Toy haqqında qanundan sonra toylar "qanuni" olacaq...

Tarix: 14.06.2016 / 00:42
Bölmə: Sosial

Əhməd Qəşəmoğlu: "Azərbaycan toyları sosial bəladır"

"Azərbaycan toylarının səliqə-sahmana salınması üçün toylar haqqında qanun hazırlanmalıdır"

Azərbaycanda toy mərasimlərinin tənzimlənməsi uzun müddətdir müzakirə mövzusudur. Artıq yas mərasimləri ilə bağlı müəyyən addımlar atıldığından, növbə toy mərasimlərinə çatıb. Toy mərasimlərində də qayda-qanun yaratmaq cəmiyyətin diqqət mərkəzində olan məsələdir.

Toy mərasimlərinin keçirildiyi şadlıq evlərində bəzi qaydalar tətbiq olunub. Həmin qaydalara riayət etməyən restoranlar müvafiq qaydada cərimələnir.

Bəllidir ki, Milli Məclisdə yas mərasimləri haqqında qanun layihəsi hazırlanır. Parlamentin payız sessiyasında həmin qanunun qəbul olunması gözlənir. Yas mərasimlərindən sonra toylar haqqında qanunun qəbulu gündəmə gələ bilər.

Millət vəkilləri belə bir təkliflə çıxış edib. Onların dediyinə görə, toy məclislərində ifratçılığa son qoyulması üçün bu məsələyə nəzarət tətbiq olunmalıdır: "Bir çoxları banklardan kredit götürür və düşünür ki, toya gələnlər bu xərci ödəyəcək. Sonra pulu yığa bilmir və uzun müddət kredit ödəmək məcburiyyətində qalır. Toy sahibi bunları əvvəlcədən düşünməlidir. Toy sahibi düşünməməlidir ki, "kim mənə nə gətirə bilər?" Hər kəs gücü çatan toyu etməlidir, kredit hesabına yox.

Eyni zamanda toya gələn müğənnilərin və musiqiçilərin aldıqları qonorar həddən artıq çoxdur".

Sosioloq Əhməd Qəşəmoğlu "Bakı-Xəbər"ə açıqlamasında bildirdi ki, Azərbaycan toyları səliqə-sahmana salınmalıdır. Onun fikrincə, toylar haqqında qanun hazırlanmalıdır.

Ə.Qəşəmoğlunun sözlərinə görə, toya getməyin qiyməti günü-gündən artır: "Bir neçə il əvvəl toya gedən şəxs 50 manat nəmər kimi yazdıranda onda normal baxırdılar, ancaq indi 100 manat yazdıran şəxsə eyni münasibət bəslənir. Nəzərə almaq lazımdır ki, əhalinin müəyyən hissəsinin əməkhaqqı 200-300 manatdır. Bu qədər məvacib alan şəxsin bir neçə toya dəvətnamə alması onun sosial durumunu çətin vəziyyətə salır".

Həmsöhbətimiz onu da diqqətə çatdırdı ki, bu gün keçirilən toyların, demək olar ki, hamısında adət-ənənə nəzərə alınmır: "Toyda iştirak edənlərin estetik zövqü korlanır. Şadlıq evlərində yüksək səslə səsləndirilən musiqilər insanların sağlamlığına mənfi təsir göstərir. Həmçinin, süfrəyə düzülən müxtəlif cür təamlar israfçılığın əsas göstəricilərindən biridir".

Sosioloqun fikrincə, Azərbaycan toyları sosial bəladır: "Bir qism insan şadlıq evlərindən qazanır. Digər tərəfdən, 15 min manata qədər gələn müğənnilərimiz də yaxşı qazanır. Başqa yandan, indiki toylarımız çox səs-küylü olur. Bu da xüsusilə yaşlı insanların sinir sisteminə ciddi təsir edir. Hazırkı toylar insanları məcbur edir ki, müxtəlif yollarla pul tapıb toya getsin. Bu isə insanda çox böyük gərginlik yaradır. İqtisadi gəlirləri yaxşı olmayan insanlara maddi və mənəvi ziyan vurur. Bu, digər problemlərə səbəb ola bilir. Təbii ki, bu dalğanın qarşısını almaq üçün müxtəlif yollarla mübarizə aparmaq lazımdır. Əvvəla bu şəbəkənin özünü dağıtmaq lazımdır ki, fəaliyyət göstərməsin. Çünki bu şəbəkədəki insanlar təsadüfi adamlar deyil. Şadlıq evlərindən mənfəət götürənlər kifayət qədər gücə və imkana malik insanlardır. Ona görə inzibati yollarla elə bir mexanizm yaratmaq lazımdır ki, şadlıq evlərinin sahibləri gəlir əldə etsələr də, bunu indiki kimi əhalinin dizini qatlayan, onların həyat səviyyəsinə ciddi zərbə vuran şəkildə edə bilməsin. Sadə toylar keçirməklə dolansınlar. Belə olanda həmin zümrə fəaliyyətini bu şəkildə davam etdirməyəcək. Dövlət tərəfindən bu məsələlərin tənzimlənməsi haqqında göstəriş olmalıdır. Paralel olaraq əhali arasında maarifləndirmə işləri aparılmalıdır".

Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır