...Vətən eşqim, məhəbbətim qocalmaz

Tarix: 23.04.2016 / 00:19
Bölmə: Sosial

Yüzdə görüşənədək...

Mirzəyevlər ailəsi ilə tanışlığımın tarixi otuz ilə yaxın olar. Sovet imperiyasının fitvası ilə ermənilər soydaşlarımızı əsrlərlə yaşadığı ata-baba yurdlarından çıxarırdı. Azərbaycan xalqı imperiyanın siyasətinə qarşı mübarizəyə qalxmışdı. Xalq hərəkatı başlamışdı. Hərəkat zamanı cəsarətli, məntiqli çıxışları ilə rəğbət qazanan Valeh bəy adlı cavan oğlanla tanışlığım məni Mirzəyevlər ailəsinə sıx bağladı.

Atası-Polad elinin ağsaqqalı Məhəmməd müəllim, doqquz övladın anası Sultan xanım (indi onlar Allah dərgahındadır), yağıdan bac almaq atəşi ilə yanan qardaşları məndə doğmalıq və gələcəyə inam hissi yaradırdı. Demə, aşıqların el məclislərində Poladlı Məhəmməd ləqəbi ilə yazan şairdən oxuduqları mübariz ruhlu şeirlərin müəllifi elə Məhəmməd müəllim imiş. (El-oba ona "Mirzəyev müəllim" - deyə müraciət edirdi). Sonralar Məhəmməd müəllimlə görüşlərimiz çox oldu. Onun yaradıcılığı ilə bağlı televiziyada, radioda verilişlər hazırladım. Övladları kitabını çap etdirdilər. Mirzəyevlər ailəsi ilə bu günə qədər xeyrimiz, şərimiz ayrı olmaz, ailəvi gediş-gəlişimiz var...

İndi dediklərim bundan sonra deyəcəklərimə bir giriş idi. Məqsədim sözümü bu günlərdə 70 yaşını qeyd edəcəyimiz, Mirzəyevlər ailəsinin ilk övladı Sabir həkimin üstünə gətirməkdir. Onu tanıyanlar haqqında belə deyirlər: "Etdiyi yaxşılıqdan feyz alan-bizim Sabir həkim".

Dəyər ki, sizi də Sabir həkimlə tanış edim.

Mirzəyev Sabir - 1946-cı il aprel ayının 23-də Dilican dərəsinin Polad kəndində el ağsaqqalı, maarifpərvər şair "Mirzəyev müəllim"in ailəsində göz açıb. 1962-ci ildə Polad kənd orta məktəbini fərqlənmə attestatı ilə bitirib. Elə həmin il N.Nərimanov adına Azərbaycan Tibb İnstitutunun stomatologiya fakültəsinə daxil olub. İnstitutu bitirdikdən sonra, 1967-69-cu illərdə Şamaxı rayonunun Göylər kəndində stomatoloq, sonra isə baş həkim kimi çalışıb. 1972-ci ildə Azərbaycan Tibb İnstitutunda "Ortopedik stomatologiya" kafedrasında klinik ordinator, sonra da assistent kimi çalışıb. 1975-ci ildən bu günədək Azərbaycan Tibb Universitetinin stomatoloji klinikasında həkim-ortoped işləyir. Müxtəlif illərdə "Müstəqil Azərbaycan" və "Odlar Yurdu" universitetlərində ixtisası üzrə dərs deyib.

Sabir həkim özündən sonra Bakıya oxumağa gələn Polad elinin cavanlarına, bacı və qardaşlarına dayaq olub, onların vətənpərvər ziyalı kimi yetişməsi üçün çalışıb. Ömür-gün yoldaşı Səlimə müəllimə ilə birgə övladlarını da layiqli vətəndaş kimi tərbiyə edib. Qızları Nərgizlə İradə atalarının yolu ilə gedərək həkimlik sənətini seçiblər. Nərgiz xanım Azərbaycan Tibb Universitetinin dosentidir. İradə isə məşhur kardioloq kimi ad-san qazanıb. Oğlu Fərhada gəldikdə, hüquq elmləri doktorudur. Notingem Universitetinin magistraturasını bitirib, Londonun Lester Universitetində doktorluq dissertasiyası müdafiə edib. Fərhad Mirzəyev İngiltərədə beynəlxalq hüquq üzrə doktorluq dərəcəsi alan ilk azərbaycanlıdır. Hazırda Avropada nüfuz qazanmış beynəlxalq hüquq firmasına rəhbərlik edir.

Sabir həkimin yaxşı təbi olsa da, özünü şairlər sırasında görməkdən çəkinir. Öz təbiri ilə desək, yeri gələndə uydurur. Klassik şairlərin, atası Poladlı Məhəmmədin şeirlərinin əksəriyyətini əzbərdən bilir. Bu günlərdə riyaziyyat elmləri namizədi Valeh müəllimlə görüşəndə, necə oldusa, söz yenə də Sabir həkimdən düşdü. Demə, həmişəcavan Sabir həkim 70 yaşını haqlayırmış. Təbii ki, həkimlə görüşüb hal-əhval tutmağı özümə borc bildim. Odur ki...

-Sabir həkim, nə var, nə yox... Hara belə tələsirsən?

Sabir həkim həmişəki cavanlıq şuxluğu ilə:

- Elə mən də siz deyəni illərdən soruşuram:

Köhlənini çapıb belə Ömür, hara tələsirsən?

Zəhmətimi verib yelə

Ömür, hara tələsirsən?

- Cavabında ömür nə dedi?

- Çox söz dedi. Yadımda qalan budur ki, insan yetkin doğulmur. İllər onu mükəmməlləşdirir, yetkinliyin yüksək zirvəsinə doğru aparır. Bu tez-gec özünü ağlın itiliyində, arzuların təmizliyində büruzə verir. Belə adamlarla hamı ünsiyyət bağlamağa can atır. Amma... Bəlkə, deyəcəyim məsələ 70 yaşla bağlıdır. Son zamanlar keçmiş tariximizlə maraqlanıram. Tez-tez özümnən soruşuram, mən kiməm. El-oba vətəndən niyə didərgin düşdü. Səbəb nə oldu? Atam danışardı ki, biz hələ 2700 il bundan əvvəl adı Urartu padşahlarının salnamələrində çəkilən Polad soyunun Şahmarlı qolundanıq. Bu haqda professor Firidun Cəlilovun elmi araşdırmaları da var. Polad tayfalarının soykökü çox qədimlərə söykənir. Məlum olur ki, təqribən dörd min il bundan əvvəl Polad elinin sərhədləri Cənubi Azərbaycanın Qaradağ mahalından tutmuş, Göyçə gölünün ətrafına qədər olan ərazini əhatə edirmiş... Poladlılar mərd olub, ötkəm olub, sərt olub. Bəs biz niyə belə olduq?.. Günahkar zamanmı, yoxsa tarixin dərslərindən ibrət götürməyən bizlər?..

- Həkim, görünür, tarixin dəyirman daşı daha özünü üyüdüb yeyir... Hətta ən mədəni, ən qoçaq xalqın da təbii nöqsanları olur. Bizə qalan odur ki, nöqsanlarımızdan nəticə çıxarmağı bacaraq. Toxta görək. Deyəsən, yavaş-yavaş qocalığın həzin mehi səni də kövrəldir...

- Qocalıqla bağlı atamın bir şeiri yadıma düşdü:

Papağı düşəndə götürə bilməz, Bax, onda bitibdir işi qocanın! Gəlin bəd olanda, oğul bəd övlad, Bax, onda batıbdır başı qocanın.

Səksənə-doxsana yaşı çatmaya, İqbalı dolaşıb bəxti yatmaya, Öskürəndə gəlin, qız oyatmaya, Deməsinlər qara yaşı qocanın.

-Həkim, bu şeirdən sonra adam qocalmaq istəmir. Gəl mövzunu dəyişək. İş, güc, dolanışıq necədir?

-Dolanışıqdan şikayətim yoxdur. Allaha şükür, güzəranımız yaxşıdır, sağlamam, uşaqlar yerbəyer olub, nəvələr böyüyür... Belə də, gördüyün kimi. Amma, bununla bərabər, məni yaşadan xatirələrimdir. Atalı-analı, elli-obalı xatirələr. Arzuya gələndə, 70 yaşlı Sabirin arzusu nə ola bilər? Dilicana, daim çal-çağırlı doğulduğum torpağa- Polad kəndinə dönmək... Tələsdirsə də, ömürlə əhd-peyman bağlamışam, ailə-uşaqla Polada dönənə qədər qocalmayacam.

Bir kəsin ki, əhd-ilqarı düz ola, Qulluq edə halallığa, düz yola. İstər ömrü əlli ola, yüz ola, O insanın şan-şöhrəti azalmaz.

- Sabir həkim, məqsədim görüşüb 70 illik yubileyini təbrik etmək idi. Özlüyümdə sənə veriləsi çoxlu suallar sıralanmışdı. Onlardan az qisminə cavab tapdım. Əslində 70 yaş üçün bu da bəsdir. Qalanını 80-də görüşəndə deyərsən. İnamım var ki, o zaman söhbətimizin mövzusu daha nikbin notlarla bitəcək. Odur ki, 70-ni təbrik edirəm. Səksəndə, doxsanda, yüzdə görüşənədək.

Sabir həkimin xatirələrini çözələdi: Zakir Abbas, əməkdar jurnalist

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...