Ginekoloqlar hamilə qadınlara bəzən elə dərmanlar yazır ki...

Tarix: 31.03.2016 / 01:12
Bölmə: Sosial

Nailə Hüseynova: "Bu gün həkimlər ana olmağa hazırlaşan qadınlara çox dərman qəbul etməyi məsləhət görmür"

"Heç bir azərbaycanlı həkim hamilə qadına təyinatına uyğun olmayan dərman yazmaz, belə bir fakt qeydə alınıbsa..."

Azərbaycanda bu gün də bəzi mama-ginekoloqlar tərəfindən hamilə qadınlara lazımsız, effektsizliyi çoxdan sübut olunmuş, təbabətdə istifadə olunmayan, istifadəsi həm qadın, həm də sonradan uşaq üçün problemlər yarada bilən dərmanlar təyin edilir.

Bunu Azərbaycan Səhiyyə Nazirliyinin baş neonatoloqu, qurumun Neonatoloji xidmətin təkmilləşdirilməsi üzrə xüsusi komissiyasının sədri Rüstəm Hüseynov deyib. Baş mütəxəssisin sözlərinə görə, Azərbaycanda qadınların hamiləlik dövrünə, doğuş vaxtına aid protokolların qəbul olunmasına baxmayaraq, bəzi ginekoloqlar hamilələrə lazımsız dərmanlar təyin edir, bəzi hallarda isə hamiləlik dövründə qəbul edilməsi olduqca lazımlı olan dərmanların təyini məsələsində səhlənkar yanaşmaya rast gəlinir.

R.Hüseynov əlavə edib ki, antenatal dövrdə qadına lazımi səviyyədə tibbi nəzarət və qulluq edilsə, doğulan uşaqlarda da problem azalmış olar: "Vaxtından əvvəl doğulan uşaqların adətən ən birinci problemi tənəffüs problemidir. Sadə dillə desək, əksər hallarda onların ciyərləri yetkin olmur. Bəzi dərmanlar (betametazon, deksametazon) var ki, onlar hamiləlik dövründə müəyyən edilmiş vaxtda qadına düzgün vurulsa, onda uşaqlarda tənəffüs problemi 60-70 faiz azalar. Biz görürük ki, bu iynələrin vurulması nəticəsində vaxtından əvvəl doğulan yenidoğulmuşlarda tənəffüs problemlərinin azalması müşahidə olunur.

Həmin dərman ananın bədəninə heç bir fəsad vermir, amma uşaqlarda ağ ciyərlərin inkişafına çox böyük kömək göstərir. Və yaxud rezus mənfi qan mənsubiyyətli hamilələrdə qeyd olunan vaxtda izoimmunlaşmanın qarşısını almaq üçün xüsusi immunoqlobulinin yeridilməsi körpədə hemolizinin (qanın parçalanması) və onunla bağlı fəsadların qarşısını alır. Bunlar dünyada sübut olunan praktikadır".

R.Hüseynov qeyd edib ki, hazırda Azərbaycanda hamilə qadınların çoxuna profilaktik məqsədlə qeyd edilən preparatlar vurulsa da, bəzi ginekoloqlar bunu etmir: "Ölkədə elə bir qadın məsləhətxanası yoxdur ki, orada həkimlər bu məsələ ilə tanış olmasınlar. Həmin iynələr ancaq həkim səhlənkarlığı nəticəsində hamilələrə vurulmaya bilər".

Baş neonatoloq R.Hüseynovun səsləndirdiyi fikirlərə mama-ginekoloqların münasibətini öyrəndik.

Tanınmış ginekoloq Nailə Hüseynova "Bakı-Xəbər"ə açıqlamasında bildirdi ki, bu gün həkimlər ana olmağa hazırlaşan qadınlara çox dərman qəbul etməyi məsləhət görmür: "Hamilə qadının çox dərman qəbul etməsi düzgün deyil. Biz hamiləlik durumu ağır olan analara vitaminlər qəbul etməyi məsləhət görürük. Əgər dölün düşmək ehtimalı varsa, biz qadınlara bəzi müalicə yazırıq. Müalicənin məqsədi dölün düşməsinin qarşısının alınmasıdır və bu cür müalicələr təxminən bir-iki həftə davam edir. O ki qaldı hamilə qadınlara lazımsız dərmanların yazılmasına, o həblərin uşaqda fəsad törədə biləcəyi inandırıcı deyil. Heç bir azərbaycanlı həkim hamilə qadına təyinatına uyğun olmayan dərman yazmaz. Əgər belə bir fakt qeydə alınıbsa, onda o həkim azərbaycanlı yox, ermənidir".

Həmsöhbətimiz onu da əlavə etdi ki, uşaq dünyaya gələndən sonra onda bəzi problemlərin meydana gəlməsinin əsas səbəblərindən biri hamilə qadınların hamiləlik müddətində həkim qəbulunda olmamasıdır: "Hamilə qadınlar həkim qeydiyyatına düşmürlər.

Qeydiyyata düşməyən qadınları doğuş vaxtı qəbul edən həkimlər əziyyət çəkir".

Günel CƏLİLOVA

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...