Dövlətçilik və əxlaq. Proton əxlaqı

Tarix: 24.06.2016 / 02:17
Bölmə: Sosial

Əxlaq, Etika, Mənəviyyat fəlsəfi kateqoriyalar olsa da, onlar insanın və digər mövcudluqların keyfiyyət göstəriciləridir. Yalnız bu göstərici ilə insanların və digər mövcudluqların ortaqları ilə münasibət ölçüləri müəyyən oluna bilər. Bizə sonsuz görünən bu kainatda hər bir mövcud proqram özünə lazım olan ölçüdə onun sərvətindən istifadə edə bilər. Çünki hər bir proqramın potensialı və ehtiyacları limitləşdirilmişdir.

Əgər öz limitindən artıq istifadə etməyə can atsa, o zaman proqramdaxili və proqramxarici ortaqlıq münasibətləri pozular. Bu zaman proqramdaxili xəstəliklər və proqramxarici parazitizm artar, hətta Hannibalizmə gətirib çıxara bilər. Bu proseslər daha çox imkanlı və ya yüksək potensialı olan proqramlarda özünü göstərir. Bu proqramlar Qalaktikaların mərkəzində yerləşən Qara dəliklər, cəmiyyətdə isə vətəndaşların mərkəzində yerləşən dövlət və hökumət başçıları, həmçinin onların favoritləridir.

Hər şeydən əvvəl deməliyəm ki, Yer kürəsi və digər göy cisimləri canlı proqramdır və özünü tənzimləmək qabiliyyətinə malikdir. Kainatdakı bütün canlı və cansız adlandırılan proqramlar da öz proqramlarını tənzimləmək qabiliyyətinə malikdir. Nəinki Yer kürəsində, hətta bütün Kainatda baş verənləri anlamaq üçün belə bir aksiomanı qəbul etmək vacibdir! Kainatda mövcud olan nə varsa proqramdır, proqramlaşmışdır,proqramlaşdırılmışdır! Proqramlar arasında olan ortaqlıq münasibətləri də proqramlaşmışdır. Proqramlar necə yaranır? Kainatda nə varsa hərəkətsiz qara materiya adlanan enerji xammalından və dalğalardan, yəni hərəkətdə olan enerjidən ibarətdir. Dalğaların hərəkət sürəti, tezliyi və uzunluğu 0-dan sonsuzluğa qədər ola bilər. Dalğaların sürəti və tezliyi sonsuzluğa yaxınlaşarkən yalnız fırlanma hərəkəti edərək materiya əmələ gətirir. Ən kiçik materiya və ya proqram müasir modellərə görə protondur. Proton indiki modellərə görə üç kvark adlanan hissəciklərdən ibarətdir. Beləliklə, indi olmasa da, gələcəkdə kvarkların tərkibinin nədən ibarət olduğu anlaşılacaqdır. Bütün dünyada müxtəlif fikirlərin olmasına baxmayaraq, mənim qəti fikrim budur ki, kvarklar işıq sürətindən milyardlarla dəfə yüksək sürətlə hərəkət edən dalğalardan törənmişdir. Proton kimyəvi element olan hidrogen ionudur. Kainat miqyasında hər bir proqram ümumi, universal və tək Qanunla təsdiq olunmalıdır. Ona görə də proton bütöv enejiyə inteqrasiya etmək və mövcudluğunu saxlamaq üçün bir elektron adlanan dalğa enerjisindən yararlanmışdır və hidrogen atomuna çevrilmişdir. Kainatın bütöv enerjisinə inteqrasiya etmək bəsit və mürəkkəb proqramların hamısı üçün zəruri və labüd şərtdir. Bəsit proqramlar kimyəvi elementlər, mürəkkəb proqramlar isə törəmə proqramlardır. Törəmə proqramlar maddələr, onlardan əmələ gəlmiş göy cisimləri və biorobotlar, yəni canlı orqanizmlər, həm də insanlardır.

