Aliment ödəməkdən imtina edənlərin cəzası daha sərtləşdirilə bilər

Tarix: 30.03.2016 / 02:09
Bölmə: Sosial

Vamiq Şükürov: "Aliment qərarlarının tez icra olunmasına çalışmaq lazımdır"

"Bir çoxları iş yerini gizlədir və yaxud da aldığı məvacibi aşağı göstərir"

Azərbaycanda alimentin ödənilməsindən yayınmaya görə inzibati məsuliyyətə cəlb edilən və həbs olunan şəxslərin sayı artıb. Ailə, Qadın və Uşaq Problemləri üzrə Dövlət Komitəsinə istinadən yayılan məlumata görə, ötən il boşanmış ailələrdə alimentlərlə bağlı (alimentin ödənilməsi və ödənilməməsi üzrə işlər birlikdə) işlərin sayı 60 min 565-ə çatıb.

2015-ci ildə alimentin ödənilməsindən yayınmaya görə inzibati məsuliyyətə isə 2 min 174 şəxs cəlb edilib: "Əvvəlki illərdə bu az olub. Əvvəlki dövrlərlə müqayisədə 2015-ci ildə alimentin ödənilməsindən yayınmaya görə inzibati məsuliyyətə cəlb edilmiş şəxslərin sayı təxminən 500 nəfər çoxalıb".

Alimentin ödənilməsindən yayınmaya görə inzibati həbslərin də bir o qədər artdığı bildirilir. Əvvəllər belə şəxslərin sayı minə yaxın olsa da, ötən il bu sayın 1499-ə yüksəldiyi söylənir.

Məlumat üçün qeyd edək ki, "Uşaq hüquqları haqqında" Azərbaycan Respublikası Qanununun 19-cu maddəsinə əsasən, valideynlərin uşaqlar üzərində bərabər hüquq və vəzifələri vardır. Uşaq qabiliyyətinin inkişaf etdirilməsi, onun maddi və mənəvi hüquqlarının təmin etdirilməsi, hüquq və mənafeyinin mühafizəsi valideynlərin əsas vəzifəsidir. Ailə Məcəlləsinə görə, valideynlər yetkinlik yaşına çatmayan uşaqlarını saxlamaqdan ötrü aliment ödənilməsi üçün saziş bağlamaq hüququna malikdirlər. Aliment ödənilməsi barədə valideynlər arasında razılıq olmadıqda uşaqlar üçün onların valideynlərindən məhkəmə tərəfindən hər ay aliment tutulur. Alimentin məbləğini isə qanunvericilik bu cür müəyyən edir: bir uşağa görə qazancın və ya valideynlərin başqa gəlirlərinin dörddə biri, 2 uşağa görə üçdə biri, 3 və daha çox uşağa görə qazancın yarısı.

Göründüyü kimi, alimentin ödənilməsindən yayınmaya görə inzibati həbslərin sayı artıb. Belə halların sayını minimuma endirmək üçün daha hansı tədbirlərin görülməsinə ehtiyac var?

Məsələyə münasibət bildirən hüquqşünas Vamiq Şükürov bir sıra məqamlara aydınlıq gətirdi: "Həqiqətən də son dövrlər alimentin ödənilməməsinə görə inzibati həbslərin sayında artım müşahidə olunur. Ancaq burda məsuliyyət tədbirləri gücləndirilməklə yanaşı, bir sıra digər tədbirlər də həyata keçirilməlidir. Birinci növbədə, alimentin təyin olunması barədə məhkəmə qərarları icra şöbələrinə göndərilərkən icra şöbələri bu qərarları çox gec icra edir. Hər bir qətnamənin, qərarın icra haqqında qanuna görə icrası maksimum iki aydır. Ancaq təəssüflər olsun ki, aliment barəsində qərarlar icra şöbəsinə çox gec göndərilir. Qətnamə qanuni qüvvəyə mindiyi gündən sonra dərhal yox, təxminən bir aya gedib çıxır. İcra şöbələrinin də işi çox olduğundan, qərarı 3 aydan sonra icra edirlər. Fikrimcə, bunu tezləşdirmək lazımdır. Yəni aliment qərarlarının tez icra olunmasına çalışmaq lazımdır. Çoxdandır belə ideya var və bunu reallaşdırmaq lazımdır. Digər tərəfdən, aliment öhdəliyi ilə bağlı fond yaradılmalıdır.

Çünki bəzi şəxslər işləmir və bu səbəbdən alimenti ödəyə bilmirlər. Həmin fond vasitəsilə öhdəliyi yerinə yetirmək olar. Digər bir problem ondan ibarətdir ki, bir çoxları iş yerini gizlədir və yaxud da aldığı məvacibi aşağı göstərir. Hesab edirəm ki, bu problem də həll olunmalıdır".

Vidadi ORDAHALLI

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...