Tibb Universitetində diabetlə bağlı geniş toplantı keçirildi

Tarix: 08.04.2016 / 00:56
Bölmə: Sosial

Azərbaycanda 300 mini narahat edən xəstəliklə bağlı mühüm faktlar açıqlandı

Dünən Azərbaycan Tibb Universitetinin (ATU) Tədris Cərrahiyyə Klinikasında "7 aprel - Ümumdünya Sağlamlıq Günü"nə həsr olunmuş "Diabet xəstəliyinə qalib gələk" şüarı altında maarifləndirmə tədbiri keçirilib. Tədbir Səhiyyə Nazirliyinin İctimai Səhiyyə və İslahatlar Mərkəzi (İSİM), Azərbaycan Qızıl Aypara Cəmiyyəti, Azərbaycan Diabet Liqası və Azərbaycan Tibb Universitetinin təşəbbüsü, təşkilatçılığı və dəstəyilə baş tutub.

Tədbirin əsas məqsədi milyonlarla insana təsir edən şəkərli diabet və digər qeyri-infeksion xəstəliklər haqqında maarifləndirməni gücləndirmək, bu cür xəstələrə qayğını artırmaqdan ibarətdir.

Toplantının əvvəlində son günlər Azərbaycan Silahlı Qüvvələrinin apardığı əməliyyat nəticəsində cəbhədə həyatını itirənlərin xatirəsi 1 dəqiqəlik sükutla yad edilib.

Tədbirdə açılış nitqi ilə çıxış edən ATU-nun Tədris Cərrahiyyə Klinikasının baş həkimi, dosent, Dr. Asiman Həsənov bildirib ki, hər il aprelin 7-si "Ümumdünya Sağlamlıq Günü"ndə Ümumdünya Səhiyyə Təşkilatının (ÜST) yaranması qeyd olunur: "Bu gün dünya ictimaiyyətinin diqqəti qlobal sağlamlıq üçün böyük əhəmiyyət kəsb edən bir mövzuya yönəldilir. 2016-cı il diabet xəstəliyinə həsr olunub. Diabetin nə qədər ciddi problem olduğu, insanları nə qədər narahat etdiyi hər kəsə bəllidir. Artıq diabet sosial bəlaya çevrildiyindən, biz də həm tibb işçiləri, həm də cəmiyyətin üzvləri kimi bu məsələni diqqətdə saxlamağa çalışırıq". Baş həkim bildirib ki, şəkərli diabet xəstəliyinin vaxtında aşkar olunması, profilaktik tədbirlərin aparılması vacibdir. Bu baxımdan, ictimaiyyətdə maarifləndirmənin daha da gücləndirilməsinə ehtiyac var.

Azərbaycan Qızıl Aypara Cəmiyyətinin icraçı katibinin müavini Səbinə Məhbubi isə bildirib ki, diabet xəstəliyinin qarşısı vaxtında alınmazsa, bu, daha çox insan itkisinə səbəb ola bilər: "Artıq diabet tibb sahəsindən sosial bir problemə çevrilib. Burada təkcə mütəxəssislər işləməli deyil. Bu məsələdə dövlət strukturları və ictimai təşkilatlar birgə fəaliyyət göstərməlidir". S.Məhbubi də xəstəliklə bağlı məlumatlandırma səviyyəsinin artırılmasının vacibliyini qeyd edib.

Azərbaycan Qızıl Aypara Cəmiyyətinin ATU nəzdində yaradılmış İlkin Komitəsinin sədri Şahrud Əhmədov çıxışı zamanı bildirib ki, dövlət başçısının sərəncamı əsasında rayonlarda, bölgələrdə kütləvi şəkildə müayinələr aparılır. "Fəaliyyətimiz dövründə dəfələrlə xeyryyə tədbirləri, konfranslar, qanvermə aksiyaları keçirmişik. Bu missiyamız bundan sonra da uğurla davam edəcək. "

Azərbaycan Diabet Liqasının sədri Yeganə Sultanova şəkərli diabet xəstəliyi və onun növləri, ölkə daxilində və ümumdünya səviyyəsində vacibliyi, müvafiq profilaktik tədbirlərin aparılması haqqında məlumat verib. "Azərbaycanda 299 min 377 nəfər şəkərli diabetdən əziyyət çəkir. Bununla bağlı Azərbaycanda çox mühüm işlər görülüb, dövlət proqramı və qanunlar qəbul edilib. Lakin Azərbaycan dövləti və vətəndaş cəmiyyəti bu istiqamətdə işləri davam etdirir".

Klinikanın Oftalmologiya şöbəsinin müdiri Qurban İsmayılov şəkərli diabetin gözdə yaratdığı problemlərdən danışıb. Onun sözlərinə görə, diabet xəstəliyinə görə göz dibində baş verən dəyişikliklərin qarşısı alınan və alınmayan növləri var. Təəssüf ki, bəzən diabet xəstələrinin göz dibində dəyişikliklər 10 ildən sonra özünü büruzə verir. Bu da problemin vaxtında aşkarlanmasına mane olur. Buna görə həkim mütəmadi olaraq göz müayinəsindən keçməyin vacib olduğunu bildirib.

Çıxış və müzakirələr bitdikdən sonra tədbirin sonunda iştirakçıların xatirə fotosu çəkilib.

Xəbər xidməti

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...