MTRŞ-nin efirlərdəki bəzi səhər proqramlarına irad tutmasına reaksiyalar var

Tarix: 13.05.2016 / 02:27
Bölmə: Sosial

Qulu Məhərrəmli: "Radio verilişlərində cəmiyyəti düşündürən mövzular müzakirə olunmur, maraqlı insanlar dəvət olunmur"

Müşfiq Ələsgərli: "Radio aparıcıları milli maraqlara aid olan mövzulara toxunmalı və bu mövzularda maarifləndirmə işi aparmalıdır"

"Yerli radioların efirində aktual problemlər sırasında xüsusilə səhər proqramlarında canlı yayım zamanı bəzən efir mədəniyyətinə zidd hallara, mövzulara, müzakirələrə yer verilməsi özünü göstərir. Bu aspektdən aparıcıların ümumi dünyagörüşü, xalqımızın tarixi, maddi və mənəvi dəyər və sərvətləri, ölkəmizin coğrafiyası ilə bağlı informasiyasızlığı da qeyd oluna bilər".

Bunu Milli Televiziya və Radio Şurasının (MTRŞ) Ekspertiza, proqramlaşdırma və analitik şöbəsinin müdiri Təvəkkül Dadaşov mediaya açıqlamasında deyib. O bildirib ki, "Televiziya və radio yayımı haqqında" Qanuna əsasən, yayım proqramlarında maarifçilik və mədəniyyət məsələlərinə üstünlük verilməli, proqramların tarazlaşdırılması yolu ilə efirin eyni tipli verilişlərlə yüklənməsinin qarşısı alınmalıdır: "Bu gün dövlət büdcəsindən maliyyələşən radio yayımçılarının proqram səbətində maarifləndirici, informasiya və əyləncə xarakterli efir materiallarının təxmini balansı qorunsa da, özəl radioların efiri üçün bunu söyləmək çətindir".

Şöbə müdiri qeyd edib ki, özəl radiolarda daha çox musiqili, əyləncəli layihələr və adətən hər saatın əvvəlində verilən xəbər buraxılışları üstünlük təşkil edir: "Bununla belə, bəzən özəl radioların efirində də maarifləndirici verilişlərə rast gəlinir".

Məsələ ilə bağlı fikir bildirən tanınmış teleaparıcı Qulu Məhərrəmli qəzetimizə açıqlamasında bildirdi ki, səhər verilişlərinin ümumi mövzusu olur: "Həmin verilişlərdə ölkədə baş verən hadisələr, insanları düşündürən mövzular müzakirə olunur. Bir proqrama MTRŞ tərəfindən bu qədər tələb qoymaq düzgün deyil. Amma burada əsas müzakirə olunan məqam odur ki, proqram maraqlı olmalıdır. Dinləyici bilməlidir ki, onun ölkəsində nə kimi hadisələr baş verir və ölkə başçısı hansı məsələləri həll edir. Bax bu cür mövzulara radio verilişləri toxunmalıdır. Şura istəyir ki, dinləyici gündəmdə olan əsas məsələlərdən məlumatlı olsun. Səhər proqramlarında balansı qorumaq lazımdır. Verilişi ancaq musiqi ilə yola vermək olmaz".

Həmsöhbətimizin sözlərinə görə, vaxtilə Azərbaycanda yaxşı radio verilişləri olub: "Sadəcə olaraq hazırda peşəkarlıq səviyyəsi aşağı düşüb. Ona görə də insanları radio verilişləri maraqlandırmır".

Q.Məhərrəmli hesab edir ki, özəl radio kanallarında verilişlərin mövzusu müzakirə olunmalıdır: "Tək səhər verilişləri deyil, günün istənilən saatında radioda yayımlanan proqramlar da müzakirəyə çıxarılmalıdır. Çünki həmin verilişlərdə də heç də hər şey qaydasında deyil. Radio verilişlərində cəmiyyəti düşündürən mövzular müzakirə olunmur, maraqlı insanlara dəvət olunmur. Belə olmayanda insanlar radioya ancaq musiqi qutusu kimi baxır. Halbuki, dünyanın tanınmış radioları var ki, onları statusundan asılı olmayaraq hər kəs dinləyir. Onlardan, "BBC", "Azadlıq", "Monte Karlo" və eləcə də bizim "Araz" radiosunun kifayət qədər dinləyiciləri var".

Media eksperti Müşfiq Ələsgərli "Bakı-Xəbər"ə açıqlamasında vurğuladı ki, qanunvericiliyə əsasən, televiziya və radio qurumları efirin bəlli bir saatını maarifləndirmə proqramına həsr etməlidir: "Bu, radio kanallarının hüquqi məsuliyyətidir. Bundan əlavə, hüquqi məsuliyyətlə yanaşı, radiolar mənəvi məsuliyyət də daşımalıdır. Nəzərə almaq lazımdır ki, Azərbaycanda fəaliyyət göstərən radio və televiziya kanalları müəyyən məsələlərlə bağlı maarifləndirmə işləri aparmalıdır".

Həmsöhbətimizin sözlərinə görə, radio kanallarında yayımlanan şou verilişləri ciddi şəkildə narahatlıq doğurur: "Onu da deyim ki, Prezident Administrasiyasının rəhbəri Ramiz Mehdiyev bir neçə dəfə məlum məsələyə toxunub. O bu mövzu ilə bağlı məqalələr hazırlayıb və tövsiyələrlə çıxış edib".

M.Ələsgərli qeyd etdi ki, radio və televiziya aparıcıları milli-mənəvi dəyərlərə önəm verməlidir. Onlar milli maraqlara aid olan mövzulara toxunmalı və bu mövzularda maarifləndirmə işi aparmalıdır.

Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...