Deputat Amaşov Bakı apteklərindən dərman alan gürcüstanlıların ciddi bir problemini qaldırdı

Tarix: 13.05.2016 / 02:36
Bölmə: Sosial

Adil Qeybulla: "Müxtəlif adda dərmanlar var ki, onlar ancaq həkim resepti ilə satılmalıdır, amma bizdə təyinatsız satılır"

"Bu isə birmənalı olaraq yolverilməzdir"

Bu günlərdə Milli Məclisdə Azərbaycandan Gürcüstana səfər edən vətəndaşların üzləşdiyi problemlər müzakirə olunub. Millət vəkili Əflatun Amaşov Azərbaycanda qanuni satışda olan dərmanların Gürcüstanda qadağan olunmasından danışıb.

Bu halın Azərbaycandan Gürcüstana gedənlər üçün problemlər yaratdığını vurğulayan millət vəkili bu barədə Gürcüstan əsilli Azərbaycan vətəndaşları ilə söhbət apardığını deyib. Onun fikrincə, sözügedən vəziyyət Azərbaycandan Gürcüstana gedənlər üçün problemlər yaradır: "Bu barədə Gürcüstan əsilli Azərbaycan vətəndaşları ilə söhbətim olub. Məsələ müəyyən dərman preparatları ilə bağlıdır. Belə olur ki, vətəndaşın istifadə etdiyi bir dərman Azərbaycanda apteklərdə təyinatsız satılır. Yəni hər kəs onu rahat əldə edə bilir. Məsələn, piralgin. Mən maraqlandım, bu dərmanın ölkəmizdə təyinatsız satışına icazə verilir. Kəskin baş ağrılarından əziyyət çəkən insanlar tərəfindən qəbul edilir. Həmin adamlar özü üçün istifadə etdiyi piralgini çantasına qoyub Gürcüstana gedir. Gürcüstanda isə həmin dərman az qala narkotik və psixotrop maddə kimi qəbul edilir".

Millət vəkili onu da qeyd edib ki, buna görə vətəndaşlar saatlarla Gürcüstanın polis idarələrində qalır, külli miqdarda cərimə olunur: "Hətta bəzən həbs təhlükəsi də yaranır. Mən araşdırdım, burada söhbət heç də bir dərman növündən getmir. Müxtəlif adda dərmanlar var ki, Gürcüstanda istifadəsi qadağandır. Düşünürəm ki, bu problemə də çox ciddi yanaşmaq lazımdır. Azərbaycan və Gürcüstan hökuməti arasında bununla əlaqədar danışıqlar getməli, müəyyən razılaşmalar əldə edilməlidir".

Maraqlıdır, bəs ekspertlər yaranan bu problemin həllini necə görür? Bunun üçün nə etmək lazımdır?

Məsələyə münasibət bildirən tibb elmləri doktoru Adil Qeybullanın fikrincə, problemin həlli həmin dərmanları reseptlə satmaqdan keçir: "Dərman təhlükəsizliyi kifayət qədər ciddi məsələdir. Hesab edirəm ki, bu, birbaşa genefondumuzla bağlı olduğu üçün kifayət qədər diqqətli olmalıyıq. Gürcüstan tərəfinin üzərində piralgin aşkarlanan şəxsi saxlamasını da son dərəcə ciddiyə almalıyıq. Bu o qədər də adi bir məsələ deyil. Dünyanın hər yerində belə faktlara xüsusi diqqət ayrılır. Demək olar ki, əksər ölkələrdə dərman vasitələri ancaq həkim reseptləri ilə satılır. Ağrıkəsicilər və parasitamoldan başqa. Avropa ölkələrində bu dərmanlar hətta marketlərdə satılır. Aptek şəbəkəsinə daxil olan dərmanlar isə ancaq həkim resepti ilə satışa buraxılır. Biz də eyni sistemə keçməliyik. Təkcə piralgin deyil problem yaradan. Müxtəlif adda dərmanlar var ki, onlar ancaq həkim resepti ilə satılmalıdır, amma bizdə təyinatsız satılır. Əgər həmin soydaşımız saxlanan vaxt Gürcüstan polisinə Səhiyyə Nazirliyi tərəfindən təsdiq edilmiş həkim resepti təqdim etsəydi, heç bir problem yaşamazdı. Onu da deyim ki, sözügedən dərmanı qeyri-leqal olaraq qonşu ölkəyə keçirmək fonunda bu cür ciddi müqavimətlə qarşılanması da təbiidir.

Bu cür problemlərlə üzləşməmək üçün dərman bazarını vaxt itirmədən qaydaya salmalıyıq. Həkim resepti olmadan konkret kateqoriyalı dərmanların satışı qadağan olunsa, məqsədəuyğun olar. Bizdə vəziyyət elədir ki, istənilən şəxs istənilən dərmanı təyinatsız ala bilir. Bu isə birmənalı olaraq yolverilməzdir".

Vidadi ORDAHALLI

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...