Ermənilər tut doşabına da təcavüz etməyə başladılar

Tarix: 19.03.2016 / 02:05
Bölmə: Sosial

Tahir Əmiraslanov: "Ermənilər indi tut doşabını MDB ölkələrində erməni brendi kimi satışa çıxarır"

"MDB ölkələrindəki səfirliklər və diaspor təşkilatlarımız birgə fəaliyyət göstərib erməni brendi kimi bazara çıxarılan Azərbaycan məhsullarının satışını qadağan etdirməlidir"

Tarixən ermənilərin Azərbaycan torpağı və o torpağın yetişdirdiyi nemətlərdə gözü olub. Bu günə kimi ermənilər Azərbaycan mətbəxinin bəzi təamlarını öz adına çıxmağa cəhd göstərib. Onlar milli təamlarımızdan plov, dolma, lavaş və pitini öz adına çıxmaq istəyib.

Bu dəfə isə onlar Azərbaycan milli mətbəxinə aid olan nemətləri öz məhsulları kimi xarici bazara çıxarır.

Azərbaycan Respublikası Dövlət Gömrük Komitəsi tərəfindən aparılan araşdırmalar nəticəsində ölkəmizin milli mətbəxinə aid olan bəzi qida məhsullarının Müstəqil Dövlətlər Birliyi ölkələrinin ticarət şəbəkələrində ticari adı və istehsal yeri haqqında məlumatların təhrif olunaraq müvafiq idxalçılar tərəfindən satışa buraxılması halları müəyyən edilib. Dövlət Gömrük Komitəsindən mətbuata verilən məlumata görə, ölkəmizin milli mətbəxinə xas olan "Tut doşabı" və s. qida məhsullarının üzərindəki ticarət nişanlarında Ermənistan brendi olduğu, üstəlik, istehsal edildiyi tarixi Azərbaycan torpaqları-Xankəndi şəhəri, Xocalı rayonu Ermənistan ərazisi kimi göstərilməklə satışa təqdim olunur. Beynəlxalq hüquq və ticarət qaydalarının kobud şəkildə pozulması hallarını müəyyənləşdirən Dövlət Gömrük Komitəsi qanunsuz əməllərin qarşısının alınması və həmin malların idxalına yol verilməməsi məqsədilə aidiyyəti qurumların qarşısında məsələ qaldırıb.

Azərbaycan Kulinariya Mərkəzinin rəhbəri Tahir Əmiraslanov "Bakı-Xəbər"ə açıqlamasında qeyd etdi ki, erməni oğurluğuna ən çox məruz qalan sahə Azərbaycan mətbəxidir: "Ermənilər öz kulinariya kitablarında daha çox siyasətə yer verir. Orada kulinariyadan çox siyasət, yalançı tarix "faktları" yer alır. Çünki bu kitabları çox az alim oxuyur. Orda "genosid", tarix kimi məsələlər qeyd olunur və daha çox evdar qadınlar alır. Bu da ictimai fikri bu istiqamətə yönləndirir. Türk tədqiqatçıları deyir ki, ermənilər daha çox mətbəx, "genosid" və Ararat məsələsi üzərində dayanmağa üstünlük verir. Bu xalq öz varlığını sübut etmək üçün mətbəxə yiyələnmək istəyir".

T.Əmiraslanovun sözlərinə görə, ermənilər bu günə qədər 200-ə yaxın Azərbaycan yeməyini öz adına çıxıb: "Hələ 2005-ci ildə Avropa Şurası tərəfindən ingilis dilində "Avropanın mətbəx mədəniyyəti" adlı kitab nəşr olunub. Həmin kitabda Azərbaycan mətbəxinin böyük hissəsi erməni mətbəxi kimi təqdim edilib. Bu kitab əlimizə bir qədər gec keçdi. Biz Mədəniyyət və Turizm Nazirliyi ilə birgə 2006-cı ildən onlarla müharibəyə başladıq. Nəticədə 2008-ci ildə onlar bizdən üzr istədilər. Kitabın nəşri erməni mətbəxi bölməsinə görə dayandı, sonrakı nəşrlərdə isə həmin bölmə olmayacaq. Amma bu işin arxasında böyük maliyyə dəstəyi olmalıdır. Onlar milyon tirajlarla yalan buraxır. Biz də bu sahəyə böyük maliyyələr qoymalıyıq ki, adekvat güclə mübarizə apara bilək. Azərbaycanda 600-ə yaxın toyxana var. Hərəsi ayda 100 manat versə, 600 000 manat edər. Bu onların bir toydan bir gündə götürdüyü gəlirin xırda bir hissəsidir. Halbuki, həmin maliyyə hesabına biz ermənilərin yalan siyasətini darmadağın etmək üçün çox böyük işlər görə bilərik".

Ekspertə görə, Azərbaycan dövlətinin bununla bağlı qanunu olmalı, milli yeməklərimiz patentləşdirilməlidir. Tək yeməklər deyil, Azərbaycan torpağının yetişdirdiyi nemətlər də patentləşdirilməlidir: "Ermənilər indi tut doşabını MDB ölkələrində erməni brendi kimi satışa çıxarır. Bununla bağlı həmin ölkələrdəki səfirliklər və diaspor təşkilatlarımız birgə fəaliyyət göstərməlidir. Onlar erməni brendi kimi satışa çıxarılan Azərbaycan məhsullarının satışını qadağan etdirməlidir".

Günel CƏLİLOVA

DİGƏR XƏBƏRLƏR

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən qovulmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

Tarix: 30.09.2026 / 11:10

Faiq Ələkbərlinin “Türk xalqları fəlsəfəsi tarixi (Qədim dövr)” əsəri haqqında fəlsəfi düşüncələr

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...