TQDK - Dövlət İmtahan Mərkəzi... Sadəcə ad dəyişikliyi, ya...

Tarix: 13.04.2016 / 01:43
Bölmə: Sosial

Əjdər Ağayev: "Düşünürəm ki, bu sərəncamın verilməsi inkişafdan və zamanın tələbindən irəli gəlir"

"Qəbul prosesi yazılı, şifahi və test üsulu ilə aparıla bilər"

Məlum olduğu kimi, Prezident İlham Əliyev aprelin 11-də Azərbaycan Respublikasının Dövlət İmtahan Mərkəzi publik hüquqi şəxsin yaradılması haqqında sərəncam imzalayıb. Sərəncam təhsil müəssisələrinə tələbə qəbulunun beynəlxalq təcrübəyə uyğunlaşdırılmasını nəzərdə tutur.

Dövlət İmtahan Mərkəzi publik hüquqi şəxs Azərbaycanda dövlət qulluğu üçün kadrların müsabiqə əsasında seçilməsini, ümumi təhsil pilləsində təhsil alanların yekun qiymətləndirilməsini, orta ixtisas təhsili müəssisələrinə, ali təhsil müəssisələrində ali təhsilin bakalavriat və magistratura səviyyələrinə, Azərbaycan Milli Elmlər Akademiyasında magistratura səviyyəsinə mərkəzləşdirilmiş qəbul imtahanlarının keçirilməsini təşkil etmək məqsədilə yaradılır.

Sərəncamda müəyyən edilir ki, Azərbaycan Respublikasının Dövlət İmtahan Mərkəzinin idarəetmə orqanı 7 nəfər üzvdən ibarət Direktorlar Şurasıdır. Şura sədrinin, sədr müavinlərinin və digər üzvlərinin vəzifəyə təyin və vəzifədən azad edilməsi, habelə onların səlahiyyətlərinə vaxtından əvvəl xitam verilməsi Azərbaycan Prezidenti tərəfindən həyata keçirilir. Dövlət İmtahan Mərkəzinin ilkin nizamnamə fondu bir milyon manat olmaqla dövlət büdcəsinin vəsaiti hesabına formalaşır.

Azərbaycan Respublikasının Dövlət İmtahan Mərkəzi dövlət qeydiyyatına alındığı andan Azərbaycan Respublikasının Prezidenti yanında Dövlət Qulluğu Məsələləri üzrə Komissiya və Azərbaycan Respublikasının Tələbə Qəbulu üzrə Dövlət Komissiyası ləğv edilir və onların istifadəsində olan dövlət əmlakı Dövlət İmtahan Mərkəzinin balansına verilir.

TQDK-nın ləğv olunması müxtəlif cür qarşılanıb. Hətta bəziləri bunu qəbul imtahanlarında test üsulunun ləğv ediləcəyi kimi dəyərləndirib. Əslində necədir?

Maraqlıdır, təhsil ekspertləri bunu necə dəyərləndirir?

Məsələyə münasibət bildirən təhsil üzrə ekspert, professor Əjdər Ağayevin sözlərinə görə, Dövlət İmtahan Mərkəzi publik hüquqi şəxsin yaradılması zamanın tələbindən irəli gəlir: "İstər dövlət qulluğu, istər hər hansı vəzifələrə kadrlar seçimi ilə bağlı olan qəbulların, hətta nisbətən oturuşmuş olan tələbə qəbulu ilə əlaqədar işlərdə sistemlik yox idi. Bunların hər biri bir-bir meydana çıxan məsələlər idi. İndiki dövrdə cəmiyyətdə kadrlar seçimində qiymətləndirməyə böyük ehtiyac olduğuna görə Prezident məsələləri kompleks şəkildə həll edə bilən mərkəzi qurum yaratdı. Düşünürəm ki, bu sərəncamın verilməsi inkişafdan və zamanın tələbindən irəli gəlir. Bu gün imtahanlardan sonra bizə olan müraciətlərdən bəlli olur ki, ən yüksək bal yığan qalır, aşağı ballı kadr qəbul olunur. Güman edirəm ki, bu iş belə halların aradan qaldırılması üçün mərkəzləşir. Qiymətləndirmə kadrın seçimidir, bu, proses deyil. Təhsil prosesi aşağıdan, məktəbəqədər təhsildən, ibtidai sinifdən başlayıb ali məktəbə kimi davam edir. Bunun özünü elə qurmaq lazımdır ki, sabah qiymət verən qurum çətinlik çəkməsin. O zaman da bu mərkəz faydalı olar. Qəbul imtahanlarının keçirilməsi qaydaları haqqında danışmaq hələ tezdir. Yəqin ki, Nazirlər Kabineti qəbul prosesi ilə bağlı proqram hazırlayacaq. Test üsulu ilə qəbulda müəyyən dəyişikliklər gündəmə gələ bilər. Yəni qəbul prosesi yazılı, şifahi və test üsulu ilə aparıla bilər. Bir sözlə, qəbul imtahanlarında ciddi dəyişikliklər ola bilər. Lakin dəyişikliklərin nədən ibarət olacağı barədə konkret fikir söyləmək hələ tezdir".

Vidadi ORDAHALLI

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...