Üç yaşadək uşaq böyüdən valideynlərə qısa iş günü...

Tarix: 12.05.2016 / 01:54
Bölmə: Sosial

İlqar Hüseynli: "Güzəştin olmaması səbəbindən əksər işləyən analar öz iş, peşə fəaliyyətindən uzaqlaşmalı olurdu"

"O baxımdan bu təklif çox yerində olan bir addımdır"

Azərbaycanda qısaldılmış iş vaxtının 3 yaşınadək uşaqlarını təkbaşına böyüdən valideynlərə də şamil edilməsi təklif edilir. Bununla bağlı Milli Məclisdən mətbuata verilən məlumata görə, sözügedən məsələ ilə əlaqədar Əmək Məcəlləsinə yeni dəyişikliyin edilməsi nəzərdə tutulur.

Məcəllənin hazırkı variantına əsasən, qısaldılmış iş vaxtının müddəti həftə ərzində 16 yaşınadək işçilər üçün 24 saatdan, 16 yaşdan 18 yaşadək işçilər və 1-ci, 2-ci qrup əlil olan işçilər üçün, həmçinin hamilə və yaşyarımadək uşağı olan qadınlar üçün 36 saatdan artıq olmamalıdır.

Məcəlləyə dəyişikliyin edilməsini nəzərdə tutan yeni layihəyə əsasən isə qısaldılmış iş vaxtı yuxarıda adı sadalanan kateqoriyadan olan insanlarla yanaşı, 3 yaşınadək uşağını təkbaşına böyüdən valideynlərə də şamil olunacaq. Layihədə qeyd edilir ki, belə valideynlər üçün qısaldılmış iş vaxtının müddəti həftə ərzində 36 saatdan artıq olmamalıdır.

Qeyd edək ki, Məcəlləyə yeni dəyişiklikləri nəzərdə tutan layihə Milli Məclisin mayın 17-də keçiriləcək plenar iclasında müzakirəyə çıxarılacaq.

Həqiqətən də azyaşlı uşaq böyüdən analara bu kimi güzəştlərin edilməsi və bunun qanunla tənzimlənməsi çox vacibdir. Çünki bu kimi güzəştlərin olmaması müəyyən çətinliklərin yaranmasına səbəb olur. Bu səbəbdən ya həmin valideyn işi ilə vidalaşır, yəni məcburiyyət üzündən işdən çıxır, ya da buna görə uşağa dayə tutmalı olur. Ancaq dayə tutmağa heç də hamının imkanı olmur. O baxımdan qısaldılmış iş vaxtının 3 yaşınadək uşaqlarını təkbaşına böyüdən valldeynlərə də şamil edilməsi təklifini ekspertlər necə dəyərləndirir?

Sözügedən məsələ ilə bağlı fikirlərini "Bakı-Xəbər"lə bölüşən ekspert İlqar Hüseynli buna müsbət prizmadan yanaşdı: "Məsələ ondadır ki, güzəştin olmaması səbəbindən əksər işləyən analar öz iş, peşə fəaliyyətindən uzaqlaşmalı olurdu. Bəzi xüsusi peşələr var ki, o vərdişlərdən, peşə fəaliyyətindən uzaqlaşdıqca, bu, biliklərin, praktiki vərdişlərin azalmasına gətirib çıxarır. Analar bunu əsasən də yeni doğulmuş uşaqları naminə edir. Nəticə etibarilə onlar yenidən iş yerinə qayıdanda müəyyən problemlərlə üzləşir. Eyni zamanda, hər bir ananın yeni doğulmuş uşağı tərbiyə etmək, onun yanında olmaq, qayğısına qalmaq haqqı var. Düşünürəm ki, bunu da nəzərə almaq lazımdır. O baxımdan qısaldılmış iş vaxtının 3 yaşınadək uşaqlarını təkbaşına böyüdən valideynlərə də şamil edilməsi təklifinin parlament səviyyəsində qaldırılması düzgün yanaşmadır. Bu təklif çox yerində olan bir addımdır. Həmçinin, məntiqəuyğun bir addım hesab olunmalıdır".

Vidadi ORDAHALLI

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...