Marşrut avtobuslarının dayanacaqdan kənar dayanışlarına hələ də rast gəlinir

Tarix: 06.07.2016 / 02:16
Bölmə: Sosial

Nuridə Allahyarova: "Bütün avtobuslar vahid ödəmə sisteminə keçdikdən sonra dayanacaqdan kənar yerdə saxlamaq problemi yaşanmayacaq"

"Dayanacaqlarda yaşanan problemlərdən biri də taksilərin oranı zəbt etməsidir və bu problem öz həllini tapacaq"

Marşrut avtobusları bir çox hallarda sərnişin mindirmək üçün dayanacaqdan kənarda saxlayır. Bu zaman yollarda avtomobil sıxlığı yaşanır və sürücülər saatlarca tıxacda gözləyir. Belə mənzərə şəhərin bir sıra ərazilərində yaşanır.

Avtobus sürücüləri sərnişini mindirmək üçün dayanacaqdan kənar ərazidə avtobusu saxladığı an həmin minik vasitəsinə minən sərnişinin də həyatı təhlükəyə düşür.

Artıq neçə ildir bu məsələ müzakirə olunur. Aidiyyəti qurumlar məlum problemlə bağlı bəzi işlər görsələr də, məsələ hələ də öz həllini tapmayıb.

Bakı Nəqliyyat Agentliyinin mətbuat xidmətinin rəhbəri Nuridə Allahyarova "Bakı-Xəbər"ə açıqlamasında bildirdi ki, avtobusların dayanacaqdan kənarda saxlaması qanunla qadağandır: "Dayanacaq olmayan yerdə avtobusların saxlamasının qanunsuz olması barədə fikirlər kifayət qədər səsləndirilib. Bu həm daşıyıcının, həm də sürücünün qarşısında tələb kimi qoyulub. Bəllidir ki, yeni konsepsiya hazırlanır. Həmin konsepsiyada avtobusların dayanacaqdan kənarda saxlaması məsələsi də öz əksini tapacaq. Dayanacaqdan kənar saxlamaq, sürücülərin sərnişinlə kobud rəftar etməsi, sürət həddinin aşılması, avtobus salonunun təmizliyi kimi məsələlər konsepsiyada qeyd olunacaq".

Həmsöhbətimizin dediyinə görə, dayanacaqdan kənarda avtobusların saxlaması ilə bağlı monitorinq aparılır. Monitorinqi aparmaq üçün xüsusi işçi qrupu yaradılıb. Həmin işçi qrupu paytaxtın bir neçə istiqaməti üzrə monitorinq aparır: "Apardığımız araşdırmalar zamanı məlum olub ki, sərnişinlərin özü dayanacaqdan kənar yerdə avtobusu saxlatdırmaqda maraqlıdır. Sərnişinlər sürücüdən tələb edir ki, evlərinə yaxın yerdə avtobusu dayandırsın. Bu hal çox yaşanır. Qanunvericiliyə əsasən, Bakı Nəqliyyat Agentliyi sərnişini cəzalandırmır. Ya sürücü, ya da daşıyıcı cəzalandırılır. Sərnişinlərin dayanacaqdan kənar yerdə avtobusu saxlamaq tələbi böyük bir problemdir. Çox yaxın zamanlarda bu problem öz həllini tapacaq".

N.Allahyarovanın sözlərinə görə, dayanacaq olmayan yerdə avtobusların saxlanması və ya addımbaşı dayanması barədə agentliyə şikayətlər daxil olur. Bütün avtobuslar vahid ödəmə sisteminə keçdikdən sonra dayanacaqdan kənar yerdə saxlamaq problemi yaşanmayacaq.

Agentliyin sözçüsü onu da əlavə etdi ki, bu gün dayanacaqlarda yaşanan problemlərdən biri də taksilərin oranı zəbt etməsidir: "Bu problem də öz həllini tapacaq. Taksilər onlar üçün ayrılan xüsusi dayanacaqda duracaq. Dayanacaqların dar olması məsələsi də bəllidir. Dayanacaqların dar olması ilə bağlı ciblər (dayanacağa giriş üçün genişləndirilmiş əraziyə cib deyilir) hazırlanır. Artıq bir neçə cib istifadəyə verilib. Bu kimi məsələlər öz həllini tapandan sonra avtobuslar dayanacaqdan kənarda saxlamayacaq. Hansı avtobus sürücüsü buna əməl etməsə, o zaman sürücü və daşıyıcı ilə bağlı sərt tədbirlər görüləcək. Məsələn, sürücüyə töhmət cəzası verilə bilər. Qeyd edim ki, bu günə kimi 12 sürücü işdən azad olunub. Agentliyə edilən şikayətlərdən sonra həmin sürücülərin cəzalandırılması ilə bağlı daşıyıcılar qarşısında tələb qoyulub. Nəticədə 12 sürücü işdən azad olunub".

Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır