İcbari sığorta Azərbaycanda orqan transplantasiyasının yolunu açacaq...

Tarix: 03.06.2016 / 02:31
Bölmə: Sosial

Araz Bayramov: "Orqan köçürülməsi əməliyyatı xəstənin həyatının xilası və sağlamlığının bərpası üçün aparılır"

"Böyrək transplantasiyası bahalı əməliyyat olduğu üçün bu, icbari tibbi sığorta tərəfindən təmin olunmalıdır"

Orqan transplantasiyası artıq öz funksiyalarını yerinə yetirə bilməyən bədən üzvünün cərrahi üsulla çıxarılması və onun yerinə və ya bədənin başqa bir hissəsinə digər insandan (donordan) götürülmüş orqanın köçürülməsidir.

Böyrək, qara ciyər, mədəaltı vəzi, ürək, ağ ciyər, gözün buynuz qişası və nazik bağırsaq daha çox köçürülən orqanlardır.

Bu gün orqan transplantasiyası inkişaf etmiş ölkələrdə tibbi xidmətin ayrılmaz bir atributuna çevrilib. Amma inkişaf etməkdə olan ölkələrdə orqan transplantasiyası həmişə problem olaraq qalır. Bunun da səbəbi bu əməliyyatın qiymətinin baha olmasıdır.

Orqan transplantasiyası neçə vaxtdır müzakirə olunur.

Belə bir fikir formalaşıb ki, icbari tibbi sığorta tətbiq olunarsa, ölkədə orqan transplantasiyası mümkün olacaq. Milli Məclisin Səhiyyə komitəsinin sədr müavini Musa Quliyev media nümayəndələrinə açıqlamasında bildirib ki, Azərbaycanda hələlik icbari tibbi sığorta tətbiq olunmadığından, meyitdən orqan köçürülməsini tətbiq etmək mümkün olmayıb: "Amma bu iş hökumətin gündəliyindədir, parlamentin nəzarətindədir. İcbari tibbi sığorta tətbiq olunduqdan sonra Azərbaycanda meyitdən orqan köçürülməsi həyata keçiriləcək".

O bildirib ki, meyitdən orqan köçürülməsini həyata keçirməkdən ötrü müvafiq klinikalar olmalıdır: "Yəni istənilən klinikada istənilən həkim bu işi görə bilməz. Bu iş üçün həm də müvafiq komanda olmalıdır. Bu komandada həkimlər, hüquqşünaslar, din xadimləri təmsil olunmalıdır. Dünya ölkələrinin acı təcrübəsi göstərir ki, bəzən biznes məqsədilə hələ dünyasını dəyişməmiş insanlardan orqan götürülməsi halları baş verir. Bunun qarşısını almaqdan ötrü etika komissiyası olmalıdır".

Qeyd edək ki, bu gün Azərbaycanda daha çox böyrək və qara ciyər transplantasiyası həyata keçirildiyindən, əsas çətinlik də elə bu donorların tapılmasında yaşanır.

Avropa Uroloqlar Cəmiyyəti İdarə Heyətinin üzvü, uroloq-androloq Araz Bayramov "Bakı-Xəbər"ə açıqlamasında qeyd etdi ki, orqan köçürülməsi əməliyyatı xəstənin həyatının xilası və sağlamlığının bərpası üçün aparılır. İnkişaf etmiş ölkələrdə şəkərli diabet, hepatit, böyrək çatışmazlığı və digər ağır xəstəliklərin müalicəsi icbari tibbi sığorta tərəfindən təmin olunur.

A.Bayramovun dediyinə görə, böyrək transplantasiyası bahalı əməliyyat olduğu üçün bu, icbari tibbi sığorta tərəfindən təmin olunmalıdır.

Uroloq onu da diqqətə çatdırdı ki, böyrək köçürülməsi olduqca ağır əməliyyatdır: "Bu əməliyyatın həyata keçirilməsi üçün böyük bir sistem və komanda qurulmalıdır. Həmin komandaya tək uroloq və transplantoloq cərrah deyil, imoloq, nevroloq və digər peşəkarlar cəlb olunmalıdır".

Həmsöhbətimiz bildirdi ki, bu gün ölkədə böyrək transplantasiyası əməliyyatı keçirilir. Lakin istənilən səviyyədə o əməliyyat baş tutmur. Bunun da səbəbi komandanın yetərincə olmamasıdır.

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...