Uşaqlarda şəkərin yayılması narahatverici həddə çatır

Tarix: 24.06.2016 / 02:16
Bölmə: Sosial

Adil Qeybulla: "Uşaqlarda şəkərli diabet daha çox valideynlərdə olan problemlərlə bağlı ortaya çıxır"

"Bədən çəkisinin normadan artıq olması, piylənmənin baş verməsi şəkərli diabet xəstəliyinin yaranması üçün əsas faktorlardan biri sayılır"

Adı şirin, özü acı olan xəstəlik. Söhbət şəkər xəstəliyindən gedir. Statistik məlumatlara əsasən, son zamanlar şəkər xəstəliyindən əziyyət çəkənlərin sayı artır. Bu xəstəlikdən böyüklərlə yanaşı, uşaqlar da əziyyət çəkir.

Səhiyyə Nazirliyi Endokrinoloji Mərkəzinin direktoru Yusif İsmizadə media nümayəndələrinə açıqlamasında bildirib ki, hazırda Endokrinoloji Mərkəzdə 512 nəfər şəkərli diabetlə xəstə uşaq dispanser qeydiyyatındadır. Ötən il isə bu rəqəm 424 olub. Şəkərli diabetli uşaqlar 1-18 yaş arasındadır. Onlar insulin analoqları, qlükometr ve test çubuqları ilə daim tam təmin olunur. 90 nəfər uşaq REM tərəfindən insulin pompaları və onların ləvazimatları ilə təmin edilib.

Uşaqlar arasında şəkər xəstəliyinin artması tibb işçiləri ilə yanaşı, ölkə ictimaiyyətini ciddi şəkildə narahat edir.

Uşaqlar arasında şəkər xəstəliyi nə səbəbdən artır?

Mövzu barədə fikir bildirən tibbi sahəsi üzrə mütəxəssis, professor Adil Qeybulla bizimlə söhbətində qeyd etdi ki, qida rejiminin pozulması, son zamanlar karbohidratla zəngin, un məmulatlarından hazırlanan qidalardan tez-tez istifadə olunması, sürətlə həzm olunan şirniyyat məhsullarına meylli olmaları uşaqlar arasında şəkərli diabet xəstələrinin sayının artmasına səbəb olur: "Həmçinin, bədən çəkisinin normadan artıq olması, piylənmənin baş verməsi şəkərli diabet xəstəliyinin yaranması üçün əsas faktorlardan biri sayılır. Valideynlər çalışmalıdır ki, övladları mümkün qədər şirniyyatdan az istifadə etsin".

A.Qeybullanın sözlərinə görə, uşaqlarda şəkərli diabetə yetkinlik dövründə, orqanizmin hormonlara tələbatının artdığı bir zamanda daha çox rast gəlinir: "Amma son illər hətta südəmər uşaqlarda da şəkərli diabet xəstəliyinə rast gəlinir".

Ekspert bildirdi ki, uşaqlarda şəkərli diabet daha çox valideynlərdə olan problemlərlə bağlı ortaya çıxır. Qohum nikahlardan dünyaya gələn uşaqlar arasında şəkərli diabetə daha çox rast gəlinir: "Adətən ana xətti ilə qohum nikahlardan doğulan uşaqlarda ikinci tip şəkərli diabet ortaya çıxır. Ata xətti ilə qohum nikahlardan doğulan uşaqlar isə daha çox birinci tip, yəni insulin asılılığı olan şəkərli diabet xəstələri olur".

Həmsöhbətimiz onu da əlavə etdi ki, ailə üzvlərindən bir nəfərdə belə şəkərli diabet aşkar olunubsa, ailənin hər bir üzvü qanda qlükoza miqdarını yoxlatmalıdır.

A.Qeybullanın dediyinə görə, uşaqlarda şəkər xəstəliyinin əmələ gəlməsinin səbəblərindən biri də qorxu və stressdir: "Uşaqlarda şəkərlə bağlı arıqlama qəflətən baş verir. Valideyn görür ki, uşaq yeyir, amma inkişaf etmir. Kəskin arıqlama, zəifləmə yaranır və bunu heç nə ilə izah etmək olmur. Eyni zamanda sidik ifrazının tezləşməsi də baş verir. Gecə sidik miqdarının artması, uşağın yerini islatması halları olur. Sidiyə çıxandan sonra alt paltarda bərkimə, ağ ləkələr yaranır. Bu, şəkərin miqdarının çox olması ilə bağlıdır. Əsas bu üç əlamətin olması şəkərin əsas simptomlarıdır.

Yəni hər bir valideyn bilməlidir ki, uşaq qəfildən çoxlu su içirsə, sürətlə arıqlama baş verirsə, gecələr daha çox sidiyə çıxırsa, şəkərli diabet ola bilər".

Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır