Magistrlərin orduya çağırılması elmi dairələrdə birmənalı qarşılanmadı

Tarix: 19.05.2016 / 01:38
Bölmə: Sosial

İlqar Orucov: "Təhsildə fasiləsizliyin təmin edilməsi baxımından təhsil müddətində gənclərə möhlətin verilməsi vacibdir"
"Elm haqqında" qanun layihəsindən magistratura və doktorantura pillələrində təhsil alanlara möhlət hüququnun verilməsini əks etdirən bəndin çıxarılması düzgün addım deyil"

Azərbaycanda elm və təhsil müəssisələrinin magistratura və doktoranturalarında əyani təhsil alanlara təhsilin fasiləsizliyini təmin etmək məqsədilə həqiqi hərbi xidmətdən möhlət hüququnun verilməsi məsələsi "Elm haqqında" qanun layihəsindən çıxarılıb.
Milli Məclisin ötən iclasında millət vəkilləri belə bir təkliflə çıxış edib ki, Azərbaycanda elm və təhsil müəssisələrinin magistratura və doktoranturalarında əyani təhsil alanlara təhsilin fasiləsizliyini təmin etmək məqsədilə həqiqi hərbi xidmətdən möhlət hüququnun verilməsi məsələsi də ləğv olunmalıdır. Deputatların fikrincə, Azərbaycanda müharibə şəraiti bitənə, sülh sazişi imzalanana qədər gənclər hərbi xidmətdən kənarda qala bilməz. Bakalavrlar yalnız hərbi xidmət keçdikdən sonra magistraturada təhsilini davam etdirə bilər.
Ancaq təhsil ekspertləri hesab edir ki, təhsildə fasiləsizlik ləğv olunmamalıdır. Düşmənə tək səngərdə deyil, eyni zamanda elmdə də qalib gəlmək olar.
Xatırladaq ki, 700 bal toplayan Müşfiq Orucovun aprel ayının ilk günlərində cəbhədə baş verən döyüşlər zamanı şəhid olması faktı sosial şəbəkələrdə xeyli narazılığa səbəb olmuşdu. Hər kəs düşünürdü ki, belə savadlı gənclər arxa cəbhədə ön cəbhəyə nisbətən daha faydalı ola bilər.
Ekspertlər də hesab edir ki, təhsildə fasilə olmamalıdır.
Azərbaycan Gənc Alim, Aspirant və Magistrlər Cəmiyyətinin sədri, fəlsəfə doktoru İlqar Orucov "Bakı-Xəbər"ə açıqlamasında qeyd etdi ki, Milli Məclisin müzakirəsinə təqdim olunan "Elm haqqında" qanun layihəsində magistratura və doktorantura pillələrində təhsil alanlara möhlət hüququnun verilməsini əks etdirən bəndin çıxarılması düzgün addım deyil: "Fikirləşirəm ki, burada yalnız magistraturanın və doktoranturanın əyani şöbələrində təhsil alan çağırış yaşlı oğlanlardan söhbət gedir və bu kateqoriya çox kiçik bir kəsimi əhatə edir. Təhsildə fasiləsizliyin təmin edilməsi baxımından təhsil müddətində gənclərə möhlətin verilməsi vacibdir. Artıq bir neçə ildir biz elm sahəsində gender balansının xanımların xeyrinə dəyişməsini müşahidə etməkdəyik. Bu onu göstərir ki, yaxın gələcəkdə ali məktəb müəllimlərinin əksəriyyətini də xanımlar təşkil edəcək. Orta məktəblərdə kişi müəllimlərin sayının azalması kimi zərərli tendensiyanı illərdir müşahidə edirik. Amma unutmaq olmaz ki, elmi fəaliyyət orta məktəb müəllimliyi deyil və mentalitetimizə müvafiq olaraq Azərbaycan qadınının ən müqəddəs missiyası övlad böyütmək, tərbiyə etməkdir. Elmə gələn xanımlar bir müddətdən sonra ailəyə dönməli olur ki, nəticədə ciddi və ardıcıl şəkildə elmi fəaliyyətlə məşğul ola bilmir. Mən demirəm bizim xanımlar yaxşı alim ola bilməz, demək istədiyim odur ki, kişilər kimi ardıcıl, sistemli və mütəmadi olaraq elmi fəaliyyətlə məşğul olmaq imkanları yoxdur. Digər tərəfdən isə bugünkü dövrdə müharibələrdə qələbəni təkcə silahla əldə etmək mümkün deyil. Müharibənin yeni üsulları meydana gəlib və burada əsas işi elm insanları aparmalıdır. Mən o fikirdəyəm ki, istedadlı gəncləri elmə gətirən yolu açmaq, onların intellektindən arxa cəbhədə daha effektiv istifadə etmək lazımdır".
Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Azərbaycanın regional və beynəlxalq əməkdaşlığında hərbi tərəfdaşlığın rolu sürətlə artır