Məktəb dərsliyi hazırlayanlarla Dilçilik İnstitutu üz-üzə gəldi...

Tarix: 27.05.2016 / 01:07
Bölmə: Sosial

Məhərrəm Zülfüqarlı: "Dərsliklərdə qüsurların olması neçə illərdir müzakirə olunur"

Vurğun Əyyub: "Dərslik müəlliflərinin seçilməsində, dərsliklərin qiymətləndirilməsində şəffaflığa nail olmaq lazımdır"

"Azərbaycanda 5-ci sinif dərslikləri akademik səviyyədə yazıldığından, orta məktəb şagirdləri başa düşmürlər. Bu sahə üzrə təcrübəli mütəxəssis kimi deyə bilərəm ki, orta məktəb dərslikləri şagirdlərin qavrama qabiliyyəti nəzərə alınmadan yazılır.

Dərsliklərdə dilin ədəbi normalarının qorunması baxımından müəyyən problemlər var".

Bunu Azərbaycan Milli Elmlər Akademiyasının (AMEA) Rəyasət Heyətinin iclasında çıxış edən Dilçilik İnstitutunun direktor əvəzi Möhsün Nağısoylu deyib. Onun sözlərinə görə, küçələrdəki afişalarda, bəzi obyektlərin adlarında dilin normalarının pozulması hallarına tez-tez rast gəlinir. Bu problemin həlli istiqamətində bəzi rayonların icra hakimiyyətləri ilə razılığa gəlinib və hansısa müəssisənin adının seçilməsində institutun da rəyi nəzərə alınır: "Məsələn, "supermarket" sözü bəzən ayrı və ya defislə yazılır. Bunun vahid formada yazılışını müəyyənləşdirmək lazımdır. Bəzi şadlıq evləri, supermarketlər hətta bizim mentalitetə uyğun gəlməyən formada adlandırılır. Bu istiqamətdə də müəyyən maarifləndirmə işləri həyata keçirilir. Dilçilik İnstitutu belə halların qarşısını almaq üçün monitorinqlər keçirir və "Qaynar xətt" vasitəsilə onların vaxtında aşkarlanaraq qarşısının alınmasına çalışır".

Təhsil ekspertləri də hesab edir ki, bu gün yazılan dərsliklərin əksəriyyətinin dili ağırdır və məktəblilərin yaşına uyğun deyil.

Təhsil eksperti Məhərrəm Zülfüqarlı bizimlə söhbətində bildirdi ki, dərsliklərdə qüsurların olması neçə illərdir müzakirə olunur. Onun sözlərinə görə, dərsliklərdə həm dil, həm elmi məsələlərdə çoxlu səhvlər var: "Dərsliyin çap olunmasına bir qurum razılıq verməməlidir. Dərslik çap olunmazdan öncə böyük kollektivdə müzakirə olunmalıdır, daha sonra onun çapına razılıq verilməlidir".

M.Zülfüqarlı onu da diqqətə çatdırdı ki, dərslikdə səhvlər, demək olar ki, bütün sinif kitablarında mövcuddur.

Təhsil eksperti Vurğun Əyyub bildirdi ki, dərsliklərdən haqlı olaraq şikayətlər edilir: "Son zamanlar Təhsil Nazirliyi bu istiqamətdə müəyyən addımlar atıb. Xəzər Universiteti tərəfindən dərsliklərin qiymətləndirilməsi prosesi həyata keçirilib, potensial dərslik müəlliflərinə və dərsliklər nəşr edənlərə müəyyən təlimlər keçirilib, nəzəri hazırlıq baxımından müəyyən işlər görülüb. Amma işlərin hansı səviyyədə getməsi ilə bağlı dəqiq məlumatlar verilmir.

Zaman-zaman dərsliklərdən şikayətlər edilir, müəyyən yazılara iradlar bildirilir. Bunların da bir çoxu haqlıdır. İlk növbədə dərslik müəlliflərinin seçilməsində, dərsliklərin qiymətləndirilməsində şəffaflığa nail olmaq lazımdır. Ölkədə dərslik yazan müəlliflər o qədər də çox deyil. Bəzi dərslik yazan müəlliflər küsdürülüb. Onlar müəyyən zamanlarda incidilib və proseslərdən uzaq düşüblər. Dərsliklərdə alternativliyə nail olmaq lazımdır. Alternativliyə nail olmadan irəliləyiş mümkün deyil".

Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır