Çörəyi bəzən elə vəziyyətdə olan maşınlarla daşıyırlar ki...

Tarix: 20.05.2016 / 01:45
Bölmə: Sosial

İmran Abdullayev: "Çörəyin daşınması qaydaları onu daşıyan avtomobili idarə edənlər tərəfindən pozulur"

Adil Qeybulla: "Çörəyin natəmiz şəraitdə və əlcəksiz daşınması müxtəlif infeksion xəstəliklərə səbəb ola bilər"

Çirkli baqajlarda, kirli əllərdə daşınan çörəklər... Hər gün çörək aldığımız mağazalara bu çörəklərin hansı şəraitdə daşınmasına çoxumuz şahid olmuşuq. Demək olar ki, gündəlik bu mənzərə ilə rastlaşırıq. Çörəyin zavodlardan mağazalara daşınması zamanı çox vaxt sanitar qaydalara əməl olunmur.
Çörək mağazaya bu məqsəd üçün nəzərdə tutulmayan maşınlarla daşınır. Bəzən çörək minik maşınlarının oturacaq yerlərinə yığılır və bu zaman onun altına heç bir qoruyucu vasitə salınmır. Zavoddan mağazaya gətirilən çörək əldən-ələ keçir. Bəzən isə mağazalarda ərzaq məhsullarını satan satıcıların sağlamlığı diqqətdən kənarda qalır.
Çörəyi dükanlara təhvil verən maşınların durumu isə olduqca bərbaddır. Bəzən istismar müddəti bitən avtomobillərdə gündəlik qidalandığımız çörək daşınır. Təbii ki, bu cür şəraitdə çörəyin daşınması gigiyena qaydalarının pozulması deməkdir.
Çörəyin daşınmasında baş verən bu eybəcərliklərə qarşı müvafiq qurumlar mübarizə aparsa da, reallıq bu istiqamətdə görülən tədbirlərin hələ istənilən nəticəni vermədiyini göstərir.
Gigiyena və Epidemiologiya Mərkəzinin şöbə rəhbəri İmran Abdullayev "Bakı-Xəbər"ə açıqlamasında bildirdi ki, çörəyin daşınması vəziyyəti acınacaqlı durumdadır. Çörəyin natəmiz halda daşınması göbələk xəstəliklərinin yayılmasına rəvac verə bilər: "Çörəyin daşınması qaydaları təəssüf ki, onu daşıyan avtomobili idarə edənlər tərəfindən pozulur. Maşının arxasına, ya da oturacağa çörəyi müəyyən açıq qutularda qoyurlar. Belə ki, əksər hallarda həmin qutuların özü də çirklənmiş durumda olur. Burada artıq mikrobioloji çirklənmə baş verir. Artıq maşında olan qaralmış yağ kütlələrində göbələklər əmələ gəlir. Çörək də ona dəyməklə həmin xəstəliyin yayılmasına gətirib çıxara bilər. Bu hallara yol verilməməsi üçün daşınma qaydaları var. Çörək qaydalara əsasən, ancaq taxta yeşiklərdə daşınmalıdır və onlar da vaxtaşırı təmizlənməlidir. Bu hallara qarşı mübarizə istiqamətində müəyyən addımlar atırıq. Amma qanunda olan müəyyən boşluqlar həmin neqativ hallara qarşı qəti mübarizə aparmağa imkan vermir. Bir neçə il öncə çörək daşıyan maşınlarla bağlı Bakı Dövlət Yol Polis İdarəsinə müraciət etmişdik. Onlar isə qanunvericilikdə belə maşınları saxlamaq haqqında müddəa olmadığına görə onları saxlaya bilməyəcəklərini bildirdilər. Yalnız çörək mağazaya çatdıqda onun sahibindən çörəyin saxlanma qaydalarına əməl edilməsini tələb edə bilirik. Qanunda 3-5 çörəkdən artıq çörək daşıyan maşınların hansı orqan tərəfindən saxlana biləcəyi, hansı orqanın onları yoxlaya biləcəyi halları dəqiq müəyyənləşməlidir".
Professor, tibbi ekspert Adil Qeybulla bildirdi ki, qida gigiyenasının şərtlərinə görə, qida məhsullarının heç birinə əl ilə toxunmaq olmaz: "Əgər ərzaq məhsullarının qoruyucu örtüyü yoxdursa, təmas çılpaq əl ilə yox, xüsusi qeyri-lateks əlcəklər vasitəsilə aparılmalıdır. Bəzi yerlərdə sellofan qablardan istifadə olunur. Çörək və digər qida məhsulları daşınarkən örtüklər hər dəfə dəyişilməli və bunu icra edən şəxslər gigiyena qaydalarına mütləq riayət etməlidir ki, bu da əl ilə təması ləğv etməkdən ibarətdir".
Həmsöhbətimizin sözlərinə görə, çörəyin natəmiz şəraitdə və əlcəksiz daşınması isə müxtəlif infeksion xəstəliklərə səbəb ola bilər: "Bunun səbəb ola biləcəyi təhlükə isə təmas yolu ilə yoluxan infeksiya və viruslardır. Bu yoluxma da müxtəlif xəstəliklərə səbəb olur. Əldə müxtəlif virus və bakteriyalar olur ki, bunlar da çörəyə toxunanda ona keçir və oradan da bizim həzm sistemimizə düşür".
Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır