Ailədaxili münaqişələrin ağırlıq mərkəzi rayonlar-niyə...

Tarix: 23.04.2016 / 00:28
Bölmə: Sosial

Könül Vaqifqızı: "Ailə münaqişələrinin artması birmənalı olaraq davranış problemi ilə bağlıdır"

"Böyük ailələrdə mübahisə və münaqişələrin olmasının əsas səbəbi ailə üzvlərinin bir-birindən maddi asılılığıdır"

İndiyə qədər ailələrdə, o cümlədən azərbaycanlı ailələrində əməyin ənənəvi bölgüsü aparılıb: ər pul qazanır, arvad təsərrüfatla məşğul olur, ya da kişiyə kişi işi, qadına qadın işi tapılır. Kişilər, bir çox hallarda, etiraf edir ki, ev işləri və uşaqların tərbiyəsi ilə qadınlara nisbətən əhəmiyyətli dərəcədə az məşğul olurlar.

Bu da, öz növbəsində, ailədə gərginlik, münaqişələr yaradır. Ailə münaqişələri ən çox yayılmış formadır. Mütəxəssislərin rəyinə görə, ailələrin 80-85 faizində münaqişələr, qalan 15-20 faizində isə müxtəlif səbəblərdən hərcmərclik baş verir. Ailə münaqişələri bir-birinə qarşı qoyulmuş meyllər və görüşlərin toqquşması əsasında ailə üzvləri arasında olan münaqişələr deməkdir. Bu cəhətin belə münaqişələrin qarşısının alınması və həll edilməsi zamanı nəzərə alınması vacibdir. Ailə münaqişələri öz səbəblərinə görə fərqlənir.

Ailə, Qadın və Uşaq Problemləri üzrə Dövlət Komitəsinin Regional mərkəzlərlə iş şöbəsinin müdiri Ceyran Rəhmətullayeva media nümayəndələrinə açıqlamasında deyib ki, ailə münaqişəsi ilə bağlı müraciətlərin sayında hər il artım müşahidə edilməsə də, bu problem var. Hazırda ailə münaqişələrinin komitə üçün əsas problemlərdən biri olduğunu deyən C.Rəhmətullayeva qeyd edib ki, mərkəzlərə indiyədək daxil olan müraciətlərdən ailə münaqişələrinin daha çox rayonlardakı böyük ailələrdə baş verdiyi aydın olub: "Bəzən böyük bir ailənin daxilində kiçik ailələr olur. Ailə münaqişələri də daha çox belə ailələrdə yaranır".

C.Rəhmətullayeva qeyd edib ki, iqtisadi məsələ də ailə münaqişələrinin yaranmasında önəmli rol oynayır: "Əgər ailədə işləyənlərin sayı azdırsa, yaxud qadına işləməyə icazə verilmirsə, bu artıq hardasa münaqişəyə yol açır. Digər tərəfdən, böyük ailələr bir-birindən asılı vəziyyətdə yaşayır. Bəzən valideynlər bu ailələrin sərbəst olmasına icazə vermir, onları öz təsiri altında saxlayır. Belə ailələrdə də ailə münaqişələri daha çox olur. Kiçik münaqişələr isə sonradan böyüyərək məişət zorakılığı ilə nəticələnir".

Ailə münaqişələrinin daha çox böyük ailələrdə nə səbəbdən baş verməsini ekspertlər vasitəsilə aydınlaşdırdıq.

Psixoloq Könül Vaqifqızı bizimlə söhbətində bildirdi ki, ailə münaqişələrinin artması birmənalı olaraq davranış problemi ilə bağlıdır. Onun fikrincə, Azərbaycanda son dövrlərdə ailə münaqişəsi, məişət zorakılığı və bu kimi neqativ halların sayının çoxalması heç də sosial-iqtisadi problemlərlə bağlı deyil. Bunun səbəbi insanların bir-birilə ünsiyyət problemidir: "Bəllidir ki, son zamanlar boşanmaların sayı artır. Boşanan cütlüklərin, demək olar ki, əksəriyyəti yeni ailə quran və bir-birilə ünsiyyət tapa bilməyənlərdir. Böyük ailələrdə mübahisə və münaqişələrin olmasının əsas səbəbi maddi problemlərlə bağlıdır. Ola bilsin ki, ailə quran təzə bəy işsizdir. Özünün və yoldaşının maddi tələbatını ödəmək ailədə işləyib maaş alandan asılıdır. Belə olan halda, asılılıq yaranır. Həmçinin, evdə olan körpə uşaqla müxtəlif formada davranış da böyük ailədə problemlərə səbəb olur. Bəzən olur ki, uşaq ağlayır və ya nadinclik edir. Uşağın anası onu tənbeh etmək məqsədilə ona qışqırsa, bu zaman evin böyükləri gəlinə qarşı çıxır ki, niyə uşağa hirsləndin".

Psixoloqun fikrincə, hər bir ailədə, xırda da olsa, söz-söhbət, kiçik münaqişələr olur. Bəzən insanlar elə düşünür ki, problemləri asanlıqla həll edə bilən insanlar qeyri-adi səbrə, iradəyə malikdir. Lakin bu belə deyil.

Günel CƏLİLOVA

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...