Cinayət törədən qadınların say artımı nə ilə bağlıdır?

Tarix: 06.05.2016 / 00:39
Bölmə: Sosial

Könül Vaqifqızı: "Qadınların cinayət törətməsinin kökündə mühit dayanır"

"İlk növbədə qadının sosial müdafiəsini təmin etmək lazımdır"

"Sevgi-xəyanət-cinayət" üçbucağı, yaxud qadını barmaqlıqlar arxasına nə aparır? Son zamanlar xüsusən ailədaxili zorakılığın artması fonunda qadınların bu cinayətlərdə iştirak hallarının çoxalması narahatlıq doğurur. Qadınlar əsasən zorakılıq qurbanı olsa da, bəzi hallarda özləri zorakılıq tətbiq edir və bu zorakılıq hətta ən amansız kişi qatillərin cinayət əməlini kölgədə qoyur.

Açıqlanan statistik rəqəmlərə əsasən, Azərbaycanda cinayət törədən qadınların sayında artım var. Bu barədə bir neçə gün öncə jurnalistlərə açıqlamasında Ədliyyə Nazirliyinin Penitensiar Xidmətinin rəisi vəzifəsini icra edən, ədliyyə general-mayoru Hüseyn Əlixanov deyib. O qeyd edib ki, qadın məhkumların sayında ötən illərdə azalma halları olsa da, son bir ildə onların sayında artım var: "Son bir ildə qadınların cinayət törətmə halları artmaqdadır. Həmin qadınlar əsasən dələduzluq və insan alveri ilə bağlı cinayət hadisələri törədib".

Cinayətkar qadınların sayı nə səbəbdən artır? Mövzu ilə bağlı mütəxəssisə müraciət etdik.

Psixoloq Könül Vaqifqızı bizimlə söhbətində bildirdi ki, qatil qadınların sayının artması səbəbləri müxtəlif ola bilər: "Ümumilikdə götürsək, "qatil" və "Azərbaycan qadını" bir-birinə zidd sözlərdir. Etiraf etmək lazımdır ki, bu gün qəddarlıqla cinayət törədən qadınların sayı o qədər çox deyil. Qadınların cinayət törətməsinin kökündə mühit dayanır. Daha sonra təhsil səviyyəsi dayanır. Tərbiyə və mədəniyyət üçüncü sırada yer alır. Bu sıralamada iqtisadi vəziyyət də dayanır".

Həmsöhbətimiz onu da əlavə etdi ki, insanların uşaqlıqda aldığı hər hansı bir travma onu cinayətə sövq edir: "O travmalar sırasında psixoloji, fiziki, mənəvi, cinsi problemləri qeyd etmək olar".

K.Vaqifqızı bildirdi ki, qadınlar tərəfindən törədilən cinayətlərin bir qisminin kökündə heç də şiddət və yaxud təcavüz dayanmır: "Unutmaq lazım deyil ki, sevgi həm də ideoloji amildir, yəni beyinyuma amilidir. Qarşı tərəf qadını psixoloji asılı duruma salır və idarə edir. Qadın elə hesab edir ki, onun bütün bədbəxtliklərinin başlıca səbəbi əridir və yeni görüşdüyü şəxs onu xoşbəxt edəcək varlıqdır. Ancaq qadın aldanıldığını qətli törətdikdən sonra anlayır. Bax əsl faciə bunda başlayır".

Həmsöhbətimizin sözlərinə görə, xəyanətlə müşayiət olunan qətllərin əsas səbəbi xəyanət sindromundan xilas olmaq cəhdidir: "Qətli törədən şəxs xəyanətin ictimai müzakirəsinin qarşısını almağın ən asan yolunu bunda görür. Bunda isə bəzi mental dəyərlər, adət-ənənələr mühüm rol oynayır. Bəzən qadın illər boyu heç bir uyum olmayan əri ilə bir yerdə yaşamalı olur, amma bu, sevgisiz, sadəcə bioloji tələbatın ödənilməsi olur. Qarşısına çıxan fərqli birinə vurulmaq an məsələsidir, bunun ardınca xəyanət, daha sonra isə cinayət gələ bilər. Qadın düşünür ki, onun həmin evdən ancaq meyiti çıxa bilər, onun dayağı yoxdur, cəmiyyət onu qəbul etməyəcək, ailəsi rədd edəcək, uşaqları imtina edəcək, amma bir tərəfdən də öz həyatını yaşamaq istəyir. Bu hisslər qarşılaşır, güclü olanlar hisslərinin öhdəsindən gəlir, məntiqli qərar verir, ayaqları üzərində dayanmağa çalışır. Zəif olanlar isə bütün bu qorxunun təsiri altında cinayətə əl atır.

Bunun kökündə isə qadının iqtisadi asılılığı dayanır. İqtisadi cəhətdən asılı olmayan qadın sevmədiyini anladığı zaman daha rahat şəkildə bunu bəyan edə bilər. İqtisadi asılı olan qadın isə köhnə həyatı ilə vidalaşmağı arzulasa da, bunu hansı vasitə ilə edəcəyini bilmir, qorxur və bir çox qadın cinayətləri elə qorxudan baş verir. Buna görə də qatil qadınların sayının artmasını gözləmədən ilk növbədə qadının sosial müdafiəsini təmin etmək lazımdır".

Günel CƏLİLOVA

DİGƏR XƏBƏRLƏR

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

Tarix: 29.09.2026 / 20:25

Daxili işlər naziri Şəkidə vətəndaş qəbulu və sıra baxışı keçirəcək

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...