14 iyunadək orta məktəblərdə dərs modeli özünü doğrultmur(?)

Tarix: 09.06.2016 / 00:29
Bölmə: Sosial

Kamran Əsədov: "Bu sahədə atılacaq ən vacib addımlardan biri bütün məktəbəqədər dərslərə sentyabr ayının 1-də başlamaqdır"

"Çünki tədris planları, məktəb proqramlarının daha yaxşı mənimsənilməsində dərslərin..."

Müşahidələr göstərir ki, dərs ilinin iyunun 14-dək uzadılmasına görə cəmiyyətdə etirazlar səngimir. Valideynlər uşaqlarının səhhətində hətta problemlər yarandığını deyir. Onlar hesab edir ki, uşaqlar məktəbə əzgin, yorğun halda gedir. Buna görə onlarda iştahsızlıq, yuxusuzluq yaranır.

Hətta bir müddət əvvəl valideynlər təhsil nazirinə, digər səlahiyyətli orqanlara müraciət edərək dərs ilinin sentyabrın 1-i başlayıb mayın 25-də yekunlaşmasını xahiş edib. Bunun üçün də petisiya və imzatoplama kampaniyasına başlandı. Ancaq bu müraciətə Təhsil Nazirliyinin cavabı müsbət olmadı. Dərs ilinin iyunun 14-dək uzadılması müəllimlərin də narazılığına səbəb olub. Müəllimlər uzadılmış 2 həftə üçün onlara tədris proqramının verilməməsindən gileylənir. Artıq bir sıra məktəblərdə şagirdlərin dərsliklərinin bir qismi yığılıb.

Qeyd edək ki, hələ ötən il Təhsil Nazirliyi Azərbaycanda tədris həftəsinin orta göstəricisinin 32 həftə olması və bunun 35 həftəyədək artırılması ilə əlaqədar Nazirlər Kabinetinə təklif göndərmişdi və bu təklif qəbul olunmuşdu.

Səbəb də göstərilirdi ki, İqtisadi Əməkdaşlıq və İnkişaf Təşkilatına üzv olan ölkələrdə il ərzində tədris həftəsinin orta göstəricisi 38 həftə olduğuna görə Azərbaycanda da bu rəqəmə yaxınlaşma münasib hesab edilib. Nazirlik rəsmilərinin fikrincə, bu da şagirdlərin həftəlik təlim yükünün xeyli yüngülləşməsinə səbəb olacaq. Ancaq faktiki olaraq reallıq ondan ibarətdir ki, şagirdlər, valideynlər və müəllimlər dərs ilinin uzadılmasından bərk narazıdır.

Maraqlıdır, ekspertlər bunu necə dəyərləndirir?

Sözügedən məsələni dəyərləndirən təhsil üzrə ekspert Kamran Əsədov da hesab edir ki, dərs ilinin uzadılması doğru deyil: "Düşünürəm ki, bu sahədə atılacaq ən vacib addımlardan biri bütün məktəbəqədər təhsil müəssisələrində, orta və orta ixtisas məktəblərində, ali məktəblərdə dərslərə sentyabr ayının 1-də başlamaqdır. 3 ay yarım yay tətili şagirdlərin istirahəti üçün çox uzun müddətdir və beynəlxalq təcrübədə yay tətili uzun olduqda, şagirdlər məktəbə qayıtdıqda bilik səviyyələri xeyli aşağı düşür. Uşaqlara yayda istirahət etməyə nə qədər çox imkan veririksə, bir o qədər də onların tədris ili zamanı dərs yükü artır. Çünki dərs günlərinin sayı azalır. Sovetlər vaxtında dərs ili sentyabrın 1-dən hesablanırdı və bu çox uğurlu seçim idi. Çünki tədris planları, məktəb proqramlarının daha yaxşı mənimsənilməsində dərslərin ayın əvvəli başlaması çox kömək edirdi. Bütün Azərbaycan ərazisini əhatə edən dünyəvi orta, peşə və ali təhsil sisteminə SSRİ-nin qurulması ilə başladı. Heç vaxt təhsil müəssisəsinə getməyən azərbaycanlı 70 il ərzində 1 sentyabrda təhsil almağa başladı və bu da millətin beynində psixoloji, sonradan isə qanunla tənzimlənən bilik bayramına çevrildi. Bizim 70 il ərzində təhsil sistemində gözəl uğurlarımız və adət-ənənəmiz formalaşdı".

Vidadi ORDAHALLI

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır