Məscid moizələrini komitə ilə QMİ birlikdə hazırlayacaq

Tarix: 01.04.2016 / 02:27
Bölmə: Sosial

Elşad Miri: "Kim bilir ki, iki qurumun birgə hazırladığı moizəni oxuyan axund çıxıb bayırda nəyi təbliğ edəcək?

Ağa Seyidbəyli: "Belə koordinasiyalı fəaliyyət təqdir edilməlidir"

Qafqaz Müsəlmanları İdarəsinin sədri Allahşükür Paşazadə Dini Qurumlarla İş üzrə Dövlət Komitəsinin sədri Mübariz Qurbanlı və dini icma rəhbərlərinin iştirak etdiyi 31 Mart - Azərbaycanlıların Soyqırımi günü ilə bağlı anım tədbirində maraqlı fikirlər səsləndirib:

"...Dini Qurumlarla İş üzrə Dövlət Komitəsi və Qafqaz Müsəlmanları İdarəsi yerlərdə din xadimlərinin təkliflərini nəzərə alıb birgə moizələr hazırlayacaq. Din xadimlərimiz yerlərdə bu moizələri oxumalıdır".

Allahşükür Paşazadə yaxın vaxtlarda məscidlərə kameraların quraşdırılacağını və axundların moizələrinin Qafqaz Müsəlmanları İdarəsi tərəfindən dinləniləcəyini də bildirib.

A.Paşazadə Brüsseldə baş verən terroru lənətlədiklərini də bildirib: "Ancaq necə olur ki, Brüsseldə də, Türkiyədə də, Pakistanda da terror baş verir, lakin bu hadisələrə münasibət fərqlidir. Bu da bir daha onu göstərir ki, biz dövlətimizə dəstək verməliyik. Ona görə məscidlərdə kameralar qoyulacaq. Mən özüm də qrup yaradacam, axundların moizələrini izləyəcəyəm. Axundun hansı moizələr oxumasından xəbərim olmalıdır. Kim bunu xırda siyasi məsələ kimi qələmə verməyə çalışacaqsa, özü bilər. QMİ rəhbəri kimi buna ixtiyarım var".

Dini Qurumlarla İş üzrə Dövlət Komitəsi və Qafqaz Müsəlmanları İdarəsinin birgə moizələr hazırlaması ilə bağlı Allahşükür Paşazadənin etdiyi təklif barədə ekspertlər nə düşünür?

İlahiyyatçı Elşad Miri "Bakı-Xəbər"ə açıqlamasında bildirdi ki, Allahşükür Paşazadənin iki qurumun birgə moizə hazırlaması ilə bağlı səsləndirdiyi fikir onu təəccübləndirib: "Mən başa düşə bilmirəm, bu adamlar niyə təkrarçılığa yol verir? Məgər bu yeni bir təklifdir? Yəqin QMİ-nin danışmağa sözü qurtarıb. Bu təklif Dini Qurumlarla İş üzrə Dövlət Komitəsinin ilk sədri Rafiq Əliyev tərəfindən verilib. Hətta bununla bağlı xüsusi kitab da çıxarılmışdı. Bununla məsələ həll edilmir. Birgə moizə hazırlananda bəyəm radikallığın qarşısı alınacaq? Yaxşı olar ki, QMİ bunun əvəzinə öz saytında məscidlərə təyin etdiyi axundların siyahısını versin. Həmin adamlar barədə ictimaiyyət məlumatlandırılsın. Onların əlaqə nömrələri olsun ki, jurnalistlər istədiyi vaxt əlaqə saxlaya bilsin. Bu olar başqa məsələ. Yoxsa kim bilir ki, iki qurumun birgə hazırladığı moizəni oxuyan axund çıxıb bayırda nəyi təbliğ edəcək? Bəlkə elə radikallığı yayan da həmin adamlardır. Bu səbəbdən axundlar və imamların kimlyi barədə cəmiyyətə geniş bilgi verilməlidir".

Dindar Ağa Seyidbəyli isə hesab edir ki, iki qurumun birgə hazırlayacağı moizə mətnlərinə doğrudan da ehtiyac var: "Bu məsələdə dinlə dövlətin birgə maraqları təmin olunacaq. Elə məsələlər var ki, dində qəbul olunsa da, dövlətin xəttində problemə səbəb ola bilər. Moizələr vasitəsilə də təbliğat aparılacaq. Təbliğat bizim dini maraqlarımızla yanaşı, dövlət maraqlarımıza da cavab verməlidir. Belə koordinasiyalı fəaliyyət təqdir edilməlidir".

Məhəmmədəli QƏRİBLİ

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...