Müasir "pioner düşərgələrində" qiymətlər valideynləri şoka saldı

Tarix: 21.06.2016 / 01:32
Bölmə: Sosial

Yusif Bəkirov: "Tədris ili bitdikdən sonra məktəblər də 3 ay müddətinə yay düşərgələrinə çevrilməlidir"

Nadir İsrafilov: "Məktəblilərin yay düşərgəsi məsələsi ictimailəşməlidir"

"CELT Colleges" düşərgəsi: "Qeydiyyatdan keçmək istəyənlər 700 AZN ödəməli olacaq"

Tədris ili başa çatdığı bir zamanda uşaqların asudə vaxtının təşkili və düşərgələrdə dincəlməsi xüsusi aktuallıq kəsb edir. Çünki ilboyu gərgin şəraitdə davam edən tədris prosesindən sonra hər bir şagirdin istirahət etmək və asudə vaxtını səmərəli şəkildə keçirmək hüququ var. Lakin bu sahədə bəzi problemlər var. Təhsildə aparılan köklü islahatlara baxmayaraq, məktəblilərin istirahəti məsələsinə hələ də yetərincə diqqət yetirilməyib.

İkinci bir məsələ ondan ibarətdir ki, valideynlərin əksəriyyəti iş yerini itirməmək üçün bəzən bütün yayı işləməyə məcburdur. Bəs belə vəziyyətdə uşaqların istirahəti necə təmin olunmalı, onlar harada dincəlməlidir?

Uşaqların yay istirahətinin səmərəli keçirilməsi üçün müxtəlif şirkətlər tərəfindən yay məktəbləri fəaliyyət göstərir. Hətta uşaqlar üçün yay düşərgələrinin elanı sosial şəbəkələrdə də reklam olunur. Yay məktəblərinin qiyməti isə valideynlər tərəfindən narazılıqla qarşılanır.

"CELT Colleges" Düşərgə və Tədris Mərkəzinin yaydığı elanda bildirilir ki, düşərgədə 6 yaşdan yuxarı hər kəs iştirak edə bilər. Qeyd edək ki, bu mərkəz hər il yayda (2009-cu ildən bəri) Azərbaycanın müxtəlif bölgələrində uşaq, yeniyetmə və gənclər üçün təbiət qoynunda (kottec və çadırlarda) ənənəvi ingilisdilli yay düşərgəsi təşkil edir: "Düşərgə 2 həftə olmaqla iyun, iyul, avqust və sentyabr aylarında təşkil olunur. Qeydiyyat fevral ayından başlanıb".

I qrup - 06 iyun-20 iyun,

II qrup - 20 iyun-04 iyul,

III qrup - 04 iyul-18 iyul,

IV qrup - 18 iyul-01 avqust,

V qrup - 01 avqust-15 avqust,

VI qrup - 15 avqust-29 avqust,

VII qrup - 29 avqust-12 sentyabr.

2 və daha çox qrup şəklində müraciət edənlərə və valideynlərə endirimlər edilir.

Həmçinin, gündəlik ingilis dili dərsləri, nəqliyyat, yaşayış və gündə 3 dəfə qidalanma, müxtəlif idman oyunları, ekskursiyalar, maarifləndirici və əyləncəli fəaliyyətlər də nəzərdə tutulur.

"CELT Colleges" düşərgəsi bu il Zaqatalada olacaq. Qeyd edək ki, aprelin 31-nə qədər düşərgə üçün qeydiyyata düşənlər 625 AZN ödəyib. İndi qeydiyyatdan keçmək istəyənlər 700 AZN ödəməli olacaq.

Təhsil eksperti Nadir İsrafilovun sözlərinə görə, məktəblilərin yay düşərgəsi məsələsi ictimailəşməlidir: "Heç olmasa əlaqədar təşkilatlar bu işə diqqəti artırsınlar. Çünki biz sağlam nəsil yetişdirməliyik. Müəyyən mənada uşaqların bilik səviyyəsinin keyfiyyətinin aşağı düşməsinin əsas səbəbi onların psixoloji durumudur. Məktəblilər lazımi istirahət edə bilmir, lazımi münasibətlər qura bilmir. Halbuki, yay düşərgələrində təşkilatlanma var idi. Hesab edirəm ki, təlim, asudə vaxtın təşkili, kollektivçilik, tərbiyə, dostluq, məktəblilərin həyata alışması baxımından yay düşərgələri çox vacibdir. Ona görə də yay düşərgələri yenidən bərpa olunmalıdır".

Uşaq Hüquqları üzrə Müdafiə Liqasının sədri Yusif Bəkirov ölkəmizdə yay düşərgələrinin yox səviyyəsində olduğunu bildirdi. Belə ki, respublikada istirahət düşərgələrinin sayı barmaqla sayılacaq həddədir: "Onlardan biri Daxili İşlər Nazirliyinin tabeliyində olan Çingiz Mustafayev adına Uşaq İstirahət Düşərgəsidir. Azərbaycanda 2 milyona yaxın məktəbli uşaq var və onların 1-2 faizi istirahət düşərgələrində dincələ bilir. Bu problemi aradan qaldırmaq üçün tədris ili bitdikdən sonra məktəblər də 3 ay müddətinə yay düşərgələrinə çevrilməlidir".

Y.Bəkirovun fikrincə, uşaqların yay istirahətinin təşkili elə də çətin məsələ deyil. Aidiyyəti dövlət qurumları birgə şəbəkə yaratmaqla bu işi yoluna qoya bilər.

Azərbaycanda uşaqların boş vaxtının rasional təşkili üçün yay düşərgələrini salmaq vacibdir.

Uşaqların asudə vaxtını səmərəli təşkil etmək mümkün olsa, onları siqaret çəkmək və digər pis vərdişlərdən uzaqlaşdırmaq asanlaşacaq. Yay düşərgəsinin məqsədi məktəb dərslərindən sonra məşğuliyyətlərin təşkilindən ibarətdir.

Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır