Bakı İslam Universitetinin diplomları niyə tanınmır?

Tarix: 21.05.2016 / 01:42
Bölmə: Sosial

Seyid Camal Əzimbəyli: "Bunun üçün biz milli kimliyi bəlli olan, dövlətçiliyi sevən dini kadrların yetişdirilməsilə dərindən məşğul olmalıyıq"

"İslam Universitetinin nüfuzunu, statusunu qaldırmağa çalışmalıyıq"

"Azərbaycanda 1500-ə yaxın məscidin imam və axundu yoxdur". Bunu QMİ sədrinin müavini, Bakı İslam Universitetinin rektoru hacı Sabir Həsənli deyib. Onun sözlərinə görə, bu gün Azərbaycanda 2100-ə yaxın məscid mövcuddur.
Lakin onların təxminən 600-ə yaxını rəsmi qeydiyyatdan keçib və imam, axundlarla təmin olunub: "Amma 1500-ə yaxın məscid yenə də boş, yəni imamsız, axundsuz qalıb. Bu da müəyyən xoşagəlməyən halların meydana çıxmasına səbəb olur. Yəni dini ixtisas cəhətdən axsayan adamlar bəzən həmin məscidlərdə imamlıq, yaxud axundluq etməyə başlayır. Bu da islama ziyandır".
S.Həsənli bildirib ki, xaricdə dini təhsil alıb gələnlər həmin məscidlərə sərbəst şəkildə yiyələnir.
Onun fikrincə, belə halların olmaması üçün Bakı İslam Universitetinə ayrılan plan yerlərinin sayı artırılmalı və bu məktəbin məzunlarına verdiyi diplom tanınmalıdır.
QMİ sədrinin müavini əlavə edib ki, bu il hökumətdən universitet üçün daha çox plan yeri istənilsə də, cəmi 125 plan yerinin ayrılmasına qərar verilib: "Biz, əslində, daha çox yer istəyirdik. Çünki ehtiyac çoxdur. 1500 məscidimiz boşdursa, xaricdə oxuyub gələnlər və sairlər ölkəyə gələrək məscidlərə sərbəst şəkildə yiyələnir. Çünki Allah evidir, əgər bura hər hansı iş adamı və ya kollektiv tərəfindən tikilibsə, o işləməlidir, Allah evi bağlı qala bilməz. Bəs kimin hesabına? Biz tələb olunan sayda kadr verə bilmirik. Təklif etdiyimiz kadrların da diplomları tanınmadığına görə onlar işə qəbul oluna bilmir".
Qeyd edək ki, Dini Qurumlarla İş üzrə Dövlət Komitəsinin sədr müavini Gündüz İsmayılov da bildirib ki, 1991-ci ildən sonra xaricdə dini təhsil alan Azərbaycan vətəndaşlarının sayı həddindən artıq çoxdur. Onun sözlərinə görə, bu müddətdə xaricdə dini təhsil alanların sayı 2166 nəfər olub.
G.İsmayılov da xaricdə dini təhsilin bəzi problemlər yaratdığını söyləyib: "Xaricdə dini təhsil alanlar həmin müddətdə oradakı həyat tərzini də mənimsəyir. Onlar Azərbaycanda fəaliyyətə başlayarkən təhsil aldıqları ölkələrin bizim üçün yad olan həyat tərzini də burada təbliğ etmiş olur. Bu da cəmiyyətdə ciddi problemlər yaradır".
Məscidlərə İslam Universitetinin məzunlarının rəhbər təyin edilməsi üçün nə etmək lazımdır? Universitetin diplomları niyə tanınmır?
Tanınmış şərqşünas Seyid Camal Əzimbəyli qəzetimizə açıqlamasında bildirdi ki, bu sahədə doğrudan da ciddi problem var: "Hörmətli Hacı Sabir Həsənli düz buyurur. Hər bir problemi adı ilə demək lazımdır. Mən şimal bölgəsindən gəlirəm. Zaqatala, Balakən, hətta Şəkidə belə problem mövcuddur. Dəfələrlə bu məsələni qaldıranda görürəm ki, müəyyən vəzifə sahibləri ciddi narahat olur. Ancaq tam məsuliyyətilə deyirəm ki, bu gün Azərbaycanın dini məkanını tam ələ almaq üçün Türkiyə, İran və Səudiyyə Ərəbistanı arasında ciddi mübarizə gedir. Aydındır ki, həmin mübarizənin başlıca tərkib komponentindən biri də məscidlərə nəzarətdir. Deyilən problem ona görə yaranır. Bunun üçün biz milli kimliyi bəlli olan, dövlətçiliyi sevən dini kadrların yetişdirilməsilə dərindən məşğul olmalıyıq. İslam Universitetinin nüfuzunu, statusunu qaldırmağa çalışmalıyıq. Dövlət həmin universitetin maddi-texniki bazasını yüksəltməlidir ki, orada gözəl kadrlar hazırlansın. Əks halda, biz ciddi problemlərlə üzləşəcəyik. Çünki bütün dini təbliğat məscidlər vasitəsilə aparılır. Elə kadrlar yetişməlidir ki, onlar çəkinmədən belə məsuliyyəti üzərinə götürsün".
Məhəmmədəli QƏRİBLİ

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır