Azərbaycanda müalicə-sağlamlıq turizmi ən perspektivli istiqamətlərdən biri sayıldı

Tarix: 17.06.2016 / 01:50
Bölmə: Sosial

Əlixan Mürvətov: "Müalicəvi turizm üçün müraciət edənlərin sayı çoxdur"

Ruslan Quliyev: "Müalicə-sağlamlıq turizmi alternativ turizm növlərinin içərisində Azərbaycan üçün ən perspektivli və labüd istiqamətlərdən biridir"

Yay fəslində insanları düşündürən məsələlərdən biri də necə istirahət etməsidir. İstirahətin bu gün müxtəlif növləri var. Onların arasında cəyahət, müalicə, ovçuluq turizmi və digərləri daha çox inkişaf edib.

Müalicə turizminə hər zaman tələbat olub. Turizmin bu növü tək ölkə xaricində deyil, Azərbaycanda da geniş inkişaf edib.

Azərbaycan müalicəvi əhəmiyyətli mineral və termal sularla zəngin bir ölkədir. Ümumilikdə, Azərbaycan ərazisində 1500-dən artıq mineral və termal su mənbələri, müalicəvi əhəmiyyətə malik olan 4 palçıq vulkanı və 1 əsas neft mənbəyi var.

Bu da müalicə-sağlamlıq turizmi üçün tam şəraitin olmasının sübutudur. Göstərilən turizm növləri üçün yüksək şərait Naxçıvan, Lerik, Lənkəran, Naftalan, Masallı və Astara kimi regionların payına düşür.

Qeyd edək ki, müalicəvi istirahətə ehtiyacı olanlar tək ölkədaxili bölgələrə deyil, əcnəbi ölkələrə də getməli olur. Bunun üçün vətəndaşlar turizm şirkətinə müraciət edir.

Maraqlıdır, müalicəvi turizm üçün turizm şirkətlərinə müraciət edənlər üçün hansı imkanlar mövcuddur və qiymətlər münasibdirmi?

Bakı Turizm Şirkətinin direktoru Əlixan Mürvətov "Bakı-Xəbər"ə açıqlamasında qeyd etdi ki, müalicəvi turizm üçün müraciət edənlərin sayı çoxdur: "Müalicəvi turpaketlərə dietik qidalanma, müalicə, sanatoriyada yaşayış daxildir. Xarici ölkələrdə müalicəvi turizmin qiyməti həm ölkədən, həm də aylardan asılı olaraq dəyişir. Məsələn, iyun ayına bron edilən otağın qiyməti avqust ayına nisbətən ucuz olur. Həmçinin, otağa görə də qiymət dəyişir.

Otaqlar lüks, orta və sadə olur. Müştərinin istəyinə uyğun olaraq biz onların istədiyi otağı seçirik".

Həmsöhbətimizin dediyinə görə, turistlər daha çox Ukrayna, Çexiya, Şimali Qafqaz ölkələri, Türkiyə, Rusiya və Gürcüstana üz tutur: "Tələbat daha çox bu ölkələrədir.

Ən ucuz deyərdim ki, Gürcüstandadır. Ötən illə müqayisədə Türkiyə və Rusiyada isə müalicəvi turizmin qiyməti qalxıb. Qiymətin qalxmasına səbəb manatın məzənnəsinin dəyişməsidir. Ən bahalı ölkə deyərdim ki, Çexiya sayılır".

Azərbaycan Sağlamlıq və Termal Turizmə Dəstək Assosiasiyasının sədri Ruslan Quliyev bildirir ki, müalicə-sağlamlıq turizmi alternativ turizm növlərinin içərisində Azərbaycan üçün ən perspektivli və labüd istiqamətlərdən biridir: "Bununla bağlı Azərbaycanın tarixi ənənələri də mövcud olub. Sadəcə, müstəqillik illərinin ilkin və sonrakı mərhələlərində bu işdə durğunluq müşahidə edildi. Ancaq əgər Azərbaycanda turizm günlərinin artırılmasından söhbət gedirsə, müalicə turizmi bizim üçün 12 ay aktual olmalıdır.

Eyni zamanda, başqa turizmlərdən fərqli olaraq, nəzərə alaq ki, burada gecələmə sayı minimum 14-24 gün nəzərdə tutulur. Bu gün tək müalicə turizm sahəsini yox, bütövlükdə Azərbaycanı turizm məkanı kimi mükəmməl şəkildə tanıtmağımıza ehtiyac var. Bu istiqamətdə ötən 10 il ərzində mütəmadi olaraq beynəlxalq arenada və daxili bazarda bir sıra tanıtım reklam və marketinq fəaliyyəti həyata keçirildi. Bunun davamlı olması vacibdir. Həmçinin, artıq marketinq strategiyası, yeni turizm qanunu hazırlanır. Eyni zamanda, 2013-cü ildən Mədəniyyət və Turizm Nazirliyinin dəstəyi ilə Azərbaycan Sağlamlıq və Termal Turizmə Dəstək İctimai Birliyi fəaliyyətə başlayıb. Biz yalnız ölkə xaricindən turist cəlb etmək istəmirik. Azərbaycan vətəndaşlarında da bu istiqamətdə həvəs oyatmaq istəyirik.

Əgər sağlamlıqdan söhbət gedirsə, cəmiyyətdə bu istiqamətdə işlərin görülməsi labüd məsələdir. Bəzi əngəllər ondan ibarətdir ki, vaxtı ilə lazım olan yataq sayları olmayıb.

Amma hazırda Naftalan, Duzdağ, Qəbələ, Qalaaltıda böyük işlər görülür. Mehmanxanaların, sanatoriyaların yataq sayları artır. Qalaaltı Avropa tarixi termal şəhərlər assosiasiyasının üzvü olub. Aprel ayında bunun təqdimatı həyata keçirildi. Avropa xəritəsində Qalaaltı termal istirahət mərkəzi adı yerini aldı".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...