Bəzi Bakı qəbiristanlıqlarında qeyri-adi qoxu və şok ehtimallar...

Tarix: 18.06.2016 / 01:29
Bölmə: Sosial

Seyid Camal Əzimbəyli: "Qəbir qazanlar bu işə vicdanla yanaşmırsa və öz işini necə gəldi edirsə, buna dövlət qurumları nəzarət etməlidir"

Adil Qeybulla: "Qəbir yerinin dayaz qazılması cəmiyyət üçün təhlükəlidir və gigiyenik baxımdan düzgün deyil"

Qəbir ölən adamın torpağa basdırıldığı yerdir. Ərəb dilindən dilimizə keçən bu sözün cəmi "qubur"dur. Qəbir həyatı bir mənada Axirətin giriş qapısı və başlanğıcı sayılır.

Rəhmətə gedən şəxs torpağa basdırılarkən bəzi qaydalar var ki, onlara riayət olunmalıdır. Məsələn, qəbir bir adamın boyu və ya sinəsinə qədər qazılmalıdır. Yəni 1 metr dərinliyində qəbir qazılmalıdır. Təəssüflər olsun ki, son vaxtlar bəzi qəbiristanlıqlarda çalışan qəbir qazanlar qəbri dayaz qazır. Qeyd edək ki, qəbir qazanlar bir qəbrin qazılması üçün rəhmətə gedən şəxsin yaxınlarından 100 manat tələb edir.

Son zamanlar əhali arasında belə bir məlumat yayılıb ki, Bakıda bəzi qəbiristanlıqlardan qeyri-adi qoxu gəlir. Camaat arasında gəzən söz-söhbətə görə, qəbiristanlıqda olan iyinin səbəbi qəbirlərin dayaz qazılmasıdır. Əgər qəbir dayaz olarsa və basdırılan mərhum ölməmişdən öncə hansısa yoluxucu xəstəliyə tutulmuşsa, o zaman həmin xəstəlik yayıla bilər.

Qeyd edək ki, əvvəllər qəbirlər 1 metr dərinliyində qazılırdı. Amma indi bəzi qəbiristanlıqlarda qəbir yerlərinin 50-60 santimetr dərinliyində qazılması qeyri-adi iyin yayılmasına səbəb olur.

Tibb sahəsi üzrə ekspert, professor Adil Qeybulla "Bakı-Xəbər"ə açıqlamasında qeyd etdi ki, qəbiristanlıqlarda qeyri-adi qoxunun yayılması səbəblərindən biri dünyasını dəyişən şəxsin dayaz məzar yerində basdırılmasıdır:

"Məzar yeri dayaz olarsa, bu olduqca təhlükəlidir. Nəzərə almaq lazımdır ki, insan dünyasını dəyişəndən 6-8 saat sonra onun qarnının sağ tərəfində göyərmə olur. Dünyasını dəyişən şəxsin yoğun və kor bağırsağında çürümə prosesi gedir. Bu proses mərhum torpağa tapşırılandan sonra da davam edir. Proses zamanı müəyyən toksiki maddələr əmələ gələ bilər. Bu səbəbdən də məzar yeri dərin qazılır ki, əmələ gələn toksiki maddələr torpağa sovrulsun. Həmçinin, infeksion xəstəliklərin yayılmaması üçün məzar yeri dərin qazılmalıdır. Əgər qəbir yeri dayaz olarsa, gigiyenik baxımdan təhlükəlidir".

Məsələ ilə bağlı fikir bildirən ilahiyyətçi alim Seyid Camal Əzimbəyli bizimlə söhbətində dedi ki, şəriət qaydalarına əsasən, qəbir yerləri dərin qazılmalıdır: "Dini Qurumlarla iş Üzrə Dövlət Komitəsi qəbir yerlərinin tənzimlənməsi ilə bağlı proqram hazırlayıb. Həmin proqrama əsasən, qəbir yerlərinin hazırlanmasına xüsusi nəzarət olunacaq".

Həmsöhbətimizin sözlərinə görə, qəbir yerlərinin dayaz qazılması həm dini baxımdan, həm də gigiyenik qaydalara əsasən düzgün deyil: "Dəfələrlə özüm məzar yerlərində qəbirlərin yarım metr dərinliyində qazıldığının şahidi olmuşam. Əgər qəbir qazanlar bu işə vicdanla yanaşmırsa və öz işini necə gəldi edirsə, buna dövlət qurumları nəzarət etməlidir".

S.C.Əzimbəyli onu da əlavə etdi ki, qonşu Türkiyədə qəbir yerlərinin qazılması məsələsinə bələdiyyələr nəzarət edir: "Yaxşı olar ki, bizdə bu məsələyə xüsusi proqramla nəzarət olunsun".

Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır