Hər rayonda 600 adamı işlə təmin edən belə bir zavod açılsa...

Tarix: 22.04.2016 / 00:50
Bölmə: Sosial

İlqar Hüseynli: "Bu həmin regionun sosial-iqtisadi inkişafına ciddi təsir göstərəcək"

"Yüngül sənayenin inkişafı ilə bərabər, bu, ölkəyə həm gəlir gətirər, həm də gənc nəslin peşə-sənətə yiyələnməsində böyük rolu olar"

Yaxın vaxtlarda Göyçay rayonunda yeni istehsal müəssisəsi fəaliyyətə başlayacaq. "AzNar" QSC tərəfindən səhmləri alınan "Göyçay-Toxucu" ASC-nin istehsal profili dəyişdirilərək onun fəaliyyətinin yenidən bərpa edilməsi üçün işlərə başlanıb.

Rusiyada yaşayan azərbaycanlı iş adamı Fərhad Əhmədovun vəsaiti hesabına hazırda "Göyçay-Toxucu" ASC-nin binasında əsaslı yenidənqurma və təmir-bərpa işləri görülür. İnşaat işlərinə 70-ə yaxın işçi cəlb olunub. Keçmiş toxuculuq kombinatının bazasında yaradılacaq yeni fabrikdə mahlıcdan sapların əyrilməsi, parça toxunması və paltar tikilməsi üçün yeni istehsal sahələrinin yaradılması nəzərdə tutulur. Bu məqsədlə xarici ölkələrdən yeni avadanlıqlar alınaraq Göyçaya gətiriləcək. İyirmi ildən çoxdur fəaliyyətsiz qalan bu fabrik işə salındıqdan sonra burada 650-yə yaxın rayon sakini işlə təmin olunacaq.

Onu da qeyd edək ki, Azərbaycanın qədim və ənənəvi sahələrindən biri olan yüngül sənaye ölkənin xarici iqtisadi əlaqələrinin inkişafı baxımından mühüm potensiala malikdir. Ölkənin yüngül sənaye müəssisələri əsasən pambıq, yun, barama və gön-dəri xammalı məhsullarının emalına əsaslanır.

Əvvəllər yüngül sənaye məhsullarının istehsalı üzrə ixtisaslaşmış müəssisələr əsasən Bakı, Sumqayıt, Gəncə, Şəki, Yevlax, Xankəndi şəhərlərində, eləcə də Ordubad inzibati rayonunda fəaliyyət göstərib.

Müstəqillikdən sonrakı dövrdə bu sahədə aparılan iqtisadi islahatlar nəticəsində respublikada mövcud olan bütün yüngül sənaye müəssisələri özəlləşdirilməyə açıq elan edilib, onların bazasında səhmdar cəmiyyətlər yaradılıb. Bəziləri tam olaraq özəlləşdirilib. Lakin bu müəssisələrin əksəriyyəti yeni təsərrüfatçılıq şəraitində fəaliyyət göstərməyə uyğunlaşa bilməməsi, avadanlıqların aşınmaya məruz qalması və sair səbəblərdən öz fəaliyyətini tam və ya qismən dayandırıb. O cümlədən, toxuculuq sənayesində məhsul istehsalı xeyli azalıb. O baxımdan regionlarda yüngül sənaye müəssisələrinin inkişaf etdirilməsinə ciddi ehtiyac var.

Sözügedən məsələ ilə bağlı fikirlərini "Bakı-Xəbər"lə bölüşən ekspert İlqar Hüseynlinin fikrincə, regionlarda yüngül sənaye müəssisələrinin bərpası və yenidən qurulması iqtisadi baxımdan müsbət effekt verə bilər: "Bu həmin regionun sosial-iqtisadi inkişafına ciddi təsir göstərəcək. Eyni zamanda, həmin regionda işsizliyin müəyyən mənada azalmasına və məşğulluq səviyyəsinin yüksəlməsinə gətirib çıxara bilər. Bu həm də digər ticarət münasibətlərinin inkişafına, yəni kiçik və orta sahibkarlıq subyektlərinin inkişafına təkan vermiş olacaq. Yüngül sənayenin inkişafı ilə bərabər, bu, ölkəyə həm gəlir gətirər, həm də gənc nəslin peşə-sənətə yiyələnməsində böyük rolu olar. Rayonlarda işsizlikdən əziyyət çəkən gənclər işlə təmin olunacaq. Regionlarda yüngül sənayenin toxuculuq, xalçaçılıq sahələrinin dirçəlməsinə təkan verəcək. İşçi qüvvəsi kimi cəlb edilən, təhsilini davam edə bilməyən gənc qızlara yer verildiyi zaman, onlar ailə qurmazdan əvvəl sənətə yiyələnmiş olacaq.

Azərbaycanın regionlarında xalça istehsalına, həm texnika-maşın, həm də əl işi toxumasına xüsusi yer ayrılmalıdır".

Vidadi ORDAHALLI

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...