Kainatın ümumi, universal və tək qanunu ORTAQLIQ QANUNUDUR. ORTAQLIQ qanununu belə şərh etmək olar: mövcudluqların enerji ortaqlığı 1-ci pillə, cazibə ortaqlığı 2-ci pillə, informasiya ortaqlığl 3-cü pillə, törəmə ortaqlığı 4-cü pillə, hüquqi ortaqlığı isə 5-ci pillədə qərarlaşmışdır. Mövcud olan proqramların hamısı enerji, cazibə, informasiya, törəmə və hüquqi ortaqlardır. Yəni bütöv enerji proqram şəklində differensləşdikdə enerji, cazibə və informasiya xüsusiyyətlərini itirmir. Mövcudluq və idarə olunma Ortaqlıq qanununa tabedir. Kainatda başqa qanun yoxdur, hər hansı sahədə qanun adlandırılan və özünü doğruldan formullar varsa, onlar da ortaqlıq qanununun tərkibindədir. İndiyə qədər Elm adlandırdığımız biliklər sistemləridir, yəni gerçəkliyin müəyyən sahələridir. Mən nə üçün protona bu qədər yer verdim? Proton kimyəvi elementlərin və törəmə proqramların əsasını təşkil etsə də, tükənməz mənəviyyat və əxlaq sahibidir. Kainatda olan mövcudluğun bütün 70 faizi onun payına düşsə də, onsuz yaşaya bilməyən neytrona əbədi həyat versə də, özündən 1836 dəfə kiçik olan 1 elektronla trilyon-trilyon il ömür sürmək imkanına malikdir. İnsan orqanizminin 70 faizini təşkil edən proton alicənablığı insana xas ola bilərmi? Nə üçün potensialı daha yüksək olan proqramlar ən yüksək, ən alicənab, ən qüsursuz əxlaqdan uzaqlaşıb böyük parazitə və ya hannibala çevrilə bilirlər? Bunun elmi şərhi varmı? Çoxluqlar sırasında olan təkcə digər təkcələrin enerjisini mənimsəsə nələr baş verə bilər? Bu məsələni ən kiçik proqramdan başlayaraq, ən böyük proqram üçün nəzərdən keçirək. Məlumdur ki, proton 1 elektron artıq mənimsəsə onun əxlaqı pozulur və neytrona çevrilir və öz titulundan imtina edir, neytrallaşır, bitərəfləşir, öz vəzifəsindən dərhal istefa edir. Bu o deməkdir ki, proton həmproqramının payını mənimsədiyinə görə cəzalandırılmışdır və neytrallaşdırılmışdır. Heç bir proqram öz həmproqramlarının payını mənimsədikdə cəzasız qala bilməz və qalmamalıdır. İmperiya dövründəki Roma imperatorlarının bir neçəsinin həyatına nəzər salaq. Kaliqula, Klavdi, Neron dövrü. Kaliqula-Qay Yuli Sezar öz həyatı dövründə hədsiz hakimiyyət əldə etmiş, mənəviyyatı, əxlaqı iflasa uğramış, vicdansızlaşmış, insani dəyərlərdən uzaqlaşmış, adyult, sibs hərəkətlərinə yol vermiş, hakimiyyətə qətllə gəldiyi kimi hakimiyyətdən qətllə getmişdir.

Bu növ həyat əksər diktatorlara qismət olmuşdur desək, yanılmarıq. Kaliqula öz yaxın qohumu olan Messalina ilə sibilinq əlaqəsində olduqdan sonra Messalina pozğun qadın kimi hakimiyyəti ələ keçirmək fikrinə düşür, Klavdini ələ keçirərək imperatriçə olur. İmperatriçə olan hədsiz sərvət və ixtiyar sahibi Messalina əxlaqsızlığın zirvəsinə qalxmış qadın olmağını isbat etmək üçün gecə qadınları ilə yarışmış və onların liderlərindən 2 dəfə artıq adyult edərək, Roma imperiyasının əxlaqsızlıq üzrə də ən öncül qadını titulunu qazanmışdır!

İmperator Klavdi Messalinanın qətlinə fərman verir və onu həyata keçirtdirir. Onun övladları da məhv edilir. İmperator Klavdini öz qohumu olan Aqrappinya ələ keçirir və ona ərə gedir. Onun da gözünü hakimiyyət hərisliyi tutur. Əvvəlki ərindən olan Neron adlı oğlunu hakimiyyətə gətirmək üçün Klavdinin qətlini təşkil edib Neronu hakimiyyətə gətirir, hakimiyyəti bölüşdürə bilmədiklərinə görə Neron anasını öldürtdürür. Neron hakimiyyətinin ilk illərində bəzi reformalar keçirir, aşağı təbəqənin rəğbətini qazanır, sonralar əxlaqsız ayinlər keçirir. Aktyorluq həvəsinə düşüb dövləti idarə edə bilmir, ona görə də müxtəlif tamaşalar təşkil edərək, vətəndaşların başını aldadır. Ən nəhayət tamaşalar maraqdan düşdüyünə görə paytaxtı yandırıb, insanların mərhəmətini qazanmaq məcburiyyətində qalır. Görün, imperiya əxlaqı və ya əxlaqsızlığı nəyə qadirdir! Deyə bilərsiniz ki, ölçü vahidi olmayan əxlaq və vicdanı necə dəyərləndirmək olar?

Yuxarıda qeyd etdiyim kimi, kainatda hər bir mövcudluğun fəaliyyətini əbədi, əzəli, ümumi, universal və tək qanunla qiymətləndirmək mümkündür. Əgər ortaqlarınla optimal münasibət yaratmısansa, əxlaqın və vicdanın vardır, əksinə, ortaqlarının sərvət payını mənimsəmisənsə, o zaman özün öz vicdansızlığını təsdıqləyib bəyan edə bilərsən.