Evlənmək istəyənlərin sayında azalmalar başlayıb

Tarix: 09.07.2016 / 02:18
Bölmə: Sosial

Könül Vaqifqızı: "Cəmiyyətdə boşanmaların artması ailə quran insanların psixologiyasına mənfi təsir edir"

Mehriban Zeynalova: "Gənclərin təhsil və karyera qurmağa maraq göstərməsi evliliyin ikinci plana keçməsinə səbəb olur"

Ailə kiçik dövlətdir. Cəmiyyətdə sağlam ailənin formalaşması isə müxtəlif amillərdən asılıdır. Təəssüf ki, son zamanlar ölkəmizdə nikahların sayının kəskin azalması faktı müşahidə olunur.

Dövlət Statistika Komitəsinin yaydığı məlumata əsasən, ötən il Azərbaycanda 68773 nikah qeydə alınıb ki, bu da son 6 il ərzində nikaha daxil olanların sayında qeydə alınan ən aşağı göstəricidir: "Belə ki, 2010-cu ildə Azərbaycanda 79172, 2011-ci ildə 88145, 2012-ci ildə 79065, 2013-cü ildə 86 852, 2014-cü ildə 84 912, 2015-ci ildə isə 68 773 nikah qeydə alınıb.

Ötən il Azərbaycanda əhalinin hər 1000 nəfərinə düşən nikahların sayı da son 6 ilin ən aşağı göstəricisi olub.

2010-cu ildə Azərbaycanda əhalinin hər 1000 nəfərinə 8,9 nikah düşdüyü halda, 2015-ci ildə bu rəqəm 7,2 olub".

Ailə qurmaq istəyənlərin sayının azalması təəssüf doğurur. Ekspertlər nikaha daxil olmaq istəyənlərin sayının azalmasını müxtəlif səbəblərlə izah etdilər. Psixoloq Könül Vaqifqızı bizimlə söhbətində bildirdi ki, ölkədə ailə quranların sayının azalmasının bir sıra səbəbləri ola bilər: "Onlar qorxurlar ki, evlənsələr, hansısa problem çıxacaq. Çünki cəmiyyətdə boşanmaların artması ailə quran insanların da psixologiyasını zədələyir, onlarda müəyyən narahatlıqların yaranmasına səbəb olur. Statistikaya da baxsaq görərik ki, əvvəllər xanımlar 18-20 yaşlarında ailə qururdular və bu çox normal hesab olunurdu. İndi isə onlar, əsasən, 25-27 yaşlarında ailə qururlar.

Evlənənlərin sayının azalması, ilk növbədə, tərəflərin ailə qurmağa tələsməməsi, məsuliyyət hissini daşımaq istəməməsi, bir-birinə güvənsizlikdən, etibarsızlıqdan irəli gəlir".

"Təmiz Dünya" Qadınlara Yardım İctimai Birliyinin sədri Mehriban Zeynalovanın sözlərinə görə, son zamanlar nikahların sayının azalmasının bir sıra fərqli səbəbləri var: "Əsas səbəblərdən biri insanların dini nikaha üstünlük verməsidir. Tərəflər bu məsələdə bir çox səhvlərə yol verir. Bir çoxları dini nikahın yetərli olduğunu düşünür və rəsmi nikaha birmənalı yanaşmır. Gənclər və onların ailələri dini nikahı vacib amil kimi qabardıb rəsmi nikahın yersiz olduğunu düşünürlər. Əslində mən deyərdim ki, nikahların sayı azalmayıb, sadəcə olaraq dini nikahların sayı artıb. İnsanlar rəsmi nikahı artıq vaxt itkisi hesab edir və sonradan bu amil onların qarşısına çox ciddi bir problem şəklində çıxır. İstərdim ki, problemin həlli üçün gənclərlə birlikdə müəyyən ciddi maarifləndirmə işləri aparılsın və müxtəlif sosial layihələr hazırlansın".

Həmsöhbətimizin fikrincə, gənclərin təhsil və karyera qurmağa maraq göstərməsi evliliyin ikinci plana keçməsinə gətirib çıxarır: "Mövcud problemin səbəblərindən biri isə gənclərin əksəriyyətinin karyera və təhsil ardınca qaçmasıdır. Hazırda bir çox gənc evliliyin onun təhsilinə və iş həyatındakı uğurlarına mane olacağını düşünür. Əslində gənclərin karyeraya bu dərəcədə əhəmiyyət verməsinin səbəbi yenə ailə ilə birbaşa bağlıdır. Çünki bir çox gənc hazırda öz iqtisadi vəziyyətini yaxşılaşdırmadan ailə qurmaq istəmir. Onların arzuladıqları ailə həyatının mərkəzində lüks həyat və uğurlu karyera dayanır. Təbii ki, bu da müəyyən dərəcədə zaman itkisinə səbəb olur və nikahların azalmasına öz mənfi təsirini göstərir".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...