Azərbaycanda hərbi ovçuluq...

Tarix: 13.05.2016 / 02:10
Bölmə: Sosial

Rasim Rzayev: "Hərbi Ovçuluq İttifaqına üzv yazılanların sportinq idman növünə maraq göstərməsi sevindirici haldır"

Insanlar hələ qədim dövrlərdən ovçuluqla məşğul olublar. Hədəfi dəqiq nişan almaq mahir nişançı kimi insanın özünü təsdiq etməsidir. Ovçuluq həm də asudə vaxtını maraqlı keçirməyə, ecazkar təbiətlə ünsiyyət qurmağa xidmət göstərir. Lakin ov etməyin də özünəməxsus qayda-qanunları var. Bəs, ovçuluqla məşğul olmağa həvəs göstərən yüzlərlə insana silahla davranış, ovçuluğun qaydaları və təbiətin qorunması necə öyrədilir?

Ovçuluqla bağlı bizi maraqlandıran suallara cavab tapmaq üçün Hərbi Ovçuluq İttifaqının direktor müavini, Azərbaycan Atıcılıq Federasiyasının vitse-prezidenti Rasim Rzayevlə söhbətləşdik. Müsahibəni oxuculara təqdim edirik.

- Rasim müəllim, Siz Azərbaycan Atıcılıq Federasiyasının vitse-prezidenti olmaqla bərabər, Hərbi Ovçuluq İttifaqının da rəhbərlərindən birisiniz.Yaxşı olar ki, ittifaqın yaranması və fəaliyyət istiqamətləri baradə məlumat verəsiniz.

- Hərbi Ovçuluq İttifaqı Azərbaycan Respublikasının Prezidenti İlham Əliyevin 24 iyul, 2013-cü ildə imzaladığı Sərəncama əsasən Azərbaycan Respublikası Xüsusi Dövlət Mühafizə Xidmətinin tabeliyində yaradılıb. Qurumun əsas vəzifələri ovçuluğun təşkili, ovçuluqla məşğul olan insanların maarifləndirilməsi, flora-faunanın öyrənilməsi, təbiətin qorunması, silahla düzgün davranış və ovçuluq ənələrini təbliğ etməkdən ibarətdir. Hərbi Ovçuluq İttifaqına üzv olanlara ovçuluğun qaydaları öyrədilir ov silah-sürsatlarından təhlükəsiz istifadə olunması , flora- faunamızın qorunması təbliğ edilir. Digər əsas vəzifələrimiz nümunəvi ovçuluq təsərrüfatlarının yaradılması, bu təsərrüfatlarda ovçulara xidməti təşkil etmək, ovçuluq turizmini inkişaf etdirməkdir.

"Üzvlərə ovçuluq evlərində xüsusi endirimlər edilir, beynəlxalq idman-ovçuluq yarışlarında və sərgilərdə iştirak edə bilirlər"

- Quruma üzv yazılanlar hansı hüquqlara malikdirlər?

- İttifaqa üzv yazılanlara ovçuluq bileti də verilir, bu biletlə bütün ovçuluq təsərrüfatlarında ov etmək, ovçuluq evlərinin xidmətlərindən xüsusi endirimlərlə istifadə etmək, beynəlxalq idman-ovçuluq yarışlarında və sərgilərdə iştirak etmək hüququ verilir.

- Yeri gəlmişkən, ovçuluqla məşğul olmaq üçün hansı ərazilərdən istifadə olunur?

- İmişli, Sabirabad, Kürdəmir və Saatlı rayonlarının ərazisində yerləşən "Sarısu" və "Şərbətqobu" gölləri Hərbi Ovçuluq İttifaqının ovçuluq təsərrüfatlarıdır. Bu göllərdə ovçuluğun təşkili bizim qurumun öhdəliyindədir. Digər ovçuluq təsərrüfatlarında ov etmək üçün isə təsərrüfatların mənsub olduğu qurumlardan icazə vərəqi alınmalıdır. Ümumiyyətlə, ovçuluq təsərrüfatlarında ov etmək üçün icazəni Ekologiya və Təbii Sərvətlər Nazirliyi tənzimləyir. Onu da deyim ki, əsas məqsədlərdən biri də brakonyerliklə mübarizədir. Belə ki, həm balıqçılıqda, həm də ovçuluqda brakonyerlik böyük bəladır. Belə ki, elektrik cərəyanı və digər üsullarla balıq tutmaq, quşları, heyvanları ov vaxtından asılı olmayaraq kütləvi şəkildə qırmaq təbiətə ziyan vurmaqdan başqa bir şey deyil. Heyvanların, quşların ovlanma vaxtları var və bu da, əsasən, onların nəsillərinin artırılması və digər təsdiq olunmuş amillərdən asılıdır .

