İlk iyul günlərinin qarpız və yemişinin hansısa təhlükələri varmı?

Tarix: 06.07.2016 / 02:15
Bölmə: Sosial

Eyyub Hüseynov: "Qarpız və yemişi əsasən iyul ayının sonlarından, yaxud avqust ayından yemək məsləhətdir"

"Qarpız və yemişə vurulan gübrələr normadan artıq olduqda orqanizmdə toksinlər artır və zəhərlənmə halları baş verir"

Yayın gəlişi ilə çox yeyilən bostan məhsulları arasında qarpız və yemiş xüsusi yer tutur. Qarpız və yemişin insana faydası çoxdur. Bəzən qarpızı şəfa qaynağı da adlandırırlar. Çünki tərkibindəki "likopen" maddəsi qan təzyiqini nizamlayır, ürəyin funksiyasını yaxşılaşdırır, eyni zamanda xərçəngdən də qoruyur.

Qarpız, həmçinin, böyrəklərin işini yaxşılaşdırır və sidikqovucudur. Çünki 95 faiz sudan ibarətdir. Böyrəkdəki daş və duzları təmizləyir. Qarpızda bol B, C vitamini və antioksidant ehtiyatı da var. Tərkibindəki bol kalium və beta-karotin maddəsi sayəsində ürəyi infarktdan qoruyur. Arıqlamaq üçün də qarpız məsləhət görülür və çəkini artmağa da qoymur.

Ötən aydan etibarən qarpız və yemişin kütləvi satışı başlayıb. Deyilənə görə, qarpız və yemişi havalar tam isinməmiş yemək olmaz. Yəni iyulun sonları və avqust ayında bu məhsullardan qidalanmaq olar.

Azad İstehlakçılar Birliyinin sədri Eyyub Hüseynov bildirdi ki, bu məhsulların yetişdirilməsi üçün qeyri-ənənəvi üsullardan istifadə edilir. Gübrə və dərmanlar verildiyindən, zəhərlənmələrə səbəb ola bilər. Buna görə də hər məhsulu zamanında yemək məsləhətdir.

Ekspertin dediyinə görə, qarpız ən çox nitratı özünə cəlb edən bostan məhsuludur: "Qarpızın daha tez yetişməsi üçün ona azot gübrəsi verirlər. Azot gübrəsi nitrat tərkiblidir. Qarpız da bostan məhsulları içərisində ən çox nitratı özünə cəlb edən bitkidir. Məhsul istehsalçısı qarpızı daha tez bazara çıxarmaq üçün may ayında qarpıza azot gübrəsi verir. Normadan artıq nitrat qəbul edən qarpızların rəngi sarımtıl olur. Onun tərkibində ağ, sarı zoğların çoxluğu da nitratın normadan artıq olmasından xəbər verir. Nitrat orqanizm üçün zəhərlidir. Qarpızdan sonra ən çox nitratı özünə cəlb edən pomidordur. Qarpızdan zəhərlənmə halları bu aylarda ona görə çox müşahidə olunur ki, şirin olduğu üçün çox yeyiləndir. Hansı orqanizmdə problem yoxdur, o, gübrəli qarpızı mənimsəyə bilir. Orqanizmi zəif olanlarda isə zəhərlənmələrə gətirir. Ona görə də qarpızdan avqust ayında qidalanmaq məsləhətdir. Qarpız və yemişə vurulan gübrələr normadan artıq olduqda orqanizmdə toksinlər artır və zəhərlənmə halları baş verir. Ona görə də iyun və iyulun əvvəlində qarpız yemək təhlükəlidir. Bu tərəvəzi əsasən iyul ayının sonlarından, yaxud avqust ayından yemək məsləhətdir".

Həmsöhbətimiz onu da əlavə etdi ki, yemiş və qarpızı alarkən xüsusi qaydalara fikir vermək lazımdır: "Adıçəkilən bitkilər günəş şüası altında çox qalmamalıdır. Əslində, bu bitkilər sərin yerdə saxlanmalı və ölçüsü normaya uyğun olmalıdır. Qarpız əzilmış, çürümüş və formasını dəyişmiş şəkildə olmamalıdır. Bəzi hallarda qarpız ağ və çəhrayı rəngdə, eləcə də qarpızın daxilində müəyyən damarlar müşahidə olunur. Bu hal qarpızın yetişmədiyindən xəbər verir".

Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır