Əmlaka qəsdlə ziyan vuranların cəriməsi artırılır

Tarix: 05.05.2016 / 00:33
Bölmə: Sosial

Vamiq Şükürov: "Əmlakı qəsdən məhvetmə, ona zərərvurma əslində xuliqanlığın xüsusi bir növüdür"

"Hesab edirəm ki, sözügedən dəyişikliklər qəbul edilsə, bu sahədə vəziyyət düzələcək"

Azərbaycanda əmlakı qəsdən məhvetmə və zədələməyə görə cərimələr ən azı 4 dəfə artırıla bilər. Belə ki, Milli Məclisdən verilən məlumata görə, bununla bağlı Cinayət Məcəlləsinin 186.1-ci maddəsinə müvafiq dəyişiklik edilməsi təklif olunur.

Belə ki, zərərçəkmiş şəxsə xeyli miqdarda ziyan vurmaqla törədilməklə özgənin əmlakını qəsdən məhv edən və ya zədələyən şəxsin 1000 manatdan 2000 manata qədər cərimə və ya iki ilədək müddətə azadlıqdan məhrum etmə ilə cəzalandırılması təklif edilir. Hazırda həmin maddə ilə təqsirləndirilən şəxs 100 manatdan 500 manatadək miqdarda cərimə və ya iki ilədək müddətə azadlıqdan məhrum etmə ilə cəzalandırılır.

Dəyişiklik Milli Məclisin mayın 6-da keçiriləcək plenar iclasına tövsiyə olunub.

Azərbaycanda aldatma və ya etibardan sui-istifadə etmə yolu ilə əmlaka ziyan vuranlar cərimələnəcək və ya həbs olunacaq.

Digər tərəfdən, İnzibati Xətalar Məcəlləsinə yeni əlavənin edilməsini nəzərdə tutan layihəyə əsasən, aldatma və ya etibardan sui-istifadə etmə yolu ilə mülkiyyətçinin və ya sair sahibin əmlakına talama əlamətləri olmadan az miqdarda ziyan vurmağa görə 500 manatdan 1000 manatadək cərimə tətbiq ediləcək və ya işin hallarına görə, xətanı törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda isə iki ayadək müddətə inzibati həbsin tətbiq olunması təklif edilir.

Qeyd edək ki, burada "az miqdarda" dedikdə 3000 manatdan yuxarı olmayan məbləğ başa düşülür.

Bütün hallarda, əmlakı qəsdən məhvetmə və zədələməyə görə cərimələrin ən azı 4 dəfə artırılması və ya iki ilədək müddətə azadlıqdan məhrum etmə ilə cəzalandırılması təklifini hüquqşünaslar necə dəyərləndirir?

Məsələyə münasibət bildirən hüquqşünas Vamiq Şükürovun sözlərinə görə, bununla bağlı cərimələrin artırılmasına ciddi zərurət var.

O bunu bir sıra faktorlarla əsaslandırdı: "Çünki əmlakı qəsdən məhvetmə, ona zərərvurma əslində xuliqanlığın xüsusi bir növüdür. Bir insan başqa bir şəxsə məxsus əmlakı məhv edirsə, bu qəbuledilməzdir. Çünki Konstitusiyaya görə, həmin əmlak toxunulmazdır. Deməyim odur ki, insan digərinə məxsus əmlaka şüurlu şəkildə toxunursa, onu zədələyirsə, yandırırsa, sökürsə, bu artıq açıq-aşkar cinayətkar bir hərəkətdir. Bu, cəmiyyətin iqtisadi əsasını təşkil edən mülkiyyət hüququ üçün çox təhlükəli bir haldır. Ona görə də buna görə cərimələrin artırılmasına ciddi zərurət vardı. Çünki bizdə vətəndaşlar biri digərinin əmlakını çox rahat şəkildə sıradan çıxara bilir. Ancaq hesab edirəm ki, sözügedən dəyişikliklər qəbul edilsə, bu sahədə vəziyyət düzələcək. Yəni cərimələrin çoxaldılması bu problemin aradan qaldırılmasına yardımçı olacaq. İnsanlar görəndə ki, belə hallara görə yüksək cərimələr var, istər-istəməz, bundan çəkinəcək. Bu da ümumən cəmiyyətdə sözügedən neqativ halların azalmasına gətirib çıxaracaq".

Vidadi ORDAHALLI

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...