Birinci sinfə gələn uşaqlar üçün rüsvayçılıq saçan "test müdrikliyi"...

Tarix: 08.06.2016 / 01:26
Bölmə: Sosial

Məlahət Mürşüdlü: "Uşaqlara onların bilik səviyyəsinə uyğun olmayan sualların verilməsi düzgün deyil"

Kamran Əsədov: "Həvəslə məktəbə getmək istəyənlərə belə çətin suallar verməklə, onları tamamilə həvəsdən salırlar"

Ölkədə yenidən imtahan həyəcanı var. Amma bu dəfə ən balacalar, cəmi 6 yaşı olan uşaqlar imtahan verir. Bu uşaqlar birinci sinfə getmək üçün imtahan həyəcanı yaşayır. İmtahan suallarını həll etmək istəyən balacaların bir qismi barmaqları sayır, digəri öz fikrini cəmləşdirməyə çalışır.

Sualı cavablandırmaqda çətinə düşənlər isə psixoloji gərginlik keçirir.

Valideynlər bildirir ki, birincilərin məktəbə qəbulu üçün onlara verilən suallar olduqca çətindir. Həmin suallar heç 5-6 yaşlı uşaqlar səviyyəsində deyil. Elə suallar var ki, böyüklər belə onu tapmaqda çətinlik çəkir.

Valideynlərin sözlərinə görə, imtahan suallarını cavablandırmaqda çətinlik çəkənlərin gələcəkdə təhsilə olan marağı azalacaq.

Bu imtahanlarda uşaqlara verilən suallardan birində deyilir: "it - 3, xoruz - 8, qurbağa - 3, balıq - 0, uzunqulaq-?". Sözün düzü, cavabı mən də bilmədim. Sonda axtarıb tapdım ki, söhbət həmin heyvanların çıxardığı səslərdəki hərflərin sayından gedirmiş. Bəlkə də bu xırda məsələdir. Amma nəzərə almaq lazımdır ki, qarşında cəmi 5-6 yaşı olan uşaq oturur. Ona belə dərin düşündürücü suallar vermək olmaz. Bu, uşaqların psixologiyasına pis təsir göstərir və onların təhsilə həvəsini öldürür.

Azad Müəllimlər Birliyinin rəhbəri Məlahət Mürşüdlü qəzetimizə açıqlamasında bildirdi ki, birinci sinfə qəbul olunacaq uşaqlardan yalnız müsahibə yolu ilə imtahan götürülməlidir: "Təəssüflər olsun ki, bəzi yerlərdə təhsili idarə edənlər özlərindən yeni üsul kəşf edir. Onların yeni kəşfi 5-6 yaşlı uşaqların psixologiyasına olduqca mənfi təsir göstərir.

Bu cür imtahanlar çox şişirdilmiş formada keçirilir. 6 yaşlı uşaq komissiyanın qarşısına çıxarılır və ona yaşına uyğun olmayan suallar verilir. O suallara cavab verə bilməyən sıxıntı keçirir. Ola bilsin ki, uşaq o sualın cavabını bilir, lakin 4-5 nəfərin qarşısında dayanaraq onlara cavab vermək barədə düşüncəsi onu təlaşlandırır və düzgün cavabı unudur".

Həmsöhbətimiz bildirdi ki, uşaqlara onların bilik səviyyəsinə uyğun olmayan sualların verilməsi düzgün deyil: "Məktəbə hazırlaşan bütün uşaqlar saymağı, rəngləri tanımağı, şeir və ya balaca hekayələr, atributlarımızı öyrənir. İmtahana gələn uşaqlara məntiqi sualların verilməsi düzgün deyil. Çünki 5-6 yaşlı uşağın məntiqi savadı testi həll edəcək səviyyədə deyil. Düzgün cavab verə bilməyən uşağın məktəbə sevgisi və hörməti azalır".

M.Mürşüdlünun sözlərinə görə, uşaqlardan yazılı deyil, şifahi imtahan götürmək lazımdır. İmtahan sualları da sadə olmalıdır: "Onlara rənglər, heyvanların adları, bayrağımızın rəngləri barədə və uşaqların yaşına uyğun digər suallar verilməlidir".

Təhsil üzrə ekspert Kamran Əsədov da hesab edir ki, Təhsil Nazirliyinin təşkil etdiyi bu sistem tamamilə əsassızdır və heç bir beynəlxalq təcrübəyə uyğun deyil: "Mən özüm də ötənilki imtahanların suallarını əldə etmişəm, bəzi suallar var ki, ona cavab tapmaq üçün azı 10 dəqiqə düşünmüşəm. Başa düşmürəm, uşaqlar magistraturaya imtahan verir, yoxsa məktəbə?! Nazirlik başa düşmür ki, həvəslə məktəbə getmək istəyənlərə belə çətin suallar verməklə, onları tamamilə həvəsdən salırlar? Uşaqlardan hərfləri tanımağı, rəqəmləri, oxumağı, yazmağı tələb edirlər. O zaman məktəb nə öyrədəcək? Uşaq birinci sinfə gedəndə bunları bilir deyə, ona heç nə maraqlı gəlməyəcək".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...