Ekspert də dərs ilinin uzadılmasına etiraz edən valideynləri dəstəklədi

Tarix: 28.05.2016 / 02:06
Bölmə: Sosial

Əjdər Ağayev: "Gələcəyimiz olan uşaqların sağlamlığı üçün dərslər sentyabrda başlayıb may ayında bitməlidir"

"Tədris ilinin artırılmasının səbəbi xarici ölkələrdə dərs ilinin eyni müddətdə bitməsi ilə bağlıdır"

Məlum olduğu kimi, artıq dərs ili mayın sonunda deyil, iyunun 14-də bitəcək. Dərs ilinin iki həftə uzadılması, şagirdlərin iyun ayında məktəbə getməsi valideynləri narahat edir. Onların fikrincə, iyun ayında hava isti olduğundan, şagirdlər dərsi qavraya bilmir.

Dərs ilinin uzadılmasına valideynlərlə yanaşı, müəllimlər də narazılıq edir. Onlar da valideynlərlə eyni fikirdədir. Narazılar tədris müddətinin azaldılması ilə bağlı petisiya hazırlayıb. Onlar bu petisiyanı Azərbaycan Prezidenti İlham Əliyevə, təhsil naziri Mikayıl Cabbarova, Nazirlər Kabinetinə göndərmək fikrindədir. Minlərlə insan tərəfindən imzalanan petisiyada deyilir: "Hörmətli dövlət rəsmiləri! Əvvəllər dərslər 1 sentyabrda başlayırdı. Sonradan bunu hansısa səbəblərdən 15 sentyabr tarixinə keçirdilər. İndi isə dərs müddətini iyunun 15-dək uzadırlar ki, dərsləri çatdırmaq olmur. Yayın istisində uşaqlar dərsdə necə oturacaq? Bunu fikirləşən yoxdur. Xahiş edirik ki, dərslər əvvəlki kimi 1 sentyabr-25 may arasında keçirilsin".

Təhsil Nazirliyi petisiyaya cavab verib. Qurumun cavabında bildirilir: "Tədris həftələrinin sayının 32 həftədən 34 həftəyə çatdırılmasının məqsədi şagirdlərin təlim yükünün azaldılması, proqram materiallarını səmərəli mənimsəmələri üçün əlverişli təhsil mühiti yaradılmasıdır. Belə ki, məktəblərdə dərs günlərinin miqdarının az olması fənlər üzrə mövcud təlim proqramlarının şagirdlər tərəfindən səmərəli mənimsənilməsində çətinliklər yaradır. Xüsusilə yuxarı siniflərdə həftəlik tədris yükünün artmasına səbəb olur. Bütün bunlar isə təhsil alanların sağlamlığına mənfi təsir göstərir.

Nazirlər Kabinetinin 2014-cü il tarixli qərarı ilə "Ümumtəhsil məktəbinin Nümunəvi Nizamnaməsi"ndə edilmiş dəyişikliyə əsasən, ümumtəhsil məktəblərində dərs məşğələləri sentyabrın 15-də başlayıb iyunun 14-də başa çatır. Bu qərar 2014-2015-ci dərs ili başlandıqdan sonra qəbul olunduğundan, həmin dəyişiklik 2015-2016-cı dərs ilindən etibarən respublikanın ümumtəhsil məktəblərində tətbiq edilməyə başlanıb. Əslində iyun ayının ilk iki həftəsi ilə sentyabr ayında müşahidə edilən temperatur göstəricilərində elə də böyük fərq yoxdur".

Qeyd edək ki, dərs ilinin müddətinin azaldılması ilə bağlı petisiyanı artıq 5000 vətəndaş imzalayıb. Onlar arasında tanınmış ictimai xadimlər var. Onlar da havanın isti keçdiyi dönəmdə dərs keçilməsinin düzgün olmadığını və dərsin sentyabrın 1-də başlayıb may ayında bitməsini istəyir.

Azərbaycan Təhsil Şurasının sədri Əjdər Ağayev bizimlə söhbətində bildirdi ki, tədris ilinin artırılmasının səbəbi xarici ölkələrdə dərs ilinin eyni müddətdə bitməsi ilə bağlıdır. Bizdə dərs ilinin müddəti xarici ölkələrlə müqayisədə azdır: "Tədris müddətini uzatmaqdansa, dərs proqramının çatdırılması ilə bağlı mexanizm tapılmalıdır. Təbii ki, may ayından sonra isti günlər başlayır. Nəzərə almaq lazımdır ki, indiki uşaqlar əvvəlki dövrün uşaqları ilə bir deyil. İndi uşaqlar daha tez-tez xəstələnir, onlar sinir problemi yaşayır, istiyə dözümləri azdır. Hər kəsə bəllidir ki, məktəblərin sərinləşdirici imkanları, demək olar ki, yoxdur. Xarici ölkələrlə müqayisə olunarkən sərinləşdirici sistem də nəzərə alınmalıdır. Xarici ölkələrdə bu cür istilik müşahidə olunmur. Gələcəyimiz olan uşaqların sağlamlığı üçün dərslər sentyabrda başlayıb may ayında bitməlidir".

Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır