Bir avtobus insanın taleyini 23 yaşa qədərki uşağa tapşırmaq keçmişdə qaldı

Tarix: 02.06.2016 / 00:13
Bölmə: Sosial

Ərşad Hüseynov: "Bu məsələ sərnişinlərin təhlükəsizliyi baxımından da önəmlidir"

"Dünyanın hər yerində belədir"

Xəbər verildiyi kimi, Azərbaycan Nazirlər Kabineti "Avtomobil nəqliyyatı ilə sərnişin və baqaj daşınması Qaydaları"na dəyişiklik edib. Azərbaycanda avtobuslarla sərnişin daşımalarına "D" kateqoriyası üzrə nəqliyyat vasitələrini idarə etmək hüququnu təsdiq edən sürücülük vəsiqəsi olan və yaşı 23-dən az olmayan şəxslər buraxılacaq.

Nazirlər Kabinetindən verilən məlumata görə, dəyişikliyə əsasən, avtobuslarla sərnişin daşımalarına "D" kateqoriyası üzrə nəqliyyat vasitələrini idarə etmək hüququnu təsdiq edən sürücülük vəsiqəsi olan (yaşı 23-dən az və 65-dən çox olmayan və avtonəqliyyat vasitələrini idarə etmək sahəsində təcrübəsi beş ildən az olmayan), "DE" kateqoriyası üzrə nəqliyyat vasitələrini idarə etmək hüququnu təsdiq edən sürücülük vəsiqəsi olan (yaşı 26-dan az və 65-dən çox olmayan və "D" kateqoriyasına daxil olan avtonəqliyyat vasitələrini idarə etmək sahəsində təcrübəsi üç ildən az olmayan) sürücülər buraxılır. Bundan əvvəl "D" kateqoriyası üzrə ən aşağı yaş həddi 21, "DE" kateqoriyası üzrə isə 24 idi.

Bütün bunlar Nazirlər Kabinetinin "Nəqliyyat vasitələri sürücülərinin hazırlanması və onların ixtisasının artırılması kursları haqqında Əsasnamənin və nəqliyyat vasitəsini idarə etmək hüququ verən sürücülük vəsiqəsi almaq istəyən şəxslərdən imtahanların qəbul edilməsi və onlara sürücülük vəsiqəsinin verilməsi qaydaları haqqında Əsasnamənin təsdiq edilməsi barədə" Qərarında dəyişiklikdə əksini tapıb.

Bütövlükdə ekspertlərin bu yeniliklərə münasibəti necədir?

Ekspert Ərşad Hüseynovun fikrincə, bu məsələ sərnişinlərin təhlükəsizliyi baxımından önəmlidir: "Dəyişikliyə görə, 65 yaşı tamam olan şəxs marşrutlar üzrə sərnişin avtobusunda sürücü işləyə bilməz. Həmin şəxslərin şəxsi avtobus idarə etməsinə qadağa qoyulmayıb. Yenilik yalnız şəhərdaxili və şəhərətrafı marşrut xətlərindəki avtobuslara aiddir. Məsələn, kiminsə "D" kateqoriyasına düşən nəqliyyat vasitəsi varsa, onu idarə etmək üçün yaşı 65-dən çox olan sürücü tapırsa, buna qadağa qoyulmur. 65 yaşı tamam olan şəxsin sürücülük hüququ əlindən alınmır. Sadəcə olaraq, "Avtomobil nəqliyyatı haqqında" Qanunda göstərilib ki, kommersiya məqsədli müntəzəm və qeyri-müntəzəm sərnişindaşımada istifadə olunan avtobuslarda 65 yaşdan yuxarı sürücü fəaliyyət göstərə bilməz. Sərnişindaşımada sürücünün sağlamlığı önəmlidir. Birləşmiş Millətlər Təşkilatının sürücülərə dair 4 standart tələbi var ki, həmin tələblərdən ən önəmlisi sürücünün sağlam, nəqliyyat vasitəsini təhlükəsiz idarə etmək, yol şəraitinə lazımi dərəcədə nəzarət etmək üçün yararlı olmasıdır. Dünyanın hər yerində belə məsələləri işəgötürən həll edir.

Bu məsələ "Avtomobil nəqliyyatı haqqında" Qanunda, Nazirlər Kabinetinin 2009-cu ildə qəbul etdiyi 41 saylı Qərarda var. Həmin sənədlərdə göstərilib ki, bütün marşrut avtobuslarının sürücüləri hər gün reysə çıxmazdan əvvəl həkim tərəfindən müayinə olunmalıdır. Şübhəli məqamlar aşkar olunarsa, həmin sürücü reysə buraxılmamalıdır. Dünyanın hər yerində belədir".

Vidadi ORDAHALLI

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır