Oxuyub-yazmağı bacarmayan şagirdlərə görə məsuliyyət daşıyanlar...

Tarix: 31.03.2016 / 01:43
Bölmə: Sosial

Məhərrəm Zülfüqarlı: "Bunun əsas səbəbi nəzarətin zəif olması, bir də bu işə məsul olan şəxslərin..."

"Nəinki orta ümumtəhsil məktəblərində, hətta musiqi kolleclərində də belə hallar baş verə bilər"

Məlum olduğu kimi, Azərbaycanda keçirilən buraxılış imtahanlarının nəticəsi üzrə acınacaqlı hal aşkarlanıb. Tələbə Qəbulu üzrə Dövlət Komissiyasından (TQDK) mətbuata verilən xəbərə görə, 9-cu və 11-ci siniflərin şagirdləri arasında nəinki tədris proqramını minimum mənimsəməyənlər, hətta oxumağı və yazmağı bacarmayanlar da aşkar olunub.

"Belələri 11-ci sinif şagirdləri arasında 24 nəfər, 9-cu sinif şagirdləri arasında isə 76 nəfərdir. Bu statistika imtahan rəhbərlərinin protokolları əsasında ortaya çıxıb. Bu cür halların imtahan rəhbərlərinin əksəriyyətinin protokollarında qeyd olunmaması nəzərə alınsa, yuxarıda göstərilən faktların əslində daha çox olduğunu ehtimal etmək olar.

Belə şagirdlərin 9-cu, hətta 11-ci sinfə qədər gəlib çatması müəmmalıdır. 11-ci siniflər üzrə oxumağı və yazmağı bacarmayan şagirdlərin rayonlar (şəhərlər) üzrə sayı belədir: Sabirabad rayonunda 6 nəfər, Lənkəran rayonunda 4 nəfər, Hacıqabul rayonunda 3 nəfər, Tovuz rayonunda 2 nəfər, Daşkəsən, Gədəbəy, Qazax, Goranboy, İmişli, Astara, Lerik, Yardımlı və Masallı rayonlarının hərəsində 1 nəfər. 9-cu siniflər üzrə isə oxumağı və yazmağı bacarmayan şagirdlərin sayı belədir: Astara rayonunda 12 nəfər, Sabirabad rayonunda 9 nəfər, Lerik rayonunda 8 nəfər, Gədəbəy, Tovuz, Cəlilabad və Masallı rayonlarının hərəsində 4 nəfər, Qazax, Goranboy və Bərdə rayonlarının hərəsində 3 nəfər, Daşkəsən, Şəmkir, Ağstafa, Ağcabədi, Ağdaş, Yardımlı və Hacıqabul rayonlarının hərəsində 2 nəfər, Qax, Kəlbəcər, Qəbələ, Ordubad, Xızı, Ağdam, Xaçmaz və Cəbrayıl rayonlarının hərəsində 1 nəfər".

Maraqlıdır, necə ola bilər ki, 9 və ya 11-ci sinfi bitirən məzunlar yazmaq və oxumağı bacarmasın?

Məsələyə münasibət bildirən təhsil eksperti Məhərrəm Zülfüqarlı bu cür halın mümkün olduğunu qeyd etdi və bunun səbəblərini bir sıra amillərlə əlaqələndirdi: "Nəinki orta ümumtəhsil məktəblərində, hətta musiqi kolleclərində də belə hallar baş verə bilər. Orta məktəbi bitirib, amma yazıb-oxumağı bacarmamağın bir neçə səbəbi var. Bunun əsas səbəbi nəzarətin zəif olması, bir də bu işə məsul olan şəxslərin biləvasitə o mühiti yaratmaqda maraqlı olmalarıdır.

Ola bilər ki, uşaq məktəbə getmir, amma adı yazılır. Onun əvəzinə müvafiq sənədlərə qiymətlər yazılır, bir sinifdən digərinə keçirilir. Axırda da attestatını verirlər. Uşaq isə hardasa işləyir, kənddə valideynlərinə kömək edir və yaxud hansısa bazarda alver edir. Belə məzun hardan yazıb-oxumağı bacaracaq?! Ona görə də belə halların mövcud olması mümkündür və Azərbaycanda bu var. Bu həm də bəzi ailələrin iqtisadi çətinliyindən doğan bir problemdir. Görürsən ki, iqtisadi çətinliklər üzündən ailə başçısı uşağını məktəbə göndərə bilmir. Bax belə problemlər də var. Ona görə də problemin kökünü kompleks araşdırmaq lazımdır".

Vidadi ORDAHALLI

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...