Azərbaycanı əks etdirən milli suvenirlər, ancaq təəssüf Çin istehsalı...

Tarix: 13.05.2016 / 01:32
Bölmə: Sosial

Hər bir turist səfər etdiyi ölkədən xatirə əlaməti olaraq müxtəlif suvenirlər alır. Balaca və böyüklüyündən asılı olmayaraq həmin suvenirlər ölkə ilə bağlı təsəvvür formalaşdırır. Yəni suvenir həmin ölkə ilə bağlı müəyyən fikirlər yaradır. Ölkənin milli simvollarını əks etdirən həmin suvenirlər təbliğat baxımından da əhəmiyyət kəsb edir.

Ona görə də "suvenir" deyib keçmək olmaz. Çünki ölkə ilə bağlı təsəvvür yaradan hər kiçik əşya belə bizimlə danışır, tariximizlə bağlı çox şey deyir.

Bu gün ölkədə müxtəlif formada, dizaynda suvenirlər satılır. Həmin suvenirlərin bir qismi Azərbaycan tarixini əks etdirir, bəziləri isə milli atributlarımızı.

Təbii ki, ölkəyə gələn turist ilk öncə həmin yerdə xatirə olaraq suvenir alır. Nəzərə almaq lazımdır ki, artıq Azərbaycanda beynəlxalq səviyyəli yarışlar, tədbirlər keçirilir. Belə olan şəraitdə ölkəyə çoxlu sayda turist gəlir. Qeyd edək ki, ötən il paytaxt ərazisində keçirilən "Bakı-2015" İlk Avropa Oyunlarını izləməyə gələnlərin əksəriyyəti xarici turistlər idi. Turistlər öz ölkəsinə qayıdarkən Azərbaycandan xatirə olaraq suvenir alıb apardılar.

Bəlli olduğu kimi, Azərbaycan bu il dünyanın ən məşhur avtomobil yarışları olan "Formula-1" üzrə Avropa Qran-prisini keçirməyə hazırlaşır. "Formula-1" yarışlarının isə dünyanın müxtəlif ölkələrindən 500 milyondan çox izləyicisi var. Gözlənir ki, yarışı izləmək üçün on minlərlə yarış həvəskarı Bakıya gələcək. Bu, Azərbaycanın yaxın gələcəkdə ev sahibliyi edəcəyi tək beynəlxalq idman yarışı deyil. Ardınca Bakı şahmat üzrə dünya çempionatına, daha sonra İslam Oyunlarına ev sahibliyi edəcək. Belə ki, bu və digər beynəlxalq yarışlar Azərbaycanı, onun mədəniyyətini dünyada tanıtmaq üçün mühüm fürsətdir. Ölkəni xaricilər arasında tanıtmağın vasitələrindən biri də yəqin ki, milli suvenirlər sayıla bilər.

Məlumat üçün bildirək ki, Avropa Oyunları Bakıda keçirilən zaman belə bir məlumat yayıldı ki, bəs turistlərə satılan suvenirlərin əksəriyyəti yerli istehsal deyil, Çində istehsal olunur. Bu mövzu ilə bağlı müxtəlif fikirlər səsləndi.

Bu günlərdə Azərbaycan tarixinin canlı salnaməsi olan, qədimliklə müasirliyi birləşdirən İçəri Şəhərdə olduq. Məqsədimiz burada satışı həyata keçirilən milli suvenirlərin

vəziyyəti, qiyməti və alıcısının olub-olmamasını öyrənmək idi. Məsələ burasındadır ki, son illər xarici turistlərlə yanaşı, yerli sakinlər də milli geyimlərimizə, suvenir və aksesuarlarımıza, habelə bəzək və məişət əşyalarımıza sahib olmaq istəyir. Bu gün elə ailələr var ki, orada milli nümunələrimiz yaşadılır.

Milli suvenirlərin kütləvi satış məkanı olan İçəri Şəhər gün boyu turistlərlə, şagird və tələbələrlə dolu olur. Onlar da burada olarkən suvenirlərlə maraqlanır, ciblərini uyğun olanda alır, olmayanda isə yox.

Bir müddət əvvələ qədər burada satılan suvenirlərin qiyməti elə də baha deyildi. Məsələn, orta ölçüdə olan buta formalı suvenirlərin qiyməti 70 qəpik - 1 manat arasında dəyişirdi. Digər suvenirlərdə də analoji vəziyyət idi. Lakin son həftələrdə burada satılan suvenirlərin qiymətində xeyli bahalaşma müşahidə olunur. Bildiyimiz kimi, bu məkanda dükan və köşklərin sayı çoxdur. Amma mağazalarda satılan eyni məhsul olsa da, qiymətləri fərqlidir.

Belə ki, bu gün 1 manata olan suvenirlərin qiyməti 2 manat və ya 2 manat 50 qəpik arasında dəyişir. Bu da məhsulun alıcılıq qabiliyyətinə təsirsiz ötüşmür.

İçəri Şəhərdə olarkən bir neçə mağazaya baş çəkdik. Həm satılan məhsulun keyfiyyəti, həm qiyməti, həm də bazar vəziyyəti ilə maraqlandıq. Mağazaların əksəriyyətində qoyulan məhsullar Azərbaycanda istehsal edilir. Bura çarxlar, geyimlər, araxçınlar, örpəklər, xonçalar, meyvə atributları, ölkəmizlə bağlı keramika lövhəciklər, çıraqlar, küyümlər, bardaqlar və digər məhsullar Azərbaycan ustaları tərəfindən ərsəyə gətirilir. Məsələn, çarxlar Gəncədə, geyimlər ölkəmizin müxtəlif yerlərində, kəlağayı və digər baş örtükləri İsmayıllı, Şəkidə, eləcə də başqa yerlərdə hazırlanır. Milli suvenirlərə gəlincə, onların harada hazırlanması ilə bağlı fikirlər ziddiyyətlidir. Bəzi mağaza sahibləri deyir ki, yerli suvenirlər Çində istehsal olunur, ona görə də qiymətləri qaldırmaq məcburiyyətində qalırlar. Bu üzdən də bahalaşma baş verir. Mağaza sahiblərinin sözlərinə görə, aksesuarlar, suvenirlər onlara ucuz qiymətə başa gəlsə, aşağı qiymətə satmaq daha sərfəli olar. Satıcılar bildirir ki, turistlər daha çox Azərbaycanla bağlı nümunələr almağa maraq göstərir. Mağazalarda kiçik ölçülü xalçalar, kilimlər, xurcunlar, heybələr (torbalar), çoban papaqları, milli musiqi alətlərindən ibarət suvenirlər, təsbeh, gəlinciklər, nərdlər, köz ütüləri, samovarlar, sandıqlar və s. qədim əşyalar satılır.

Burada satılan məhsulların qiyməti ölçüsünə və formasına görə dəyişir. Məsələn, burada satılan əşyaların qiymətin 2 manatdan tutmuş, 2000 manata qədər dəyişir.

Xalqımızın tarixini, məişətini, yaşam mədəniyyətini, adət-ənənəsini özündə ehtiva edən bu sərvət daim qorunmalı və təbliğ olunmalıdır. Onlar xaricə aparılsa da, özündə Azərbaycan adını daşıyır.

Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...