Erkən nikahlara qarşı görülən işlər Lerik və İsmayıllıda nəticə verdi...

Tarix: 02.04.2016 / 02:09
Bölmə: Sosial

Ənvər Fərəcov: "Bir sıra hallarda erkən nikahlar gizlədilir və nəticədə bəzi rayonlarda bunu qeydə almaq olmur"

"Burada bütün məsələlər bir-birilə sıx surətdə bağlıdır"

2015-ci ildə Azərbaycanda erkən nikah faktlarının ən çox qeydə alındığı rayonların adları açıqlanıb. Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin müdiri Elgün Səfərov mətbuata açıqlamasında bildirib ki, 2015-ci ildə erkən nikah halları ən çox Şabran (18 fakt), Ağsu (22 fakt), Salyan (27 fakt) və Şəkidə (37 fakt) qeydə alınıb.

Şöbə müdiri əlavə edib ki, ötən il Lerik və İsmayıllı rayonlarında erkən nikah faktları qeydə alınmayıb: "2015-ci ildə erkən nikahlar Şamaxı (2 fakt), Hacıqabul (10 fakt), Saatlı (11 fakt), Sabirabad (13 fakt) rayonlarında da qeydə alınıb".

E.Səfərov qeyd edib ki, 2015-ci ildə erkən nikah faktlarına görə 52 cinayət işi açılıb.

Bütün bunlar sadə məsələlər deyil. Çünki erkən nikahların artması son zamanlar Azərbaycanın həqiqətən sosial-demoqrafik problemlərindən birinə çevrilib. Əvvəllər bu, istisna hal idisə, indi adiləşib. Son 15 ildə ölkədə 30 mindən çox erkən nikah bağlanıb. 2000-ci ildə 15-17 yaşlı analar tərəfindən 2 minə qədər uşaq doğulub. 2010-cu ildə onların sayı iki dəfə artıb.

Diqqətçəkən məqam ondan ibarətdir ki, adətən erkən nikahların qeydə alındığı Lerik rayonunda ötən il belə hal qeydə alınmayıb. Maraqlıdır, bu nədən irəli gəlir? Düşünmək olarmı ki, aparılan təbliğat öz effektini verib?

Məsələyə münasibət bildirən ekspert Ənvər Fərəcovun fikrincə, bu, birbaşa hansısa qənaətə gəlməyə əsas vermir: "Məsələ ondadır ki, bir sıra hallarda, erkən nikahlar gizlədilir və nəticədə bəzi rayonlarda bunu qeydə almaq olmur. Məsələn, nikaha girməyi uşağın dünyaya gəlməsinə qədər yubadırlar. Doğuşa bir neçə gün qalmış nikah müqaviləsi bağlayırlar. Bəzən də elə olur ki, uşaq bir müddət gec dünyaya gəlir. Bu da onlara imkan verir ki, yaş 17-yə çatsın. Bax belə məqamlar var. Ancaq bu istiqamətdə aparılan maarifləndirmə işi də müəyyən effekt verir. Belə ki, bir sıra bölgələrin adının hallanması buna öz təsirini göstərir. Müşahidələr göstərir ki, tez evlənənlər əksər hallarda tez də ayrılır. Əvvəla məktəb partası arxasından yarımçıq ayrılmış yeniyetmə qızın ev sahibəsi, yaxşı ana kimi səriştəsi olmur. Onun hələ lazımi bilik və dünyagörüşü yoxdur. Ev işləri görməyə, ailəni bir ana olaraq idarə etməyə nə mənəvi, nə də fiziki gücü var.

Burada bütün məsələlər bir-birilə sıx surətdə bağlıdır. Belə ki, erkən nikahların qarşısını almaq, uşaq hüquqlarını qorumaq, təhsilə dəstək vermək, gələcək anaların və körpələrin sağlamlığına qayğı göstərmək vacib məsələdir. Bir qayda olaraq, erkən yaşda qurulan evliliklərdən sonra peşmançılıq, qəzəb, məyusluq kimi mənfi hisslər baş qaldırır. Erkən nikahların yaranmasına nə səbəb olursa-olsun, onların yanlışlığı şəksizdir və fərdlər üçün bir travmadır".

Vidadi ORDAHALLI

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...