Uşaqların dini təmayülçülüyə yönləndirilməsində valideynlərin də səhvləri qeydə alınır

Tarix: 28.04.2016 / 00:29
Bölmə: Sosial

Seyid Camal Əzimbəyli: "Gələcəyimiz sayılan uşaqların əməlisaleh olması üçün hər kəs əlindən gələni etməlidir"

Kəmalə Ağazadə: "Bəzi valideynlərin özü bilərəkdən övladlarını dini təsirə məruz qoyur"

"Biz valideynlər tərəfindən uşaqlara dini baxımdan çox təsirin edilməsi halları ilə rastlaşırıq". Bunu Ailə, Qadın və Uşaq Problemləri üzrə Dövlət Komitəsinin Regional mərkəzlərlə iş şöbəsinin müdiri Ceyran Rəhmətullayeva media nümayəndələrinə açıqlamasında deyib.

Onun sözlərinə görə, evli olduqları zaman dini baxışları uyğun gəlməyən ata-ana boşandıqdan sonra özlərinin dini təsəvvürlərini uşaqların şüuruna yeritməyə daha çox çalışır. Bu halların onları çox narahat etdiyini deyən C.Rəhmətullayeva bildirib ki, daxil olan müraciətlərdən də belə halların daha çox dini baxışları fərqlənən və bunlar uyğun gəlmədiyi üçün boşanan ata və ya analar tərəfindən baş verdiyi məlum olub.

C.Rəhmətullayeva qeyd edib ki, boşanan ata və ya ana özünün dini fikirlərini uşaqlarının şüuruna əsasən onlar üçün təyin edilən görüşlər zamanı təlqin etməyə çalışır: "Görüşlər zamanı dini baxışları fərqli olan, qeyri-ənənəvi dini icmalara qoşulanlar uşaqlarına həmin fikirləri yeritməyə çalışır. Bununla bağlı böyük problemlər yaşayırıq. Çünki ata ilə uşağı ayırmaq düzgün deyil. Ata boşansa da, onun uşağı ilə görüşmək hüququ var. Qanun imkan vermir ki, həmin uşağa ata ilə görüşməyə icazə verməyəsən. Bu baxımdan biz dilemma qarşısında qalırıq".

C.Rəhmətullayeva qeyd edib ki, uşaqların qeyri-ənənəvi dini təsirlərə məruz qalması ilə bağlı mərkəzlərə konkret müraciət daxil olmur: "Lakin biz onları özümüz aşkarlayırıq. Ata bizə açıq şəkildə demir ki, mən uşağa belə fikirlər deyirəm. Amma araşdırma aparanda görürük ki, belə hallar var. Məsələn, ata bizə müraciət edərək deyir ki, uşağım mənimlə görüşmür. Araşdırma aparmaq üçün biz ailəyə səfər edirik, uşaqla birgə atanın yanına gedirik. Uşaq deyir ki, atamla görüşmək istəmirəm, onun əməllərindən, görkəmindən (dini sektalara məxsus olan görkəm) utanıram. Belə halları həm Bakıda, həm də rayonlarda müşahidə etmişik. Ümumilikdə kütləvi dərəcədə belə hallar olmasa da, bu problemlər mövcuddur və bu bizi narahat edir".

Məsələ ilə bağlı fikir bildirən ilahiyyatçı Seyid Camal Əzimbəyli bizimlə söhbətində qeyd etdi ki, bəzi bölgələrdə radikal düşüncələrə malik insanlar uşaqlarının Azərbaycan məktəblərində təhsil almasına imkan vermir. Amma bu hal kütləvi deyil: "Nəzərə almaq lazımdır ki, Dini Qurumlarla İş üzrə Dövlət Komitəsi azyaşlıların dini təhsili ilə bağlı maarifləndirmə işi aparır. Gələcəyimiz sayılan uşaqların əməlisaleh olması üçün hər kəs əlindən gələni etməlidir".

Uşaq sahəsi üzrə ekspert Kəmalə Ağazadə bizimlə söhbətində bildirdi ki, uşaqlar hansı ailədə böyüyürsə, ilk öncə oranın tərbiyəsini alır: "Ailələrin rolu böyükdür. Uşaqların başına gələn hər bir hadisə valideyn məsuliyyətsizliyindən irəli gəlir. Ancaq valideyn bunu dərk etmək istəmir. Çünki onun öz maraqları var. Bəzi valideynlər düşünür ki, uşaq onun alətidir, necə istəyir, o cür də formalaşdırır. Bəzi valideynlərin özü bilərəkdən övladlarını dini təsirə məruz qoyur".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...