Xaricdən milyonlara alınan elə ağaclar var ki, onlar Azərbaycanda da əkilə bilər. Bəs problem nədədir?

Tarix: 25.05.2016 / 02:19
Bölmə: Sosial

Elsevər Ağayev: "Satışda olan xarici bitkilərin 70 faizi ölkəmizdə istehsal oluna bilər"

"Nəbatat" bağının direktoru Vahid Fərzəliyev: "Xaricdən gətirilən bitkilərin ölkəmizdə istənilən səviyyədə yetişməməsinin əsas səbəblərindən biri texnologiyanın olmamasıdır"

Bu gün yol kənarlarında, parklarda, istirahət mərkəzlərində xaricdən gətirilən bər-bəzəkli ağaclara rast gəlmək mümkündür. Görkəm üçün gətirilən ekzotik ağacların qiyməti heç də ucuz deyil. Bəllidir ki, bu gün ölkəmizə əsasən Türkiyə və İtaliyada yetişdirilən ağaclar gətirilir. Çünki həmin ölkələrin iqlimi Azərbaycana oxşar olduğu üçün orada yetişdirilən ağaclar bizdə də uzun illər yaşaya bilir.
Yayılan məlumatlara görə, xaricdən gətirilən bəzi növ ağac və güllər bu gün bizdə də yetişə bilər. Bizdə həmin ağaclar istehsal olunsa, çoxlu maliyyə sərf edib onu xaricdən gətirməyə dəyməz. Ölkəmizdə istehsal olunan hansısa ekzotik ağacı həm vətəndaşlarımız daha ucuz qiymətə alar, həm də xaricə idxal olunar.
Bağçılıq sahəsi üzrə mütəxəssis Elsevər Ağayev "Bakı-Xəbər"ə açıqlamasında qeyd etdi ki, bu gün ölkədə satılan bahalı ekzotik ağacların bir qismi bizim şəraitdə yetişdirilə bilər. Mütəxəssis bu barədə bizə bunları dedi: "Bu gün satışda olan xarici bitkilərin, demək olar ki, 70 faizi ölkəmizdə istehsal oluna bilər. Çünki həmin ağaclar, güllər və ya kollar ölkəmizin iqliminə uyğundur və bu mühitə uyğunlaşıb. Bu səbəbdən də həmin bitkiləri bizdə istehsal edə bilərik".
Həmsöhbətimizin sözlərinə görə, bəzi sahibkarlar bir-iki növ ekzotik ağacların yetişdirilməsilə məşğuldur. Yaxşı olar ki, dövlət bu işlə məşğul olsun: "Belə olarsa, ölkə iqtisadiyyatı xeyli gəlir əldə edər. Məsələn, biz toxum və ya şitilləri xaricdən gətirib burada onun yetişdirilməsi ilə məşğul ola bilərik. Baha qiymətə hansısa ağacın ya özünü, ya da onun tingini alıb gətirməkdənsə, ağacın və kolun toxumunu və ya şitilini gətirsək, bu daha sərfəli olar. O məhsulun ərsəyə gəlməsi üçün nə qədər adam işlə təmin olunacaq. Daha sonra istehsal olunan ağacın bazara çıxarılması və üstəlik, yerli məhsul adı ilə satışının təşkili ona tələbatı daha da artıracaq. Belə olan halda, biz özümüz xarici ölkələrə ağac, gül və ya kol sata bilərik. Beləliklə, ölkə iqtisadiyyatı bu sahədən gəlir əldə etmiş olar".
E.Ağayev qeyd etdi ki, bu gün ən çox "Eleksis" ağacına tələbat var: "Bu ağac bizə həm Türkiyədən, həm də İtaliyadan gətirilir. Həmin ağacın qiyməti də təxminən 2000 manatdır. "Eleksis" bizim torpaqda da yetişə bilər. Bunun üçün aidiyyəti qurumlar tərəfindən şərait yaradılmalıdır. Tək "Eleksis" deyil, digər bitkilər üçün də. Ekzotik ağacların bizdə yetişdirilməsi üçün boş bir sahə ayrılmalıdır. O sahədə xaricdən ucuz qiymətə ya toxumu, ya da şitili alıb həmin ağacların yetişdirilməsi ilə məşğul ola bilərik. Hazır olan ağaclarla mütəxəssislər məşğul olmalıdır. Ağacları bəzəkli formaya salanlar var. Təəssüf ki, bizdə bu işlə məşğul olan çox az sayda adam var. Ağacları bəzəkli formaya salanlara ağac dərzisi deyilir. Ağac dərzilərinin işi alıcının diqqətini daha çox cəlb edir".
Həmsöhbətimiz xaricdən gətirilib Azərbaycan iqlimində rahat şəkildə yetişdirilə bilən ekzotik ağacların adlarını da açıqladı: "Pixta ABC", "Eleksis", "Fatunya", "Alev", "Leylandra", "Limonlu yolka", xarici iydələr (hansıkı yarpağı bütün fəsil tökülmür), "Zeytun banzay", "Kedra", "Kamelia", "Daş palıd", "Butesprun" və "Murt" ağacları bizim iqlimdə yetişdirilə bilər. Onu da deyim ki, bu ağacların hər biri ağac dərzisi vasitəsilə 4-5 formaya salına bilər. Dərzilər adətən ağacı panpon, şar, tək toplu, 2 toplu, 3 toplu, piramida və spiral formasına sala bilər".
Azərbaycan Milli Elmlər Akademiyasının Nəbatat bağının direktoru vəzifəsini icra edən Vahid Fərzəliyev qəzetimizə açıqlamasında bildirdi ki, xaricdən gətirilən bitkilərin bir qismi Azərbaycanda da yetişdirilir: "İtaliyada yetişdirilən bəzəkli ağacların qiyməti baha olur. Bu ölkənin ağaclarına dünyanın istənilən ölkəsində tələbat var.
Adıçəkilən ölkədə yetişdirilən bəzi ağaclar bu gün bizdə bir neçə özəl qurum tərəfindən yetişdirilir. Bu işlə rayonlarda mövcud olan istixanalar məşğul olur. Amma hələ ki, biz bazarı təmin edə bilmirik".
Həmsöhbətimiz onu da əlavə etdi ki, xaricdən gətirilən bitkilərin ölkəmizdə istənilən səviyyədə yetişməməsinin əsas səbəblərindən biri də texnologiyanın olmamasıdır.
Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır