Səbailin Mühafizə İdarəsinin iki polis serjantı...

Tarix: 29.03.2016 / 01:19
Bölmə: Sosial

İdmanda və xidmətdə...

Bu gün onları hamı tanımasa da, idmançılar yaxşı tanıyırlar. Hər dəfə görüşəndə əldə etdikləri qələbələrdən, dövlətimizin idmana və idmançılara olan qayğısından söhbət açıb bayrağımızı daha ucalara qaldırmaqdan ötrü var gücləri ilə məşq etdiklərini dilə gətirirlər. Bəli, bu gün ölkəmizdə idmana diqqət və qayğı yetərincədir.

Məhz bu qayğının nəticəsidir ki, idmançı həmkarlarımız da böyük uğurlara imza atır, öz təcrübələrini yetişməkdə olan perspektivli gənclərlə bölüşürlər.

Polis serjantları Razim Hüseynov və Azər Həsənov hər ikisi Səbail Rayon Mühafizə İdarəsinin əməkdaşıdır. İdarədə olarkən ötən ilin göstəricilərindən söhbət açan rəis, polis polkovniki Habil Əsədov onlar barədə danışarkən həm yaxşı polis, həm də təcrübəli idmançı olduqlarını xüsusi vurğuladı. Bildirdi ki, idarənin gənc əməkdaşlarında idmana olan həvəsin yaranmasında da onların əməyi az deyil...

Bu yerdə bir şeyi etiraf etmək yerinə düşər. Mühüm dövlət obyektlərini, vətəndaşların mallarını, mülklərini, mənzillərini mühafizə etmək, peşəkarlıqla yanaşı, həm də böyük məsuliyyətdir.

Son zamanlar əhalinin mühafizə polisinə üz tutmasının əsas səbəbi də məhz sadaladığım keyfiyyətlərdir. Əsas odur ki, insanlar polisə inanır, etibar edir, onun xidmətindən razıdır.

Bu dəfə də elə bayram ərəfəsində xidmət başında görüşdük. Razim Hüseynovu çoxdan tanısam da, Azər Həsənovla orda tanış oldum. Bayramlaşıb hal-əhval tutdum. Zarafatla: "Hamı evində bayramı qeyd edir, biz də xidmətdəyik",- deyəndə hər ikisi gülümsədi.

"Xidmətdə olmaq, həvalə olunan işin öhdəsindən canla-başla gəlmək, etibar ediləni qorumaq, xalqına, vətəninə xidmət etmək ikiqat bayramdır və bu sevinci yaşamaq nəyə desən dəyər", - dedi həmkarlarım.

Söhbət hərlənib-fırlanıb idmanın üstünə gələndə Razim Hüseynov "Məndən çox yazmısan, indi də qardaşımızın uğurlarından yaz, oxucular, gənclərimiz onu daha yaxından tanısınlar" - deyib, üzünü Azər Həsənova tutdu...

Polis serjantı Azər Həsənov 1979-cu ildə Qarakilsə (Sisyan) rayonunun Urud kəndində doğulub. Məlum hadisələr zamanı ailəsi ilə Bakıya pənah gətirib. Hələ uşaqlıqdan idmana böyük həvəs göstərib. Əməkdar məşqçi Nurəddin Quliyevdən karatenin sirlərini öyrənib. Dəfələrlə respublika birincisi olub. On ildən çoxdur ki, peşəkar idmandadır. 1999-cu ildən isə DİO-da xidmət edir.

Onlar əldə etdikləri uğurları sadalamaqda həmişə çətinlik çəkirlər və mən bunu dəfələrlə müşahidə etmişəm. Bu bütün güclü idmançılara xas olan xüsusiyyətdir.

Həmkarımız 2014-cü ildə Latviyada karate-do üzrə keçirilən beynəlxalq yarışda ikinci yeri tutub, gümüş medal qazanıb. 2015-ci il isə onun üçün daha uğurlu olub. Riqa şəhərində keçirilən Avropa çempionatının qızıl medalını qazanıb.

Deyir ki, rəqibləri təcrübəli idmançılar, dünya çempionları idi. Avropada 30-a yaxın ölkənin qatıldığı yarışda ən güclülərin dizini yerə gətirmək və Azərbaycanın bayrağını zirvələrə qaldırmağın həyəcanı, sevinci bir başqadı və bu hissi yalnız yaşayanlar bilər. Azər ötən il həm də 88 kiloqram çəki dərəcəsində dünya çempionu olmaqla bərabər, gücünü karatenin digər versiyasında sınayıb və bürünc medal qazanıb. Bir qızıl, bir bürünc. O, 2017-ci ildə Bakıda keçiriləcək İslam oyunlarına hazırlaşır, əsas hədəfi dövlətimizin idmana olan diqqətini və qayğısını qazandığı qələbə ilə bir daha qalib kimi hər kəsə sübut etməkdir.

Yeri gəlmişkən, övladı yolunu davam etdirir, o da karatedə ilk uğurlarını qazanır.

Google axtarış sistemində Razimin adını yazsanız heyrət sizi bürüyəcək. Yük maşınını dartmaq, ən ağır çəkilərin öhdəsindən asanlıqla gəlmək hər oğulun işi deyil. Güc Razimin fitrətindədir. 2015-ci il onun da həyatında maraqlı anlarla yadda qalıb. Paurliftinq üzrə Azərbaycanda keçirilən Avropa çempoinatında 125 kiloqram çəki dərəcəsində birinci, bu il keçirilən yarışda zədəli olduğu üçün ikinci, bir neçə gün bundan öncə keçirilən çempionatda isə isə 3-cü yeri tutub. Razim bütün dünyada məşhur olan, həmçinin Azərbaycanda da keçirilən "Stronqmen" idman yarışlarının dəfələrlə qalibi olub. O da 2017-ci ildə keçiriləcək İslam Oyunları İdman Olimpiadasına hazırlaşır.

İnanırıq ki, xidmətlərində əldə etdikləri uğurlarla yanaşı, hər iki idmançı həmkarımız idmanda da Vətənimizin bayrağını zirvələrə qaldıracaq, himnimizi hər zaman böyük tribunalarda səsləndirəcəklər.

Uğur olsun!

Hafiz Təmirov,

polis mayoru

hafiz2

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...