Yol qəzalarında 75 uşaq ölümü valideyn-sürücü məsuliyyətini bir daha önə çıxardı

Tarix: 02.04.2016 / 02:03
Bölmə: Sosial

İlqar Hüseynli: "Burada əsas məsuliyyət valideynlərin üzərinə düşür"

"Ən təhlükəli hallardan biri də uşağın qabaq oturacaqdakı sərnişinin qucağında əyləşməsidir"

Azərbaycanda bu ilin 2 ayı ərzində 267 yol-nəqliyyat hadisəsi qeydə alınıb. Baş Dövlət Yol Polisi İdarəsindən mətbuata verilən məlumata görə, baş vermiş qəzalar nəticəsində 78 nəfər ölüb, 287 nəfər xəsarət alıb.

İki ay ərzində piyadaların vurulması ilə nəticələnən 115 qəzada 40 piyada dünyasını dəyişib, 80 nəfər müxtəlif dərəcəli xəsarət alıb.

Bir sıra hallarda uşaqlar da yol qəzalarının qurbanı olur. 2015-ci ildə Azərbaycanda baş vermiş yol-nəqliyyat hadisələri nəticəsində 71 uşaq dünyasını dəyişib.

Bunu Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin müdiri Elgün Səfərov mətbuata açıqlamasında deyib. Onun sözlərinə görə, həmin uşaqların 24-ü 7 yaşınadək, 46 nəfəri 7-16 yaşlı, bir nəfər isə 17 yaşlı olub: "Bu hallar valideynlə birgə yol hərəkəti qaydalarının pozulması, yaxud uşağın təkbaşına küçəyə buraxılması nəticəsində olub. Burada da söhbət valideyn məsuliyyətsizliyindən gedir".

E.Səfərov bildirib ki, son illər ərzində Azərbaycanda valideyn məsuliyyətinin artırılması üçün qanunvericilikdə bir çox yeniliklər edilib. Bu dəyişikliklər ayrı-ayrı sahələrdə, xüsusilə narkotik vasitələrin, alkoqol içkilərin istifadəsində valideynlərin məsuliyyətinin müəyyən edilməsi və məsuliyyət növünün artırılmasını nəzərdə tutub.

Ümumilikdə, əksər hallarda uşaqlar məhz valideyn məsuliyyətsizliyi üzündən qəzanın qurbanı olur.

Maraqlıdır, ekspertlər bu məsələdə həll yolunu nədə görür?

Ekspert İlqar Hüseynli hesab edir ki, bu məsələyə kompleks yanaşılmalıdır: "Çünki uşaqlar yol hərəkətinin ən zəif və köməksiz iştirakçısı olduğu üçün, valideynlərlə yanaşı, sürücülər də diqqətli olmalıdır. Təbii ki, burada əsas məsuliyyət valideynlərin üzərinə düşür. Təəssüflər olsun ki, bəzən böyüklərin səhvi ucbatından il ərzində onlarla uşağın ömrü yarımçıq qalır. Valideyn məsuliyyətsizliyi, ani diqqətsizliyi buna gətirib çıxarır. Uşaqları nəzarətsiz buraxmaq olmaz. Valideyn hər bir hərəkəti ilə uşağa nümunə olmalıdır. Təhlükəsiz hərəkət qaydalarını uşağa izah edən valideyn özü qayda pozursa, bu izahatın faydası yoxdur. Başqa sözlə, dəvət edənin özü düzgün yolda olmalıdır. Bundan başqa, uşaqları kəmərlə bağlamaq qəza zamanı xəsarətalma risqini azaldır. Avropa ölkələrinin əksəriyyətində 1992-ci ildən etibarən 10 yaşa qədər uşaqların xüsusi oturacaqlarda daşınması məcburidir. Avtomobillərdəki təhlükəsizlik kəmərləri, hava yastıqları və digər qoruyucu vasitələr böyüklərə hesablanıb. Xüsusi oturacaqlar isə uşaqların anatomik və ortopedik göstəricilərinə uyğundur. Uşaqlar burada rahat və təhlükəsiz şəkildə otura və ya yata bilər. Bu oturacaqlar hərəkət zamanı uşağı yedirtməyi də asanlaşdırır. Ən təhlükəli hallardan biri də uşağın qabaq oturacaqdakı sərnişinin qucağında əyləşməsidir. Uşaq böyüdükcə şəhər yerində onun üçün həyati təhlükə də artır. Belə ki, dərsə tək gedən şagird artıq müstəqil yol hərəkəti iştirakçısına çevrilir. Məktəbli uşaqlarla bağlı ən böyük problem də elə onların müstəqil şəkildə dərsə gedib-qayıtması ilə bağlıdır".

Vidadi ORDAHALLI

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...