"Ayıq sürücü" xidmətlərində tənəzzül başlayıb, çünki...

Tarix: 10.06.2016 / 02:36
Bölmə: Sosial

Qiymətlər fərqli, içkili sükana əyləşənlərin sayı azalmaqda...

"AlsoDriver" - Rasim Abdullayev: "Əvvəllər "ayıq sürücü" üçün müraciət edənlərin sayı çox idi"

"Sizin sürücü" - Əli Babayev: "Şəhərdaxili 6, kənar ərazilərin qiyməti isə 12 manatdır"

"Ayıq sürücü" - Əkbər: "Müraciət olunan ünvana 15-20 dəqiqə ərzində gəlirik"

İçkili vəziyyətdə avtomobil idarə etməyin yol hərəkəti qaydalarına zidd olduğunu hər kəs bilir. Bəzən elə hal olur ki, sürücü hansısa ziyafətdə iştirak edir və müəyyən miqdarda spirtli içki qəbul edir. İçki qəbul edən şəxsin sükan arxasına keçməsi tək sürücünün deyil, digərlərinin də həyatını risqə atır.

Sərxoş, səhhətində yaranan problemlə əlaqədar avtomobilini idarə edə bilməyənlər üçün "ayıq sürücü" xidməti mövcuddur. "Ayıq sürücü" xidməti Avropa ölkələrində uzun illərdir fəaliyyət göstərir. Azərbaycanda isə 3 ildir belə bir xidmət növü mövcuddur. Bu sahə üzrə paytaxt ərazisində bir neçə şirkət fəaliyyət göstərir.

"Ayıq sürücü" xidmətinin necə fəaliyyət göstərməsini öyrənmək məqsədilə həmin şirkətlərə müraciət etdik.

"AlsoDriver" şirkətinin nümayəndəsi Rasim Abdullayev "Bakı-Xəbər"ə açıqlamasında bildirdi ki, onlarda "ayıq sürücü" xidməti mövcuddur. Bu xidmətin qiymətlərinə gəlincə, R.Abdullayev qeyd etdi ki, şəhərdaxili 8, Bakı kəndlərinə isə 16 manatdır: "Sürücülərimizin hər biri 100 min manat dəyərində sığortalanıb".

Həmsöhbətimizin sözlərinə görə, son zamanlar müraciət edən müştərilərin sayı azalıb: "Gün ərzində təxminən 4-5 müraciət olur. Ancaq əvvəllər "ayıq sürücü" üçün müraciət edənlərin sayı bundan qat-qat çox idi".

"AlsoDriver" şirkətinin nümayəndəsi qəza hadisələrindən də danışdı. O bildirdi ki, qəza hər kəsin başına gələ bilər: "Heç bir sürücü avtoqəzadan sığortalanmayıb. Qəza hadisələri ən çox qışda qar yağanda olur. Yollar buz olduğu üçün sürücülər özləri avtomobil idarə etməkdən ehtiyat etdiyi üçün "ayıq sürücü"yə müraciət edir. Olub ki, sürücülərimiz yollar buz olduğu üçün idarə etdikləri nəqliyyat vasitəsi ilə yolun kənarındakı hansısa dəmir hasara vurublar. Bu zaman məsuliyyət təbii ki, sükan arxasında əyləşənin üzərinə düşür. Ancaq yollar buz olduğu üçün heç kim sürücünü

günahlandırmır. Baş vermiş hadisəyə görə maşına zərər dəyərsə, sığorta şirkəti avtomobili təmir edir".

R.Abdullayev onu da əlavə etdi ki, "ayıq sürücü" xidmətinə daha çox toy iştirakçıları zəng edir. Onlar ziyafət zamanı spirtli içki qəbul etdiyi üçün "ayıq sürücü" xidmətinə müraciət edir.

"Sizin sürücü" şirkətinin nümayəndəsi Əli Babayev bizimlə söhbətində bildirdi ki, onlar taksi fəaliyyəti ilə yanaşı, "ayıq sürücü" xidməti ilə də məşğul olur: "Bizim sürücülərin hər birinin sığortası var. Şəhərdaxili 6, kənar ərazilərin qiyməti isə 12 manatdır. Sürücünün çağırılma məkanına gəlmə müddəti ərazidən asılı olaraq dəyişir. Şəhərdaxili 20-25, Bakı kəndlərinə 40-45 dəqiqə ərzində gəlirlər".

Ə.Babayevin dediyinə görə, başqasının maşınını idarə edərkən qəza hadisəsi baş verərsə, avtomobili sığorta şirkəti təmir etdirir: "Maşın başqa avtomobili vursa və ya həmin minik vasitəsi vurulsa belə, sığorta şirkəti maşını düzəldir. Çox şükür ki, bizim şirkətin sürücüləri tərəfindən hər hansı bir qəza hadisəsi baş verməyib. Çalışmaq lazımdır ki, avtoqəza olmasın. Çünki maşın sahibi bizə öz avtomobilini etibar edirsə, sürücülərimiz bu etimadı doğrultmalıdır".

"Ayıq sürücü" xidmətinin sürücüsü Əkbər adlı şəxs dedi ki, bir neçə ildir bu işlə məşğul olur: "Adətən toylarda içki qəbul edən və ya hansısa məclisdə spirtli içki içən şəxslər müraciət edir. O şəxslər həm özlərinin, həm də yaxınlarının durumunu nəzərə alıb içkili vəziyyətdə sükan arxasına keçmir: "İçkili vəziyyətdə maşını idarə etməyin cəzası olduqca ağırdır. Elə şəxslər olub ki, onlar bizə müraciət edərkən deyirlər ki, bəs dost məclisində bir bakal şərab içib, lakin sərxoş olmayıb. Yolda yol polisi onları saxlamasın və cərimə etməsin deyə "ayıq sürücü"yə müraciət edirlər. Biz müştərilərimizi istədiyi ünvana çatdırırıq. Müraciət olunan ünvana 15-20 dəqiqə ərzində gəlirik. Qiymət ərazidən asılı olaraq dəyişir. Şəhərdaxili 8, kənar ərazilər isə 12 manatdır".

Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır