Bakıda sosial evlər şəhərciyi...

Tarix: 21.06.2016 / 01:46
Bölmə: Sosial

Rəsul Cahangirli: "Layihə bu formada həyata keçiriləcəksə, o zaman bunun ciddi müsbət nəticəsi olacaq"

"Bu məqsədlə 10 milyon manat vəsait ayrılması yetərli deyil"

Baş nazirin müavini Abid Şərifov mətbuata açıqlamasında tikilməsi nəzərdə tutulan sosial evlər layihəsi ilə bağlı bir sıra məqamlara toxunub. O artıq bu evlər üçün yerin ayrıldığını, bunun üçün 50 hektar ərazinin nəzərdə tutulduğunu bildirib. Hələ ki, məkanı açıqlamayan baş nazirin müavini bunun üçün yaradılmış agentliyə 10 milyon vəsaitin də ayrıldığını deyib.

Onun fikrincə, heç kim şübhə etməsin ki, sosial binaların tikintisi ilə məşğul olan bu yeni qurumun (Mənzil İnşaatı Dövlət Agentliyi) biz nəticələrini görəcəyik: "Artıq, baxmayaraq ki, Mənzil İnşaatı Dövlət Agentliyinin yaranmasından çox qısa müddət keçib, birinci növbədə 50 ha yer ayrılıb. Hesab edirəm ki, hələ bir neçə yer daha ayrılacaq".

Onun sözlərinə görə, Agentlik təkcə bir evin yox, bir mikrorayon və yaxud bir böyük yaşayış massivinin tikintisi ilə məşğul olacaq.

Məlumat üçün qeyd edək ki, Prezident İlham Əliyevin sədrliyi ilə Nazirlər Kabinetinin ilin birinci rübünün yekunları ilə bağlı toplantısında dövlət başçısı paytaxtda və rayon mərkəzlərində yeni təşəbbüs olan sosial mənzillərin tikintisi layihəsinə başlanacağını demişdi. Prezidentin fikrincə, bu layihə aztəminatlı ailələrin mənzil şəraitinin yaxşılaşdırılmasına xidmət etməlidir. Əhalinin münasib qiymətə mənzillərlə təmin olunması dövlət başçısının təsdiq etdiyi iqtisadiyyatın əsas sahələrinin inkişafına dair strateji yol xəritəsində də öz əksini tapıb.

Sözügedən məsələ ilə bağlı fikirlərini "Bakı-Xəbər"lə bölüşən ekspert Rəsul Cahangirlinin sözlərinə görə, yeni yaradılan qurumun sosial evlərlə bağlı böyük yaşayış massivinin tikintisini hədəfləməsi buna kompleks yanaşmanın göstəricisi sayılmalıdır: "Təbii ki, layihə bu formada həyata keçiriləcəksə, o zaman bunun ciddi müsbət nəticəsi olacaq. Reallıq da onu tələb edir ki, şəhərin münasib ərazilərində şəhərciklərin salınmasına, orada müvafiq infrastrukturun yaradılmasına və bunun sərfəli şərtlərlə aztəminatlı ailələrə verilməsinə ehtiyac var. Yalnız bu minvalla evə tələbatı olan ailələrin sayını müəyyən qədər azaltmaq olar. Müşahidələr göstərir ki, hər il mənzilə ehtiyacı olan ailələrin sayı artmaqdadır.

Mövcud ipoteka kreditlərindən təəssüf ki, hamı faydalana bilmir. Çünki hazırkı şərtlərin çətinliyi, faizlərin yüksək olması və ilkin ödənişlə bağlı tələblər ipoteka kreditlərindən daha çox ölkə vətəndaşının faydalanmasına imkan vermir. Ona görə də problemin həlli üçün ən sərfəli variant məhz sosial evlərin tikilməsidir. Rəsmi məlumata görə, bu məqsədlə 10 milyon manat vəsait ayrılıb. Ancaq hesab edirəm ki, bu yetərli deyil. Bu məqsədlə daha böyük vəsaitin ayrılmasına ehtiyac var".

Vidadi ORDAHALLI

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...