"Azərlotereya" "5/36" və "6/40" lotereyalarını yeni keyfiyyətdə - ani lotereya kimi istehlakçıların ixtiyarına verdi

Tarix: 05.05.2016 / 00:44
Bölmə: Sosial

Çoxsaylı lotereya həvəskarlarının müxtəlif zövq və tələbatlarını nəzərə alan "Azərlotereya" bir-birindən maraqlı və yeni lotereyaları istehlakçıların ixtiyarına verməkdə davam edir.

Son illər dünya lotereya bazarında ani lotereyaların xüsusi çəkisinin sürətli artım tendensiyası Azərbaycan lotereya bazarından da yan keçməyib. Ani lotereyaların günbəgün populyarlaşması da, heç şübhəsiz, bu tendensiyanın davamıdır.

Ölkənin lotereya bazarının populyar lotereyaları isə iştirakçılar arasında xeyli vaxtdır "intellektual" adlandırılan "5/36" və "6/40" lotereyalarıdır. Son illərdə istər uduşların sayı baxımından, istərsə də uduş məbləğlərinin həcminin böyüklüyü baxımından bu lotereyaların bazarın şəksiz lideri hesab olunmasına heç bir etiraz olmayıb. Dəyəri yüz min manatlarla ölçülən, o cümlədən 409 min 295 manat və 439 min 135 manat kimi rekord uduşlar da məhz bu lotereyaların uduş tirajlarında qeydə alınıb.

Digər tərəfdən, "5/36" və "6/40" lotereyalarının unikallığı həm də ondadır ki, bu lotereyalarda iştirak etmək üçün istehlakçıların geniş və hərtərəfli seçim azadlığı var. Arzu edənlər lotereya biletlərini təkcə müxtəlif satış məntəqələrindən yox, həm də www.azerlotereya.com saytı vasitəsilə və ən nəhayət, müxtəlif yerlərdə quraşdırılmış çoxsaylı "Milliön" terminallarından da asanlıqla, istənilən vaxt əldə edə bilər. İntellekt və intuisiyasına güvənən lotereya həvəskarları ehtimal nəzəriyyəsinə, bildikləri müxtəlif düsturlara güvənərək, çox müxtəlif rəqəm kombinasiyalarına baş vurmaqla, özləri öz udmaq şanslarını daha ciddi və təmkinli müəyyənləşdirməyə üstünlük verir.

Bu günlərdə "Azərlotereya" ASC həm "5/36" və "6/40" lotereyalarının, həm də ani lotereyaların istehlakçılar arasında olan geniş populyarlığını nəzərə alaraq "5/36" və "6/40" lotereyalarını yeni keyfiyyətdə - ani lotereya şəklində istehlakçıların ixtiyarına verib. İndi lotereya biletlərini aldıqdan sonra bu lotereyaların keçiriləcəyi tirajları gözləməyə ehtiyac yoxdur. Lotereyanı alırsınız, pozursunuz və anındaca udursunuz. Lakin qeyd etmək lazımdır ki, burada uduş prosesi "al, poz və ud" kimi klassik ani lotereya formatına sığmır və özü-özlüyündə xoş bir əyləncədir.

Aldığınız "5/36" ani lotereya biletinin üzərindəki "Oynanılan rəqəmlər" zonasındakı 4 üfüqi sıranın hər birində 1-dən 36-dək beş ədəd üstüörtülü rəqəm qeyd edilib. "Uduşlu rəqəmlər" zonasında da beş ədəd üstüörtülü rəqəmin qeyd olunduğu görünür. Lotereya biletinizin üzərindəki bu iki zonanın qoruyucu səthlərini pozursunuz, biletinizin "Uduşlu rəqəmlər" zonasında olan rəqəmlər "Oynanılan rəqəmlər" zonasındakı istənilən üfüqi sıranın beş, dörd və üç rəqəmi ilə üst-üstə düşərsə, deməli, bəxtiniz gətirib: biletiniz uduşludur.

Uduşlar belə bir qayda ilə təqdim olunur: biletinizin bir üfüqi sətrində üç rəqəm uyğunluğu sizə 1 (bir) manat, dörd rəqəm uyğunluğu 5 (beş) manat qazandırır. Rəqəmlər biletinizin bir neçə üfüqi sətri üzrə uyğun gələrsə, uduşlar cəmlənir. Biletinizin "Uduşlu rəqəmlər" zonasındakı beş rəqəm "Oynanılan rəqəmlər" zonasındakı üfüqi sətirlərdən hər hansı birindəki beş rəqəmlə uyğun gələrsə, onda "Cek Pot" yazılmış sahənin qoruyucu səthini pozun və udduğunuz məbləği bilin. Siz anındaca "Cek Pot" olaraq 50 (əlli) manat, 100 (yüz) manat, 1.000 (min) manat, 2.000 (iki min) manat, 5.000 (beş min) manat və nəhayət, 10.000 (on min) manata sahib ola bilərsiniz.

Digər "6/40" lotereyası da eyni prinsiplə oynayır. Sadəcə, burada biletin üzərindəki "Oynanılan rəqəmlər" zonasında üç üfüqi sıranın hər birində və "Uduşlu rəqəmlər" zonasında, 1-dən 40-dək, altı ədəd üstüörtülü rəqəm qeyd olunub. Bu zonaların qoruyucu səthini pozduqda "Uduşlu rəqəmlər" zonasındakı rəqəmlərin altısı, beşi, dördü və hətta üçü "Oynanılan rəqəmlər" zonasındakı istənilən üfüqi sıranın altı, beş, dörd və üç rəqəmi ilə üst-üstə düşərsə, bilet uduşlu sayılır. Burada bir sətirdə üç rəqəm uyğunluğu bilet sahibinə 1 (bir) manat, bir sətirdə dörd rəqəm uyğunluğu 3 (üç) manat, bir sətirdə beş rəqəm uyğunluğu isə 10 (on) manat qazandırır. Rəqəmlər biletinizin bir neçə üfüqi sətri üzrə uyğun gələrsə, uduşlar cəmlənir. Biletinizin "Uduşlu rəqəmlər" zonasındakı altı rəqəm "Oynanılan rəqəmlər" zonasındakı üfüqi sətirlərdən hər hansı birindəki altı rəqəmlə uyğun gələrsə, onda "Cek Pot" yazılmış sahənin qoruyucu səthini pozmaqla uduşunuzun məbləğini görə bilərsiniz. Bu lotereyada da siz "Cek Pot" olaraq 50 (əlli) manat, 100 (yüz) manat, 1.000 (min) manat, 2.000 (iki min) manat, 5.000 (beş min) manat və nəhayət, 10.000 (on min) manata sahib ola bilərsiniz.

İstehlakçıların ixtiyarına yeni verilən bu ani lotereyalarda da lotereya biletinin üz tərəfindəki "Pozmaq olmaz" sahəsinə toxunmaq qadağan edilir. Bu sahənin qoruyucu səthi pozulan lotereya bileti etibarsız sayılır və həmin biletə uduş ödənilmir. Beləliklə, hazırda lotereya bazarında ani lotereyalarda oynanılan yüz minlərlə uduşa "5/36" və "6/40" ani lotereyalarından daha 307 min 736 ədəd uduş da əlavə olundu. Xeyirli olsun, alın, pozun və udun!

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...