kütləsi 500 qramdan çox olan hər hansı həyat əlamətli doğulan döl varsa, onu diri doğulma kimi qiymətləndirirlər. Həmin meyara görə, əvvəl "gecikmiş düşük" adlanan döl indi diri doğulmuş uşaq kimi qiymətləndirilir: "Bir daha deyirəm, bədən kütləsi 500 qramdan artıqdırsa, hamiləlik dövrü 22 həftədən çoxdursa, o uşağa yardım göstərirlər. Təbii ki, burda da ölüm faizi çox yüksəkdir. Dünyanın bütün ölkələrində diri doğulmanın yeni meyarlarına keçilirsə, o zaman ölüm göstəricisində yüksəlmə müşahidə olunur, hələ Azərbaycanda çox az yüksəlib".

Həmsöhbətimiz anaların uşaqlarına qarşı diqqətsizliyinin də ölüm hallarının artmasına səbəb olduğunu vurğuladı: "Ölüm hallarında birinci səbəb valideynlərin etinasızlığı, məlumatsızlığıdır. 9 aylıq hamilə müddətində bir dəfə də olsun həkimə müraciət etməyən analar var. Onların bəzisi evdə uşaq dünyaya gətirir. Bu hallar problemlər yaradır. Valideynlər çox zaman uşaqların sağlamlığına etinasız yanaşır. Ona görə də uşaqların müayinəsi icbariləşdi. Düzdür, yerli sahə həkimləri də həmin qadınlarla maraqlanmalıdır. Ana öz uşağına qarşı etinasızdırsa, məsuliyyəti tibb işçisinin üzərinə atmaq olmaz".

Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır