Binnət Hümbətoğlu ABŞ-da insan başının başqa bədənə köçürüləcəyi əməliyyatını niyə səbrsizliklə gözləyir...

Tarix: 17.06.2016 / 01:36
Bölmə: Sosial

Müasir səhiyyə inkişaf etdikcə tibb mütəxəssisləri ağlasığmaz nəticələr əldə edir. İnsan üçün son dərəcə fantastik görünən əməliyyatların keçirilməsi dünya səhiyyəsinin qələbəsidir. Bilirik ki, bir neçə həftə əvvəl mətbuatda insan başını başqa bir bədənə köçürəcəyini iddia edən italyan cərrah Sergio Kanaveronun fikirləri yer alıb.

Onun bu əməliyyat üçün 30 yaşlı Valeri Spiridonov adlı birini seçdiyi vurğulanır. Qeyd edilənə görə, əməliyyat bu il ABŞ-da keçiriləcək. Əməliyyatda 150 həkim və tibb bacılarının iştirak edəcəyi deyilir. Mətbuatda yer alan xəbərə görə, kəsilən baş bədənə polietilen glikol adlı yapışdırıcı maddə ilə yapışdırılacaq. Bu, tibbdə ilk hadisə olacaq. Ümumiyyətlə, bu əməliyyatın nə ilə nəticələnəcəyini əvvəlcədən proqnozlaşdırmaq çətindir. Onu da deyək ki, bu xəbəri duyan hər kəs əməliyyatın keçiriləcəyi vaxtı intizar və həyəcanla gözləyir.

Bilirik ki, indiyə qədər müxtəlif bədən üzvlərinin transplantasiyası həyata keçirilib. Bunun nəticəsində neçə-neçə insan həyatını davam etdirib. Baş transplantasiyasına isə yeni cəhd edilir. Hələ baş tutmayan bu əməliyyat müxtəlif ölkələrdə müzakirəyə səbəb olub. Tibb mütəxəssisləri ilə yanaşı, ictimaiyyət nümayəndələri də bu əməliyyatın perspektivi haqqında düşünür. Belə fikirlər mövcuddur ki, iflic bədəndən götürülən başın sağlam bədənə köçürülməsi o insanın ruhi-mənəvi aləminə mənfi təsir edəcək.

Bu mövzu gündəmə gətirilən kimi ağlımıza ilk gələn tanınmış ziyalı, mədəniyyətşünas Binnət Hümbətoğlu oldu. Çünki bir neçə il əvvəl Binnət Hümbətoğlu yerli mətbuatda baş transplantasiyasından bəhs etmişdi. Redaksiyamızın qonağı olan Binnət müəllim bildirdi ki, bir insanın başının digər insanın bədəninə köçürülməsi halı baş verə bilər, ancaq o insan əvvəlki vəziyyətdə, düşüncədə, ruhda olmaz: "Hamı kimi mən də həyəcanla bu prosesin baş verəcəyi zamanı gözləyirəm. Məsələ burasındadır ki, başın sahibinin bədəni xəstədir, o, iflicdən əziyyət çəkir, buna görə də gözəl bədənə sahib olmaq istəyir. Alqışlanası istəkdir və hər bir insan buna nail olmağı arzu edər. 20 illik təcrübəmə əsaslanıb deyə bilərəm ki, əməliyyat uğurla keçsə də, o adam əvvəlki düşüncədə, əvvəlki idrakda, əvvəlki vəziyyətdə olmayacaq. Bəlkə ondan artıq olacaq, amma özü olmayacaq. Çünki bədən sahibinin ruhu bədəndə olacaq. Çünki bədən yatırılanda ruh bədəni tərk etmir. Başı bədəndən götürəndə ruh bədəndə qalacaq. 1998-ci ildə bu qənaətə gəldim ki, şüur beyindən kənardadır və beyin sadəcə şüurun funksiya daşıyıcısıdır. "Muğam dilli tarix" yazımda qeyd etdim ki, şüur ruhun tərkibindədir. Eyni zamanda ruh özü də bir bioenerji sistemidir ki, insanın idarə olunmasında bədənin enerji mənbəyidir. Bədən isə şüurun funksiya daşıyıcısıdır. Şüur beyni idarə edir, nəfs də bədənin varlığının saxlanmasını. Ruh da, şüur da qeyri-maddi enerjidir. Çünki müasir elmimiz buna bioenerjidən başqa ad verə bilmir. Bu belə qəbul edilir. Göstərmişəm ki, ruh bədənin günəş kələfində, diafraqmanın üzərində yayılıb və bədənin bütün enerji mənbəyini təşkil edir. Mənim müəyyənləşdirməmdən təxminən 7-8 il sonra, yəni yazı mətbuatda gedəndən sonra Avropa alimləri müəyyən etdilər ki, şüur beyindən kənardadır. Doğrudur, dünya alimlərinin heç də hamısı bu fikri bölüşmür. Amma bir qrup alim şüurun beyindən kənarda olduğuna israr edir. Bu da mənim fikrimi, qənaətimi təsdiqlədi. Müasir elm bu qənaətə gəlibsə, demək, fikrimdə həqiqət var. Mənim fikirlərim yerli mətbuatda yer alandan sonra bir neçə tibb alimi qəzetlər vasitəsilə mənə irad bildirdilər ki, sən cəmiyyəti çaşdırırsan. Onlara bircə kəlmə söz dedim: sizə bir söz deyə bilmərəm, çünki siz ölüb dirilməyi bilmirsiniz. İnsan bunu ancaq ölüb diriləndə müəyyən edə bilər. Mən fikirlərimi tibbi, elmi cəhətdən əsaslandırmamışdım, bunu fəlsəfi, sosioloji, mənəvi cəhətdən, məntiqi əsaslandırmışdım".

B.Hümbətoğlu vurğuladı ki, əməliyyat texniki cəhətdən uğurlu alına bilər, bu istisna edilmir, lakin onun bədənindəki ikiləşməni beyni qəbul edə biləcəkmi? O dedi ki, əməliyyat zamanı sinirləri, əzələləri, qan damar sistemini birləşdirmək mümkündür, amma bədənin qeyri-maddi enerjisini ora birləşdirmək çətindir. Başın enerjisi başqa cür formalaşıb, köçürülən bədənin enerjisi də tamam fərqli şəkildə formalaşıb: "Hər bir kəsin bədəninə uyğun enerjisi, o enerjini qəbul edən beyin qatları var. Ola bilsin, bədənin enerjisi çox olsun və qəflətən vurub beyin qatlarını genişləndirsin, insan iflic olsun. Yaxud əksi olsun. Əsas olan məsələ odur ki, bədənlə baş birləşdirərkən şüur da, ruh da ona uyğunlaşsın".

İradə SARIYEVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır