12 illik orta təhsil?

Tarix: 30.03.2016 / 01:58
Bölmə: Sosial

Nadir İsrafilov: "Hesab edirəm ki, belə məsələlər ictimai müzakirəyə çıxarılmalı, bununla bağlı fikirlər öyrənilməlidir"

"Bizdə bütün bu ideyalar atılır ortalığa, amma sonra özünü doğrultmur"

Azərbaycanda ümumi təhsil 12 illik olacaq. Yeni sistemə keçidlə bağlı bu ay Təhsil Nazirliyi aidiyyəti qurumlarla müzakirələrə başlayıb. İlkin təkliflərə əsasən, təhsilin təmayüllər üzrə ayrı-ayrı məktəblərdə təşkil edilməsi, prosesə hazırlıq üçün pilot mərhələnin tətbiqi nəzərdə tutulur.

12 illik təhsilə keçidlə bağlı əsas maraq doğuran məsələlərdən biri də hərbi xidmət yaşı ilə bağlıdır. Məsələyə Müdafiə Nazirliyi də münasibət bildirib.

Təhsilin inkişafı üzrə Dövlət Strategiyasına əsasən, Azərbaycanda 10 illik icbari ümumi təhsil və 2 illik tam orta təhsil olmaqla 12 illik ümumi təhsil sistemi yaradılacaq. Təhsilin idarə edilməsi üzrə beynəlxalq ekspert Aqil Şərifovun sözlərinə görə, hazırda 136 ölkədə, o cümlədən keçmiş sovet respublikalarından doqquzunda 12 illik təhsil sistemi tətbiq edilir. Almaniya, Böyük Britaniya, İsveç, Avstraliya və Yeni Zelandiyada ümumi təhsilin müddəti 13 il, Kanada, Fransa, Hollandiya və Çexiyada hətta 14 ildir.

Türkiyədə 2012-2013-cü tədris ilindən etibarən 12 illik icbari orta təhsil sisteminə keçid olub. Bu ölkədə şagirdlər 4 il ibtidai, 4 il orta, 4 il lisey təhsili alırlar. Ancaq Azərbaycanda istər cəmiyyətdə, istərsə də ekspertlər səviyyəsində 12 illik təhsilə münasibət birmənalı deyil. Xüsusən də ictimaiyyət bunun əleyhinədir. Əhali arasında aparılan müşahidələr göstərir ki, cəmiyyət bunu istəmir.

Maraqlıdır, ekspertlər məsələyə necə yanaşır?

Sözügedən məsələn dəyərləndirən təhsil üzrə ekspert Nadir İsrafilovun fikrincə, Azərbaycan buna hazır deyil: "Ümumiyyətlə, biz Baloniya prosesinə qoşulmuşuq. Bu, Baloniya prosesindən də irəli gələn bir məsələdir. Ancaq söhbət buna keçiddən gedir. İndi keçid mübahisə doğurur. Bizim "Təhsil haqqında" Qanunda da 9 illik icbari təhsil məsələsi yer alıb. Burada 12 illik təhsilə keçidlə əlaqədar məsələ belə qoyulur ki, 9 illik təhsil icbari olsun, 12 illik təhsil isə təmayüllər üzrə ali məktəblərə hazırlanmaq məqsədi daşısın. Lakin bu məsələ bir az mübahisəlidir. Burada söhbət icbarilikdən gedir. Məsələ öz həllini necə tapacaq, bununla bağlı TN-in mövqeyi də birmənalı qarşılanmayıb. Keçid məsələsi ortalığa atılır. Lakin həlli yolları razılaşdırılmayıb, hazırlanmayıb. Bizim 9 illik təhsilin icbari olması məsələsi "Təhsil haqqında" Qanunda yazılıb. Söhbət ortalığa məsələ atmaqdan getmir, məsələnin həllindən gedir. Hesab edirəm ki, belə məsələlər ictimai müzakirəyə çıxarılmalı, bununla bağlı fikirlər öyrənilməlidir. Dünya təcrübəsində belə bir şey var, biz də buna keçək. Bizdə bütün bu ideyalar atılır ortalığa, amma sonra özünü doğrultmur".

Vidadi ORDAHALLI

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...