"Bakı Marafonu-2016"ya qeydiyyat məkanlarında bir gündə nələr gördük?

Tarix: 21.04.2016 / 00:37
Bölmə: Sosial

Mayın 1-də paytaxt Bakıda ilk dəfə olaraq marafon keçiriləcək. Məlumat üçün bildirək ki, marafon Heydər Əliyev Fondunun təşəbbüsü ilə Bakı Olimpiya Stadionu, Dənizkənarı Bulvar İdarəsinin dəstəyi ilə təşkil olunur. "Bakı Marafonu-2016" Dövlət Bayrağı Meydanından başlayaraq Bakı Olimpiya Stadionuna qədər 21 km məsafəni əhatə edəcək.

"Bakı Marafonu-2016"nın məqsədi idmanın inkişafına dəstək olmaq, sağlam həyat tərzini təbliğ etmək, insanları xeyir məqsədlər altında birləşdirməkdir.

Marafona 16 yaşdan yuxarı hər bir kəs-şəhər sakinləri, qonaqlar əvvəlcədən qeydiyyatdan keçərək qoşula bilər. "Bakı Marafonu-2016"da iştirak etmək istəyənlər qeydiyyat üçün aprelin 11-dən 25-dək Bakının ticarət mərkəzlərində quraşdırılmış qeydiyyat məntəqələrinə və ya onlayn olaraq "Bakı Marafonu-2016"nın saytına müraciət etməlidir.

Qeydiyyatdan keçmək istəyənlər paytaxtdakı "28 Mall" və "Port Baku Mall" ticarət mərkəzlərində quraşdırılan qeydiyyat məntəqələrinə müraciət edə bilər.

Qeydiyyat məntəqələrində marafona marağın necə olduğunu aydınlaşdırmaq məqsədilə "28 Mall" ticarət mərkəzinə yollandıq. "Bakı Marafonu-2016"ya qeydiyyatdan keçmək istəyənlər ticarət mərkəzinin 4-cü mərtəbəsinə üz tutmalıdır. Qeydiyyat məntəqəsində gənc oğlan və qız müraciət edənlərin qeydiyyatını aparır.

Orxan Şəkəriliyev adlı qeydiyyatı aparan bizimlə söhbətində bildirdi ki, bu işə könüllü olaraq qoşulub: "Bakı Marafonu- 2016"ya qeydiyyatdan keçənlərin sayı təxminən 800 nəfərdən artıqdır. Qeydiyyatdan keçənlərin 80 faizi tələbələrdir. Tələbələrin marafona marağı olduqca yüksəkdir. Qeydiyyatdan keçən tələbələrin, demək olar, əksəriyyəti oğlanlardır. Azərbaycan Neft Akademiyası, İqtisadiyyat Universitetinin tələbələri digər ali təhsil ocaqları ilə müqayisədə daha çox fəallıq göstərir. Gün ərzində təxminən 70-80-ə yaxın insan müraciət edir".

O.Şəkəriliyev onu da bildirdi ki, qeydiyyatdan keçmək istəyən tələbələr üçün ödəniş tələb olunmur: "Marafonda tələbələrin iştirakı ilə bağlı vəsaitlər Heydər Əliyev Fondu tərəfindən qarşılandığından, onlar qeydiyyat zamanı ödəmə etməyəcək. Bunun üçün qeydiyyatdan keçərkən tələbə vəsiqələrinin surətini təqdim etmək lazımdır. Ancaq fiziki şəxslər 20 manat, korporativ şirkət adından iştirak edənlər isə 100 manat ödəməlidir.

Orta yaşlı nəslin nümayəndələri də marafonda iştirak etmək üçün müraciət edir. Daha çox 40 yaşlarında olan şəxslər qeydiyyat üçün gəlir. Onlar bu işə böyük həvəs və maraqla qatılır".

Qeydiyyatı aparan şəxs bizimlə söhbət edərkən onu da əlavə etdi ki, marafona yerli vətəndaşlarla yanaşı, əcnəbilər də maraq göstərir. Onun dediyinə görə, əcnəbi vətəndaşlar arasında daha çox filipinli, keniyalı, Çin, Fransa və Almaniya vətəndaşları üstünlük təşkil edir.

Qeydiyyat aparan Şəbnəm Rəhimli adlı tələbə qız bizimlə söhbət edərkən bildirdi ki, o da bu işə könüllü olaraq qatılıb. Şəbnəm qeydiyyatın necə aparılmasını bizə izah etdi: "İştirakçı olmaq istəyənlər qeydiyyat formasını doldurmalı, şəxsiyyət vəsiqəsinin surətini təqdim etməli və iştirak üçün müəyyən olunan vəsaiti ödəməlidir".

Onun dediyinə görə, qeydiyyat üçün müraciət edənlər daha çox "28 Mall"a üz tutur. Yəqin bunun da səbəbi adıçəkilən ticarət mərkəzinin rahat yerdə yerləşməsidir.

Biz orada olarkən iki tələbə qız qeydiyyat üçün yaxınlaşdılar. Onlar İqtisadiyyat Universitetinin tələbələri idi. Bizimlə söhbətdə bildirdilər ki, marafona qatılmaq həvəsi bir neçə gün öncə yaranıb: "Heydər Əliyev Fondunun vitse-prezidenti Leyla Əliyevanın Fondun təşəbbüsü ilə mayın 1-də keçiriləcək "Bakı Marafonu-2016"ya qoşulmaqla bağlı çağırışı oldu.

Biz bu çağırışı Leyla Əliyevanın "İnstaqram" səhifəsində gördük. Biz də bu çağırışa dəstək verib marafona qoşulmağa qərar verdik. Öz tələbə yoldaşlarımızı da dəvət etmişik ki, onlar da qeydiyyatdan keçsin".

Günel CƏLİLOVA

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...