Yediyimiz düyülər təbiidir, ya plastmas materialdır?

Tarix: 14.04.2016 / 01:39
Bölmə: Sosial

Eyyub Hüseynov: "Süni düyünün xaricdən ölkəyə gətirilməsi istisna olunmur"

"Süni düyülər nişastanın, düyü qırıntılarının üyüdülüb yenidən ona qarışdırılması, unun və digər qida üçün nəzərdə tutulan xammalın birləşməsindən əmələ gəlir"

Sağlam qidalanmaq, artıq çəkidən xilas olmaq, xroniki xəstəliklərdən qorunmaq üçün düyü ilə qidalanın. Bu məsləhəti tez-tez eşidirik. Düyünün faydaları tək bununla bitmir, gözəllik maskalarının da tərkibində onun yeri əvəzsizdir.

İnternetdə kiçik bir axtarış edib düyünün faydaları haqqında oxuyandan sonra isə adam az qala marketdəki bütün düyüləri almaq istəyir. Amma bu axtarış nəticəsində əldə etdiyimiz bir məlumat bizi düşünməyə vadar edir. Belə ki, düyülərin heç də hamısı bildiyimiz qayda ilə əkilib-becərilməyib. Hər gün bazara yeni-yeni adlarla daxil olan belə məhsullar sağlamlıq yox, əsl təhlükə mənbəyidir.

Düyünün necə hazırlanması barədə bu günlərdə sosial şəbəkələrdə geniş video yayılıb. Həmin videoda süni yolla düyünün hazırlanması göstərilir və bildirilir ki, bu cür məhsulu yalnız yandırmaq yolu ilə tanımaq olar.

Biz də marketlərdə satılan bir neçə firmanın düyüsünü alıb onlar üzərində test etdik. Gördüyümüz nəticə bizi şoka saldı. Belə ki, iki tanınmış firmanın istehsal etdiyi düyüləri qazın oduna yaxınlaşdırdıq və nəticədə düyülər bir anın içində alovlanaraq yandı.

Ekspertlər deyir ki, təbii yolla istehsal olunan düyü heç vaxt yana bilməz. Düyü təbii yolla yetişdirilibsə, odun üzərində olarkən onun rəngi dəyişə bilər.

Qeyd edək ki, bu günlərdə sosial şəbəkələrdə düyülərin plastikdən hazırlanmasını əks etdirən video yayılıb. Çində çəkilən bu videoda görünür ki, ucuz mal arxasınca qaçan istehsalçılar düyünü fabrikdə sintetik materialdan hazırlayır. Ancaq bu düyünün də tərkibi tamamilə sintetik deyil. Onun əsasını kartof kraxmalı təşkil edir, az miqdarda plastik isə ona düyü forması vermək üçün istifadə olunub.

Videoda yeni məhsulu istifadə edən aşpazlar bildirir ki, bu cür düyüdən hazırlanan bir boşqab sıyığı yemək polietilen paketi udmağa bərabərdir. Əsl düyüləri ələ götürəndə onların birinin böyük, birinin balaca, bəzilərinin qırıq olduğu görünür. Sintetik düyülər isə hamısı standart, eyni ölçüdə və formada olur. Hətta onları yanaşı qoyduqda süni düyü daha çox göz oxşayır, nəinki təbii yolla əldə edilən düyü. Qeyd edək ki, sintetik düyünü onun hazırlanma vaxtına, bişdikdən sonrakı görünüşünə görə də ayırd etmək olur. Belə ki, sintetik məhsul, bişmə zamanı nə qədər qaynamağından asılı olmayaraq, əzilmir. Uzunmüddətli qaynamadan sonra suyun üzərində polietilen plyonka yaranır.

Məsələ ilə bağlı fikir bildirən Azad İstehlakçılar Birliyinin sədri Eyyub Hüseynov bizimlə söhbətində bildirdi ki, dünyada, eləcə də bizim ölkəmizdə süni düyü istehsalı var: "Bu süni düyülər nişastanın, düyü qırıntılarının üyüdülüb yenidən ona qarışdırılması, unun və digər qida üçün nəzərdə tutulmuş xammalın birləşməsindən əmələ gəlir. Dünyada süni düyü istehsal edən texnologiya var. Bu avadanlığın qiyməti olduqca bahadır. İstehsalçıların həmin avadanlığı gətirib bizdə süni düyü istehsal etməsi real görünmür. Amma süni düyünün xaricdən ölkəyə gətirilməsi istisna olunmur. Saxta düyülər özünün şəffaflığı ilə, bişirəndə dən-dən durması və uzunsov olması ilə xarakterizə olunur. İstehlakçıların hüququ var ki, düyü alanda sertifikatını tələb etsinlər. O şəxslər ki, istehlakçılara süni düyünü natural düyü adı altında satır, istehlakçı bu barədə dövlət orqanlarına məlumat verərsə, belə satıcıları 1500 manata qədər cərimə gözləyir. Çox təəssüflər olsun ki, saxta düyü hansısa brend adı altında satılır".

Həmsöhbətimizin sözlərinə görə, saxta düyü ilə təbii yolla istehsal olunan düyünü tanımaq üçün həmin məhsul yandırılmalıdır: "Spesifik bitki qoxusu verməyən və yanan düyü, əlbəttə ki, saxta düyüdür. Yaxud da düyünü içində su olan bir nəlbəkiyə töküb 10 gün saxlasınlar. O düyü cücərməsə, demək ki, saxtadır və süni yolla hazırlanıb. Bu təcrübəni istənilən şəxs evdə etməklə də yoxlaya bilər".

Günel CƏLİLOVA

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...