Hamiləlik dövrünün xəstəliklərində artımın əsaslı səbəbləri var

Tarix: 02.07.2016 / 01:37
Bölmə: Sosial

Pərvanə Mustafayeva: "Əksər hallarda vaxtlı-vaxtında həkimə müraciət etməyən hamilə qadınlarda problem yaşanır"

"Hamilə qadında baş ağrılarının səbəbləri daha ciddi olur - beyin qan dövranının pozulması, arterial təzyiqin qalxması, böyrək xəstəlikləri və ağır toksikozlar yarana bilər"

Ana olmağa hazırlaşan qadınlar 9 ay müddətində səhhətinə əvvəlki dönəmlərdən fərqli olaraq daha çox diqqət yetirməlidir. Çünki onun bətnində olan döl ana sağlamlığından asılıdır.

Azərbaycanın baş mama-ginekoloqu Sevinc Məmmədova bir neçə gün öncə keçirdiyi mətbuat konfransında bildirib ki, Azərbaycanda il ərzində 150-170 min doğuş baş verir və bunun da 70-80 faizi normal fizioloji halda olur. Baş mama-ginekoloq onu da diqqətə çatdırıb ki, hamiləliklərin yalnız 20-30 faizində kənara çıxmalar qeydə alınır.

Hamilə qadınların 30 faizində problemlərin nə səbəbdən yarandığını öyrənmək məqsədilə mama-ginekoloq Pərvanə Mustafayevaya müraciət etdik.

Müsahibimiz "Bakı-Xəbər"ə açıqlamasında qeyd etdi ki, hamilə qadınların özlərini narahat hiss etməsi normal haldır: "Çünki qadının bədənində dəyişikliklər gedir. Hansısa qadının səhhətində də ciddi problem yaşanırsa, o zaman xəstə nəzarətə alınmalıdır. Əksər hallarda vaxtlı-vaxtına həkimə müraciət etməyən hamilə qadınlarda problem yaşanır. Hamilə qadınlar, demək olar ki, iki həftədən bir həkim nəzarətində olmalıdır. Bəzi qadınlar nəinki ay ərzində, heç ümumiyyətlə həkimə müraciət etmir. Ancaq doğuş sancısı olanda həkimə gedirlər".

P.Mustafayevanın dediyinə görə, hamiləlik zamanı qadınların bir çox hissəsi ağrılarla rastlaşır. Bəzən belə ağrılar hamiləliklə, bəzən isə digər xəstəlik və pozulmalarla bağlı olur: "Adətən qarın nahiyəsində olan ağrılar qadınları çox narahat edir. Lakin bu heç də o demək deyil ki, hamiləlik təhlükə altındadır. Belə ağrılar mədə-bağırsaq sistemində olan pozulmalarla əlaqəli ola bilər. Ümumilikdə isə hamiləlik mədə-bağırsaq orqanlarının fəaliyyətinə güclü təsir edir. Böyüməkdə olan uşaqlıq bağırsaqları sıxır. Hamiləliklə bağlı olan proqesteron hormonunun artması da bağırsaqların normal fəaliyyətini pozur. Məhz bu səbəbdən hamilə qadınlar tez-tez qəbizlikdən və digər həzm proseslərinin (qıcqırma, meteorizm və s.) pozulmalarından əziyyət çəkir. Qəbizlik ağrılara və ağırlıq hissiyyatının əmələ gəlməsinə səbəb ola bilər. Bu kimi hallarla mübarizə aparmaq üçün qadın hamiləlik zamanı düzgün qidalanmalı və gün ərzində 4-5 dəfə kiçik porsiyalarla qida qəbul etməlidir. Bundan əlavə, hamilə qadın mümkün qədər çoxlu gəzməli və fiziki hərəkətlər etməlidir ki, bağırsaqların fəaliyyəti yaxşılaşsın".

Həmsöhbətimiz qeyd etdi ki, hamiləlik zamanı bir çox qadınlar baş ağrılarından əziyyət çəkir: "Baş ağrısı başının bir hissəsində yarana və ya yayılmış xarakter daşıya bilər. Adətən bu hallarda həkimlər, xüsusən hamiləliyin əvvəlində, heç bir dərman preparatı təyin etmir və sadəcə daha çox dincəlməyi və açıq havada olmağı məsləhət edirlər. Lakin bəzən hamilə qadında olan baş ağrılarının səbəbləri daha ciddi olur - beyin qan dövranının pozulması, arterial təzyiqin qalxması, böyrək xəstəlikləri, ağır toksikozlar. Bu xəstəliklər və pozulmalar hamiləlik və bəzən hətta qadının həyatı üçün ciddi təhlükə yaradır. Bu səbəbdən hamiləlik zamanı baş ağrıları ilə üzləşdikdə mütləq həkimə müraciət edib lazım olan müayinə və analizlərdən keçmək lazımdır".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...