Gəlinlik paltarlarının kirayə qiyməti "od tutub yanır"

Tarix: 29.06.2016 / 01:41
Bölmə: Sosial

"Dekolteli və qaşlı gəlinliklərin kirayə qiyməti bahadır"

"Svorovski qaşlarla bəzədilən gəlinliklərin kirayə qiyməti 450-500-600 manat arasında dəyişir"

Qədim zamanlarda Azərbaycan gəlinləri al qırmızı rəngdə gəlinlik geyinib. Bunun səbəbi qırmızı rəngli gəlinliyin bəkarət, namus və başucalığı rəmzi kimi qəbul olunması olub. Yaxın keçmişədək geyinilən qırmızı gəlinliyin üzərində günəşin simvolu olan sarı və saflığın simvolu olan ağ rəngli naxış çalarları olub.

Gəlinlər toy günü başmaqlarından tutmuş, əllərindəki xınaya qədər qırmızı rəngə bürünüb.

İllər keçdikcə insanların zövqü də dəyişir. Artıq gəlinlər qırmızı rəngli gəlinlikləri deyil, ağ-bəyaz rəngli göz oxşayan libasları geyinir. Zövq oxşayan gəlinlik tapmaq asan olsa da, onu almaq hər ailəyə qismət olmur. Bunun səbəbi isə gəlinliklərin qiymətinin bəzi ailələrin büdcəsinə uyğun olmamasıdır. Buna görə də gəlinliyi almaq əvəzinə kirayə götürməyə üstünlük verilir. Lakin kirayə verilən gəlinliklərin qiyməti də ucuz deyil.

Bu gün paytaxtın bir sıra ərazilərində gəlinlik butikləri mövcuddur. Həmin butiklərdə kirayə verilən bəyaz gəlinliklərin qiyməti onların formasına, dizaynına, parçasının hansı ölkədən gətirildiyinə, qapalı və ya açıq olmasına, küpürlü, qaşlı və ya sadə olmasına görə fərqlənir.

Gənc xanımlar daha çox türk və Qərb üslubunda hazırlanan gəlinliklərə üstünlük verir.

Gəlinliklər arasında azərbaycanlı modelyerlərin əl işləri olsa da, satıcılar bildirir ki, əksər gənclər xaricdən gətirilən gəlinliklərə üstünlük verir.

Şəhərin mərkəz hissələrində olan gəlinlik butiklərində gəlinliklərin qiyməti nisbətən baha olur. Burada kirayə verilən gəlinliklərin qiyməti 500 manatdan başlayır.

Hazırda toya hazırlaşanlar daha çox "Laçın" və "Diglas" ticarət mərkəzlərinə daha çox yollanır. Çünki bu məkanlarda həm satılan, həm də kirayə verilən gəlinliklərin qiyməti nisbətən ucuz olur.

"Diglas" satış mərkəzində fəaliyyət göstərən "Diamond" gəlinlik mağazasında çalışan Aynurə adlı xanım bizimlə söhbətində bildirdi ki, gəlinliklərin orta satış qiyməti 450-700 manat arasındadır. Bu paltarların bir günlük kirayə qiyməti isə 150-200 manat arasında dəyişir: "Gənclər daha çox açıq formada gəlinlik paltarlarına üstünlük verir. Dekolteli və qaşlı gəlinliklərin kirayə qiyməti bahadır. Svorovski qaşlarla bəzədilən gəlinliklərin kirayə qiyməti 450-500-600 manat arasında dəyişir.

Maddi imkanı zəif olan ailələr bir neçə dəfə geyinilmiş saya formalı gəlinliklərə üstünlük verir. Onların isə qiyməti 50-150 manatdır".

Qeyd edək ki, bu günlərdə naməlum şəxs Bakının mərkəzində, Azərbaycan prospektində yerləşən gəlinlik mağazasına daxil olaraq gəlinlikləri yararsız hala salıb. Mağaza sahibinin sözlərinə görə, mağazanı açan sahibkar gənc oğlanın obyektə daxil olduğunu görüb. Həmin şəxs bir göz qırpımında gəlinliklərin üstünə qara məhlul töküb və qaçıb. Təxminən 40-a yaxın gəlin paltarı istifadəyə yararsız vəziyyətə düşüb. Mağaza sahibi deyir ki, həmin paltarlar xaricdən gətirilir və ona 100 min manatdan çox ziyan dəyib.

Bəzən elə hal olur ki, gəlinliklərin satış qiymətinin yüksək olması gənc xanımların istədiyi formada olan libası geyinmək arzusunu ürəyində qoyur. Gəlinliklərin kirayə qiyməti ailələrin büdcəsinə uyğun olarsa, gəlinlik salonlarına nə hücum olar, nə də ağ libaslar qara məhlulla yararsız hala salınar.

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...