"Nümunəvi ovçu olmağın əsas şərtlərindən biri də silahla ehtiyatlı davranmağı bacarmaqdır"

- Hər bir sahədə olduğu kimi, nümunəvi ovçu olmağın da öz şərtləri var..

- Nümunəvi ovçu olmağın əsas şərtlərindən biri silahla ehtiyatlı davranmağı bacarmaqdır. Silahla düzgün davranmamaq, qaydaları pozmaq ovda bədbəxt hadisələrə gətirib çıxara bilər. Ovçular, əsasən, tanımadıqları insanlarla deyil, ən yaxınları, dostları ilə istirahətə çıxırlar. Təsadüfi ehtiyatsızlıq bütün istirahəti heç edə bilər. Qəzaların baş verməməsi üçün xüsusi kurslar təşkil edilir. Nəzəri və praktiki məşğələlərin tədris proqramı ilə ovçuluğa yeni başlayanlara silahla davranış qaydaları öyrədilir, ov edərkən təbiətə və insanlara darşı məsuliyyətli olmaq tövsiyə olunur.

- Bəs, ovçuluqla məşğul olmaq istəyənlər lazım olan ləvazimatı necə əldə edirlər?

- Ovçuluqda lazım olan ləvazimatı Hərbi Ovçuluq İttifaqının mağazalarından əldə etmək mümkündür. Ovçular, həvəskarlar bu mağazalarda istədikləri ov silahlarını, ovçuluq ləvazımatını əldə edə və ya sifariş verə bilər.

- Hərbi Ovçuluq İttifaqının hazırda nə qədər üzvü var?

- İki ildir yaranmasına baxmayaraq, ittifaqın iki minə yaxın üzvü var. Onu da deyim ki, gənclərin ovçuluğa marağı daha çoxdur. Nişan almaq , hədəfə atəş açmaq atıcılıq idman növü olan sportinqə həvəsi də çoxaldır.Sportinq idmanı ilə məşğul olanlar, ovçuluqdan fərqli olaraq, canlı heyvanlara yox, keramik hədəflərə atəş açırlar.

"Sportinqin

üstünlüklərindən

biri də odur ki, bu idman növü ilə

məşğul olmaq üçün yaş məhdudiyyəti yoxdur"

- Yəqin ki, qurumun fəaliyyəti sportinqin inkişafına da öz töhfəsini verəcək.

- Hərbi Ovçuluq İttifaqına üzv yazılanların həm də sportinq idman növünə maraq göstərməsi sevindirici haldır. Bu, ölkəmizdə sportinqin daha da inkişafına, ovçu idmançıların sayının artmasına xidmət göstərəcək. Bildiyiniz kimi, atıcılıq ölkəmizdə inkişaf edir. Sərrastlıq, dəqiqlik tələb edən atıcılıq yarışlarına maraq getdikcə çoxalır. Azərbaycan Atıcılıq Federasiyası bu istiqamətdə səylə çalışır. Atıcılığın bütün növləri olduqca maraqlıdır. Bu növlər arasında sportinq daha əyləncəli və ən çox müraciət olunan idman növüdür. Sportinq idman növü Olimpiya oyunlarının proqramına daxil olmasa da, bu idmanla məşğul olanların sayı çoxdur. Sportinqin üstünlüklərindən biri də odur ki, bu idman növü ilə məşğul olmaq üçün yaş məhdudiyyəti yoxdur. Hazırda mahir nişançı olmaq istəyənlər idmanın bu növü ilə həvəslə məşğul olurlar. Bu, atıcılığa maraq göstərənlərin sayının artması ilə özünü göstərir. Qeyd edək ki, sportinq ilə Avropada yüz ildən çoxdur məşğul olurlar. Azərbaycan keçmiş MDB ölkələri arasında sportinqin inkişaf etdiyi dördüncü ölkədir.

R.Jalə

P.S. Hərbi Ovçuluq İttifaqı "Xidməti və mülki silah haqqında", "Ovçuluq haqqında" qanunlarla müəyyən edilmiş qaydada ov silahını, atıcılıq sursatını, ovçuluq-balıqçılıq ləvazimatını, idman inventarını və digər ovçuluq əşyalarının alınmasını və satışını, təhkim olunmuş ərazilərdə brakonyerliyin qarşısını almaq üçün tədbirlər həyata keçirir. Bundan başqa, qurum təbii fəlakət və digər səbəblər nəticəsində istifadəsində olan ərazilərdə dağılan və ya məhv olan ovçuluq təsərrüfatlarını bərpa etmək, ovçuluq təsərrüfatlarında vəhşi heyvanların təbii və süni artırılmasını, onların yaşayış mühitinin qorunmasını və yaxşılaşdırılmasına yönəldilən kompleks tədbirləri də həyata keçirmək ixtiyarındadır.

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...